Chiranjeevi: రెండు రాష్ట్రాల ప్రభుత్వాలు ఆ విషయాన్ని మర్చిపోయాయి.. ఆసక్తికర వ్యాఖ్యలు చేసిన మెగాస్టార్..

మెగాస్టార్ చిరంజీవి ప్రస్తుతం వరుస ఆఫర్లతో ఫుల్ బిజీగా ఉన్నారు. కొరటాల శివ దర్శకత్వంలో తెరకెక్కుతున్న ఆచార్య సినిమా రిలీజ్ కు రెడీగా ఉంది.

Chiranjeevi

Updated on: Nov 17, 2021 | 10:58 AM

Chiranjeevi: మెగాస్టార్ చిరంజీవి ప్రస్తుతం వరుస సినిమాలతో ఫుల్ బిజీగా ఉన్నారు. కొరటాల శివ దర్శకత్వంలో తెరకెక్కుతున్న ఆచార్య సినిమా రిలీజ్‌కు రెడీగా ఉంది. అలాగే ఆ తర్వాత మోహన్ రాజా దర్శకత్వంలో గాడ్ ఫాదర్, మెహర్ రమేష్ డైరెక్షన్‌లో భోళా శంకర్, అలాగే బాబీ దర్శకత్వంలో ఓ సినిమా చేస్తున్నారు మెగాస్టార్. ఇదిలా ఉంటే తాజాగా జరిగిన ఓ ప్రముఖ అవార్డుల కార్యక్రమానికి మెగాస్టార్ చిరంజీవి ముఖ్య అతిథిగా హాజరయ్యారు. ఈ సందర్భంగా చిరంజీవి మాట్లాడుతూ ఆసక్తికర వ్యాఖ్యలు చేశారు. మెగాస్టార్ మాట్లాడుతూ.. ఇలాంటి అవార్డులు అందివ్వాలన్న కోరిక మనసులో బలంగా ఉంటేనే ఏదైనా చేయగలం అన్నారు. నిజంగా సినిమా కళాకారులకు అవార్డులు అనేవి ఓ గొప్ప ఉత్సహాన్ని ఇచ్చే వేడుక. నిజానికి ఇలాంటి అవార్డు వేడుకలు ప్రభుత్వం చేయాలి. ప్రభుత్వం సినిమా కళాకారులను అవార్డులు అందించి సత్కరించాలి. కానీ రాష్ట్రం విడిపోయిన తరువాత అటు ఆంధ్ర ప్రదేశ్ ప్రభుత్వం కానీ, ఇటు తెలంగాణ ప్రభుత్వం కానీ ఈ అవార్డు వేడుకల విషయం మరచిపోయాయి. ఇకపై అయినా ఈ రెండు ప్రభుత్వాలు అలోచించి అవార్డు వేడుకలు నిర్వహిస్తే మంచిది అంటూ తన అభిప్రాయాన్ని వ్యక్తం చేశారు చిరు.

ఇక ఇదే కార్యక్రమానికి హాజరైన మంత్రి తలసాని శ్రీనివాస్ మాట్లాడుతూ.. తెలుగు చిత్రపరిశ్రమ ఈ మధ్య దేశ వ్యాప్తంగా గొప్ప పేరు తెచ్చుకుంటుంది. మన సినిమాలు పాన్ ఇండియా స్థాయిలో సక్సెస్ అవుతున్నాయి. అలాగే తెలంగాణ ప్రభుత్వం కూడా సినిమా రంగానికి గొప్ప ప్రోత్సహం అందించే దిశగా ఎప్పుడు ముందు ఉంటుంది అన్నారు.

మరిన్ని ఇక్కడ చదవండి :