Jr.NTR: సూపర్ స్టైలిష్ లుక్‏లో యంగ్ టైగర్.. నయా లుక్ చూసి ఫిదా అవుతోన్న ఫ్యాన్స్..

యంగ్ టైగర్ ఎన్టీఆర్ క్రేజ్ గురించి చెప్పక్కర్లేదు. ఆర్ఆర్ఆర్ సినిమాతో ప్రపంచవ్యాప్తంగా ఫాలోయింగ్ సంపాదించుకున్న తారక్.. ఇప్పుడు మాస్ డైరెక్టర్ కొరటాల శివ దర్శకత్వంలో దేవర సినిమా చేస్తున్నారు. ఫుల్ మాస్ యాక్షన్ నేపథ్యంలో వస్తోన్న ఈ మూవీని పాన్ ఇండియా లెవల్లో నిర్మిస్తోన్న సంగతి తెలిసిందే. ఇప్పటికే ఈ సినిమా నుంచి విడుదలైన గ్లింప్స్ తో సినిమా ఏరెంజ్‏లో ఉంటుందో చెప్పేశారు. ఈ సినిమాపై గ్లోబల్ లెవల్ హైప్ రాగా.. కొద్ది రోజులుగా ఈ సినిమా షూటింగ్ శరవేగంగా జరుగుతుంది. ఇందులో బాలీవుడ్ బ్యూటీ జాన్వీ కపూర్ కథానాయికగా నటిస్తోంది. తారక్ సరసన నటించేందుకు ఈ బ్యూటీ దాదాపు ఏడాది కాలం వెయిట్ చేసిందట. అంతేకాకుండా తనకు ఎన్టీఆర్ అంటే ఎంతో అభిమానం అని.. దేవర సినిమా అనౌన్స్ చేసిన రోజునే ఈ సినిమాలో ఛాన్స్ వస్తే బాగుండు అని నిత్యం ప్రార్థించినట్లు చెప్పుకొచ్చింది జాన్వీ. ఇక ఈ సినిమాలో బాలీవుడ్ స్టార్ నటుడు సైఫ్ అలీ ఖాన్ కీలకపాత్రలో నటిస్తున్నారు. ఈ సినిమాతోపాటు.. తారక్.. మరోవైపు యాడ్స్ చేస్తూ ఫుల్ బిజీగా ఉన్నారు.

ఈ క్రమంలోనే తాజాగా తారక్ లేటేస్ట్ సూపర్ స్టైలీష్ లుక్ నెట్టింట వైరలవుతుంది. ప్రముఖ హెయిర్ స్టైలిస్ట్ అలీమ్ హకీమ్ తారక్ సూపర్ స్టైలీష్ గా ప్రిపేర్ చేయగా.. ఓ మిర్రర్ పిక్ తీశాడు. ఇందులో తారక్ స్మార్ట్ అండ్ కూల్ లుక్ లో కనిపిస్తున్నారు. అయితే ఇది ఓ యాడ్ కోసం రెడీ చేసిన లుక్ కాగా.. రీసెంట్ గా ఈ మేకోవర్ లోకి మారినట్టుగా తెలుస్తోంది. ప్రస్తుతం ఈ పిక్ నెట్టింట వైరలవుతుండగా.. తారక్ న్యూ స్టైలీష్ లుక్ చూసి ఫ్యాన్స్ ఫుల్ ఖుషి అవుతున్నారు.

ఇదిలా ఉంటే.. దేవర సినిమా తర్వాత తారక్ డైరెక్టర్ ప్రశాంత్ నీల్ దర్శకత్వంలో ఓ మూవీ చేయనున్నారు. ఇప్పటికే ఈ మూవీ గురించి అధికారిక ప్రకటన రాగా.. ఈ సినిమా కోసం తారక్ ఫ్యాన్స్ ఎంతో ఆసక్తిగా ఎదురుచూస్తున్నారు. అయితే మరోవైపు నీల్ సలార్ సినిమా చిత్రీకరణలో బిజీగా ఉన్న సంగతి తెలిసిందే. ప్రభాస్ ప్రధాన పాత్రలో రూపొందుతున్న ఈ మూవీ పై భారీగానే అంచనాలు ఉన్నాయి. ఈ మూవీ తర్వాతే నీల్.. తారక్ కాంబోలో రాబోయే ప్రాజెక్ట్ పట్టాలెక్కనున్నట్లు తెలుస్తోంది.

The Oscars. #Oscars95 pic.twitter.com/3njGGiQiP9

— Jr NTR (@tarak9999) March 12, 2023

మరిన్ని సినిమా వార్తల కోసం ఇక్కడ క్లిక్ చేయండి.