Mohan Babu: ట్రోలర్స్​కు మోహన్​బాబు లీగల్ నోటీసులు.. రూ.10 కోట్ల దావా!

Manchu Family: తెలుగు సినిమా లెజెండ్స్‌లో మోహన్ బాబు ఒకరు. సినిమా నటుడిగా, నిర్మాతగా,  విద్యాసంస్థల అధినేత అయిన ఆయన గురించి తెలుగు ప్రజలకు ప్రత్యేకంగా చెప్పాల్సిన పనిలేదు.  మోహన్​బాబు ‘సన్ ఆఫ్ ఇండియా'( Son of India) మూవీతో ప్రేక్షకులను ముందుకొచ్చారు. అయితే ఊహించని విధంగా ఈ మూవీ బాక్సాఫీస్ వద్ద చతికిలపడింది. మూవీపై మంచి నమ్మకం పెట్టుకున్న మోహన్ బాబుకు.. ఈ రకమైన రెస్పాన్స్ రావడం బాధ కలిగింది. సోషల్ మీడియాలో తనతో పాటు ఆయన కుటుంబంపై తెగ ట్రోల్స్, మీమ్స్(memes) రావడం ఇందుకు ఒక కారణమని ఆయన భావించారు. ఈ క్రమంలోనే ఆయన సంచలన నిర్ణయం తీసుకున్నారు. సదర్ మీమ్ పేజీల అడ్మిన్​లకు లీగల్​ నోటీసులు పంపించారు. రూ.10 కోట్ల దావా కూడా వేసినట్లు సమాచారం అందుతోంది.  ట్రోల్స్‌ అంటే నవ్వించేలా ఉండాలి కానీ, అసభ్యకరంగా ఉండకూడదని ఇటీవల వ్యాఖ్యానించారు మోహన్ బాబు. ఓ ఇద్దరు హీరోలు యాబై నుంచి వంద మందిని ప్రత్యేకంగా ట్రోల్ చేయడం కోసం నియ‌మించుకుని మరీ తనను ట్రోల్ చేయిస్తున్నారని సంచలన కామెంట్స్ చేశారు. ఆ హీరోలు ఎవరో తెలుసని పేర్కొన్నారు. అయితే ఇలా ట్రోల్స్‌ చేయించేవాళ్లు తాత్కాలికంగా ఆనందం పొందవచ్చు, కానీ ఏదో ఒక సమయంలో వాళ్లు కూడా ఇబ్బందులు ఎదుర్కొక తప్పదని హెచ్చరించారు. ఈ క్రమంలో ఆయన ట్రోలర్స్‌కు లీగల్ నోటీసులు పంపడం ఇప్పుడు చర్చనీయాంశమైంది.

Also Read: పేరుకే బ్యూటీషియన్.. ఆమె ఇంట్లోని ఫ్రిజ్‌లో కనిపించింది చూసి పోలీసులు షాక్