Mahesh Babu: మహేష్ ఫ్యాన్స్‌కు గుడ్ న్యూస్.. త్రివిక్ర‌మ్‌తో చేయనున్న మూవీ ఓపెనింగ్‌కి డేట్ ఫిక్స్!
ప్రజెంట్ సర్కారువారి పాట షూటింగ్‌లో ఉన్న మహేష్ నెక్ట్స్ త్రివిక్రమ్ డైరెక్షన్‌లో ఓ సినిమాకు గ్రీన్ సిగ్నల్ ఇచ్చారు. గతంలో ఈ కాంబినేషన్‌లో...
ప్రజెంట్ సర్కారువారి పాట షూటింగ్‌లో ఉన్న మహేష్ నెక్ట్స్ త్రివిక్రమ్ డైరెక్షన్‌లో ఓ సినిమాకు గ్రీన్ సిగ్నల్ ఇచ్చారు. గతంలో ఈ కాంబినేషన్‌లో వచ్చిన అతడు, ఖలేజా సినిమాల్లో మహేష్ పెర్ఫామెన్స్‌కు సూపర్బ్ రెస్పాన్స్ వచ్చింది. అందుకే హ్యాట్రిక్ సినిమా మీద భారీ అంచనాలు ఉన్నాయి. ఆ అంచనాలకు తగ్గట్టుగా క్రేజీ స్క్రిప్ట్‌ను సిద్ధం చేస్తున్నారట త్రివిక్రమ్. లాక్ డౌన్‌ రాకపోయుంటే, సూపర్ స్టార్‌ కృష్ణ బర్త్ డే సందర్భంగా… మే 31న ఈ సినిమా షూటింగ్ స్టార్ట్ అయ్యేది. కానీ ఆ పరిస్థితి లేకపోవటంతో ఓపెనింగ్ సెర్మనీని పోస్ట్ చేశారు. అయితే ఎక్కువ రోజులు ఆలస్యం చేసే ఉద్దేశం మహేష్‌కు అస్సలు లేదట. అందుకే కృష్ణ బర్త్ డే రోజు మిస్‌ అయిన ఈవెంట్‌ను తన బర్త్ డే రోజు చేసేందుకు రెడీ అవుతున్నారు.
యస్‌… మహేష్ బాబు, త్రివిక్రమ్ సినిమాకు ముహూర్తం ఫిక్స్ అయ్యింది. మహేష్ బాబు బర్త్ డే సందర్భంగా ఆగస్టు 9న ఈ మూవీ లాంచనంగా ప్రారంభం కానుంది. అయితే సెంటిమెంట్ ప్రకారం మహేష్ అయితే ఈ ఈవెంట్‌లో పాల్గొనే ఛాన్స్ లేదు. కానీ అఫీషియల్ లాంచ్ తరువాత షార్ట్ గ్యాప్‌లోనే రెగ్యులర్ షూట్‌ను కూడా స్టార్ట్ చేసే ప్లాన్‌లో ఉన్నారు మహేష్ బాబు.
అనిల్ రావిపూడి దర్శకత్వంలో శర్వానంద్ సినిమా.. త్వరలోనే సెట్స్ పైకి..
