Peddi Movie: వీకెండ్లో రామ్ చరణ్ ‘పెద్ది’కి భారీ కలెక్షన్లు.. 4 రోజుల్లో మొత్తం ఎన్ని కోట్లు వచ్చాయంటే?
మొదటి రోజు కంటే రెండో రోజు పెద్ది కలెక్షన్లు భారీగా తగ్గాయి. కానీ వీకెండ్ లో మళ్లీ పెద్ది దూకుడు పెంచింది. బాక్సాఫీస్ వద్ద భారీ వసూళ్లను రాబట్టింది. ఈ మేరకు రామ్ చరణ్ సినిమా నాలుగు రోజుల వసూళ్లను చిత్ర బృందం అధికారికంగా ప్రకటించింది.
Updated on: Jun 08, 2026 | 12:48 PM
మెగా పవర్ స్టార్ రామ్ చరణ్ నటించిన లేటెస్ట్ స్పోర్ట్స్ డ్రామా పెద్ది. బుచ్చిబాబు సనా తెరకెక్కించిన ఈ సినిమాలో రామ్ చరణ్ క్రికెటర్ గా, కుస్తీ వీరుడిగా, బ్లేడ్ రన్నర్ గా అదరగొట్టాడు. సినిమా మొత్తం మెగా పవర్ స్టార్ వన్ మ్యాన్ షోలా సాగింది. ఈ నేపథ్యంలో రామ్ చరణ్ ఇంటెన్స్ యాక్టింగ్ చూసేందుకే చాలా మంది ఆడియెన్స్ థియేటర్లకు వస్తున్నారు. దీంతో ఈ సినిమాకు భారీ కలెక్షన్లు వస్తున్నాయి. జూన్ 04న ప్రపంచ వ్యాప్తంగా విడుదలైన పెద్ది సినిమా మొదటి రోజే రూ. 130 కోట్లకు పైగా కలెక్షన్లు సాధించింది. రెండో రోజు కాస్త వసూళ్లు తగ్గినా వీకెండ్ లో పెద్ది ప్రభంజనం స్పష్టంగా కనిపించింది. ఆదివారం (జూన్ 07) 250 కోట్ల క్లబ్ లోకి ప్రవేశించిన పెద్ది ఓవరాల్ గా నాలుగు రోజుల్లో రూ. 292.5 కోట్లు కలెక్ట్ చేసింది. ఈ మేరకు కలెక్షన్ల వివరాలు వెల్లడిస్తూ పెద్ది నిర్మాతలు ఒక పోస్టర్ రిలీజ్ చేశారు. మొత్తానికి నాలుగు రోజుల్లోనే రూ.300 కోట్లకు చేరువైన పెద్ది మూవీకి సోమవారం పెద్ద పరీక్ష ఎదురు కానుంది. వీక్ డేస్ కావడం, స్కూళ్లు, కాలేజీలు ఓపెన్ కావడంతో పెద్ది వసూళ్లపై ప్రతికూల ప్రభావం చూపే అవకాశముందని ట్రేడ్ నిపుణులు భావిస్తున్నారు.
ఇక ఓవర్సీస్ లోనూ పెద్ది సినిమాకు రికార్డు కలెక్షన్లు వస్తున్నాయి. నార్త్ అమెరికాలో ఇప్పటికే 2.7 మిలియన్స్ డాలర్లను కలెక్ట్ చేసినట్లు చిత్ర బృందం ప్రకటించింది. మైత్రి మూవీ మేకర్స్, సుకుమార్ రైటింగ్స్ సమర్పణలో వృద్ది సినిమాస్ బ్యానర్పై వెంకట సతీష్ కిలారు, ఇషాన్ సక్సేనా పెద్ది సినిమాను నిర్మించారు. రామ్ చరణ్ సరసన జాన్వీ కపూర్ నటించింది. అలాగే శివరాజ్ కుమార్ జగపతిబాబు, దివ్యేందు త్రిపాఠి, రావు రమేష్, బొమన్ ఇరానీ, రవి కిషన్, కమెడియన్ సత్య, చమ్మక్ చంద్ర, అజయ్ ఘోష్ తదితరులు ప్రధాన పాత్రలు పోషించారు. ఏఆర్ రెహమాన్ ఈ మూవీకి స్వరాలు అందించారు.
300 కోట్లకు చేరువలో పెద్ది..
Blockbuster first weekend for BOX OFFICE CHAMPION #PEDDI 🔥🔥#Peddi collects a gross of 292.5 CRORES GROSS WORLDWIDE in 4 days 💥💥💥
Book your tickets now! 🎟️ https://t.co/EMhY3eMGKq#PEDDI in cinemas NOW 💥 pic.twitter.com/LC32hasgLW
— PEDDI (@PeddiMovieOffl) June 8, 2026
ఓవర్సీస్ లోనూ..
#PEDDI Continues Its Rampage 🔥
North America Gross $2.7 MILLION and Counting 💪 #BlockbusterPEDDI In Cinemas Now 🔥
Book Your Tickets 🎟️ North America By @PrathyangiraUS@AlwaysRamCharan @NimmaShivanna #JanhviKapoor @BuchiBabuSana @arrahman @RathnaveluDop @vriddhicinemas… pic.twitter.com/BibMzggyXK
— Prathyangira Cinemas (@PrathyangiraUS) June 7, 2026
మరిన్ని సినిమా వార్తల కోసం ఇక్కడ క్లిక్ చేయండి
