Romantic : ఓటీటీ స్ట్రీమింగ్‌కు రెడీ అయిన ఆకాష్ పూరి రొమాంటిక్ మూవీ.. రిలీజ్ ఎప్పుడంటే..

డైనమిక్ డైరెక్టర్ పూరి జగన్నాథ్ తనయుడు ఆకాష్ పూరి హీరోగా తెరకెక్కిన సినిమా రొమాంటిక్. ఈ సినిమాలో కేతిక శర్మ హీరోయిన్‌గా నటించింది.

Romantic

Rajeev Rayala |
Updated on: Nov 17, 2021 | 11:37 AM

Romantic : డైనమిక్ డైరెక్టర్ పూరి జగన్నాథ్ తనయుడు ఆకాష్ పూరి హీరోగా తెరకెక్కిన సినిమా రొమాంటిక్. ఈ సినిమాలో కేతిక శర్మ హీరోయిన్‌గా నటించింది. ఇంటెన్స్ లవ్ స్టోరీగా తెరకెక్కిన ఈ సినిమా ఇటీవలే ప్రేక్షకుల ముందుకు వచ్చింది. ఈ చిత్రానికి అనిల్ పాదూరి దర్శకత్వం వహించగా.. నిర్మాణ భాద్యతలు దగ్గరుండి చూసుకున్నారు.. పూరి జగన్నాథ్. రెబల్ స్టార్ ప్రభాస్, రౌడీ స్టార్ విజయ్ దేవరకొండతో పాటు పలువురు స్టార్స్ రొమాంటిక్ సినిమాకు సపోర్ట్ చేశారు. ఈ సినిమా ఇటీవలే ప్రపంచవ్యాప్తంగా ప్రేక్షకుల ముందుకు వచ్చింది. విడుదలకు ముందు ఈ సినిమాపై బారీ హైప్ క్రియేట్ చేశారు ఛార్మి, పూరి. ఇక ఈ సినిమాలో ఆకాశ్ తన నటనతో అదుర్స్ అనిపించాడని.. పూరి తనయుడిగా ఆకాశ్ తన మార్క్ చూపించడంటూ కామెంట్స్ వచ్చాయి. రొమాంటిక్ సన్నివేశాలతో పాటు యాక్షన్ సన్నివేశాల్లో అతడి నటన ఆకట్టుకుంది. ఇదిలా ఉంటే ఇప్పుడు ఈ సినిమా ఓటీటీలో స్ట్రీమింగ్ కు రెడీ అవుతుంది.

100 పర్సెంట్ తెలుగు కంటెంట్‌తో దూసుకుపోతున్న ప్రముఖ ఓటీటీ సంస్థ ఆహా రొమాంటి సినిమాను స్ట్రీమింగ్ చేయడానికి రెడీ అయ్యింది. అక్టోబర్ 29న థియేటర్ రిలీజ్ అయిన ఈ సినిమాను ఓటీటీ లో నవంబర్ 26న స్ట్రీమింగ్ చేసేందుకు రెడీ అయ్యింది ఆహా. ఈ మేరకు అధికార ప్రకటన కూడా విడుదల చేసింది. ఇక ఓటీటీ స్ట్రీమింగ్ తేదీ రావడంతో ప్రేక్షకులంతా ఈ సినిమా కోసం ఆసక్తిగా ఎదురు చూస్తున్నారు. మరి ఈ సినిమా ఓటీటీలో ఎలాంటి రిజల్ట్ అందుకుంటుందో చూడాలి.