కొడుకు సినిమా పై ప్రత్యేక దృష్టి పెట్టిన కింగ్.. అఖిల్ ఏజెంట్ కోసం రంగంలోకి నాగార్జున

మోస్ట్ ఎలిజిబుల్ బ్యాచిలర్ సినిమాతో ప్రేక్షకుల ముందుకు రానున్నాడు కుర్రహీరో అఖిల్. హిట్టు ప్లాపులతో సంబంధం లేకుండా వరుస సినిమాలను పట్టాలెక్కించేస్తున్నాడు..

Akhil

Rajeev Rayala | Edited By: Phani CH

Updated on: Jul 17, 2021 | 9:04 AM

మోస్ట్ ఎలిజిబుల్ బ్యాచిలర్ సినిమాతో ప్రేక్షకుల ముందుకు రానున్నాడు కుర్రహీరో అఖిల్. హిట్టు ప్లాపులతో సంబంధం లేకుండా వరుస సినిమాలను పట్టాలెక్కించేస్తున్నాడు ఈ యంగ్ హీరో. మొదటి సినిమానే యాక్షన్ డైరెక్టర్ వివి వినాయక్ దర్శకత్వంలో నటించాడు అఖిల్. కానీ ఆ సినిమా డిజాస్టర్ అయ్యింది. ఆతర్వాత విక్రమ్ కుమార్ కే దర్శకత్వంలో ‘హలో’అనే లవ్ స్టోరీతో ప్రేక్షకుల ముందుకు వచ్చాడు. కానీ సినిమా కుడా దారుణంగా నిరాశపరిచింది. ఆతర్వాత వెంకీ అట్లూరి దర్శకత్వంలో’మిస్టర్ మజ్ను’సినిమా చేశాడు. భారీ ఆశలు పెట్టుకున్న ఈ సినిమా కుడా బాక్సాఫీస్ దగ్గర బోల్తకోట్టింది. ప్రస్తుతం డైరెక్టర్ బొమ్మరిల్లు బాస్కర్ దర్శకత్వంలో మోస్ట్ ఎలిజిబుల్ బ్యాచిలర్ సినిమాలో నటిస్తునన్నాడు అఖిల్. ఇందులో పూజా హెగ్డే హీరోయిన్ గా నటిస్తుంది. ప్రస్తుతం ఈ మూవీ షూటింగ్ పూర్తయి విడుదలకు సిద్ధంగా ఉంది. అఖిల్ ఏజెంట్ అనే సినిమాలు మొదలు పెట్టిన సంగతి తెలిసిందే. ఈ చిత్రానికి సురేందర్ రెడ్డి దర్శకత్వం వహిస్తున్నాడు. ఇటీవలే ఈ సినిమా రెగ్యులర్ షూటింగు మొదలైంది.

ఈ సినిమా నిర్మాణంలో కింగ్ నాగార్జున భాగస్వామ్యం కూడా ఉందని టాక్ వినిపిస్తుంది.అయితే కథ ప్రకారం ఏజెంట్ షూటింగు చాలావరకూ హైదరాబాద్ అన్నపూర్ణ స్టూడియోలో జరగనుంది. అయితే అక్కడ ఎన్ని రోజుల పాటు షూటింగు చేసినా, ఆ ఖర్చు అంతా కూడా నాగ్ ఖాతాలోకే వెళ్లనుందని అంటున్నారు. ఇదిలా ఉంటే నాగ్ మొదటి నుంచి అఖిల్ సినిమాల పై ప్రత్యేక దృష్టి పెడుతున్నారు. పెద్ద పెద్ద దర్శకులను ఎంచుకుంటునప్పటికీ అఖిల్ కు హిట్ మాత్రం అందించలేక పోతున్నారు. ఆలాగే ఇప్పడు అఖిల్ ‘ఏజెంట్’ సినిమాపై ప్రత్యేక దృష్టి పెట్టారట. ఈ సినిమా విషయాలను ఆయన ఎప్పటికప్పుడు తెలుసుకుంటున్నారని అంటున్నారు.

మరిన్ని ఇక్కడ చదవండి :