Tollywood: లీడర్ మూవీలోని ఈ యంగ్ బాయ్‌ను గుర్తు పట్టారా? ఇండియన్ బాక్సాఫీస్‌ను షేక్ చేసిన టాలీవుడ్ సెలబ్రిటీ

దగ్గుబాటి వారసుడు రానా దగ్గుబాటి హీరోగా పరిచయమైన చిత్రం లీడర్. టాలీవుడ్ సెన్సిబుల్ డైరెక్టర్ గా గుర్తింపు తెచ్చుకున్న శేఖర్ కమ్ముల ఈ సినిమాను తెరకెక్కించాడు. 2010లో వచ్చిన ఈ చిత్రం సూపర్ హిట్ గా నిలిచింది. విమర్శకుల ప్రశంసలు అందుకుంది. మరీ ముఖ్యంగా రానా దగ్గుబాటికి సరైన ఎంట్రీ ఇచ్చింది. ఈ మూవీలో రిచా గంగోపాధ్యాయ, ప్రియా ఆనంద్ హీరోయిన్లుగా నటించారు. అయితే ఇదే లీడర్ మూవీలో మరొక టాలీవుడ్ సెలబ్రిటీ కనిపించాడు. పై ఫొటో చూశారుగా.. ఇందులో రానా, రిచా బైక్ పై వెళుతుంటే ఇద్దరు కుర్రాళ్లు హీరోయిన్ కు సైడ్ కొడుతారు. అయితే రానా హెల్మెట్ తీయగానే అక్కడి నుంచి పరుగు లంకించుకుంటారు. ఆ ఇద్దరు కుర్రాళ్లలో ఒకరు లైట్ బ్లూ టీ షర్ట్ అండ్ కళ్లజోడు పెట్టుకుని, గుబురు గడ్డంతో కనిపించాడు. ఆ యంగ్ బాయ్ ఎవరో తెలుసా? అతను ఇప్పుడు టాలీవుడ్ లో ది మోస్ట్ ఫేమస్ సెలబ్రిటీ. ఒక్క సినిమాతోనే బాక్సాఫీస్ ను షేక్ చేశాడు. డైరెక్టర్ గా ఇండియన్ బాక్సాఫీస్ రికార్డులను బద్దలు కొట్టేస్తున్న ఆ యంగ్ బాయ్ మరెవరో కాదు కల్కి 2898ఏడీ దర్శకుడు నాగ్ అశ్విన్. కల్కి సినిమా కలెక్షన్ల ప్రభంజనం నేపథ్యంలో నాగీ పాత ఫొటోలు ఇప్పుడు సోషల్ మీడియాలో తెగ వైరలవుతున్నాయి.

డైరెక్టర్ శేఖర్ కమ్ముల ప్రియమైన శిష్యుల్లో ఒకరైన నాగ్ అశ్విన్ కెరీర్ ప్రారంభంలో అసిస్టెంట్ డైరెక్టర్‌గా వర్క్ చేశాడు. లీడర్, లైఫ్ ఈజ్ బ్యూటీఫుల్ చిత్రాలకు పనిచేయడమే కాకుండా క్యామియో రోల్స్ లోనూ తళుక్కుమన్నాడు. అయితే అప్పటికీ అతను అంతగా ఫేమస్ కాకపోవడంతో ఎవరూ గుర్తు పట్టలేకపోయారు. నాని, విజయ్ దేవరకొండలతో కలిసి ఎవడే సుబ్రమణ్యం సినిమాతో డైరెక్టర్ గా ఎంట్రీ ఇచ్చాడీ ట్యాలెంటెడ్ డైరెక్టర్. ఆ తర్వాత మహానటి సావిత్ర జీవితకథను తెరకెక్కించి విమర్శకుల ప్రశంసలు పొందాడు. ఇప్పుడు ఏకంగా పాన్ ఇండియా సూపర్ స్టార్ ప్రభాస్ తో కలిసి కల్కి 2898 ఏడీ సినిమాను తెరకెక్కించాడు. అమితాబ్ బచ్చన్, కమల్ హాసన్, దీపికా పదుకొణె, శోభన లాంటి బిగ్ స్టార్స్ ను ఓకే వేదిక మీదకు తెచ్చి కల్కి వంటి సెన్సేషనల్ మూవీని రూపొందించాడు. ఇప్పటికే ఈ సినిమా రూ.1100 కోట్లకు పైగా వసూళ్లు రాబట్టింది.

ఇవి కూడా చదవండి

జనసేన ఎమ్మెల్సీగా హైపర్ ఆది.. క్లారిటీ ఇచ్చిన స్టార్ కమెడియన్

బంపరాఫర్..1000 సిల్వర్ కాయిన్స్ గెల్చుకునే అవకాశం.. సినిమా చూసి..

ఎంజాయ్ పండగో.. ఓటీటీలోకి వచ్చేసిన గెటప్ శీను 'రాజు యాదవ్' సినిమా

రోజూ 350 మందికి ఉచితంగా భోజనాలు పంపిస్తున్న హీరో సందీప్ కిషన్

1100 కోట్ల క్లబ్ లో ప్రభాస్ కల్కి సినిమా..

𝐀 𝐫𝐞𝐬𝐨𝐮𝐧𝐝𝐢𝐧𝐠 𝐩𝐡𝐞𝐧𝐨𝐦𝐞𝐧𝐨𝐧 𝐚𝐭 𝐭𝐡𝐞 𝐛𝐨𝐱 𝐨𝐟𝐟𝐢𝐜𝐞…❤️‍🔥

1100 CRORES and counting… #Kalki2898AD continues its epic run into the 5th week! @SrBachchan @ikamalhaasan #Prabhas @deepikapadukone @nagashwin7 @DishPatani @Music_Santhosh @VyjayanthiFilms… pic.twitter.com/XEQIXAbkEH

— Kalki 2898 AD (@Kalki2898AD) July 25, 2024

మరిన్ని సినిమా వార్తల కోసం ఇక్కడ క్లిక్ చేయండి.