Bhola Shankar: భోళా శంకర్ నుంచి మరో ఇంట్రెస్టింగ్ అప్డేట్.. స్టైలీష్ లుక్లో చిరు..
ఇప్పటికే అన్ని కార్యక్రమాలు పూర్తిచేసుకున్న ఈ సినిమా ఆగస్ట్ 11న ప్రపంచవ్యాప్తంగా గ్రాండ్ గా విడుదల కానుంది. వాల్తేరు వీరయ్య సినిమాతో ఈ ఏడాది ప్రారంభంలోనే బ్లాక్ బస్టర్ హిట్ ఖాతాలో వేసుకున్న చిరు.. ఇప్పుడు భోళా శంకర్ సినిమాతో మరో హిట్ కొట్టేందుకు సిద్ధమవుతున్నారు. ఇక ఆదివారం సాయంత్రం హైదరాబాద్ లో ప్రీ రిలీజ్ ఈవెంట్ నిర్వహించారు మేకర్స్.
Updated on: Aug 06, 2023 | 9:10 PM
మెగాస్టార్ చిరంజీవి ప్రధాన పాత్రలో నటిస్తోన్న సినిమా భోళా శంకర్. డైరెక్టర్ మెహర్ రమేశ్ తెరకెక్కిస్తోన్న ఈ మూవీలో మిల్కీబ్యూటీ తమన్నా కథానాయికగా నటిస్తోండగా.. కీర్తి సురేష్, సుశాంత్ కీలకపాత్రలలో నటిస్తున్నారు. ఇప్పటికే విడుదలైన సాంగ్స్, ట్రైలర్ సినిమాపై మరింత క్యూరియాసిటిని పెంచేశాయి. ఇప్పటికే అన్ని కార్యక్రమాలు పూర్తిచేసుకున్న ఈ సినిమా ఆగస్ట్ 11న ప్రపంచవ్యాప్తంగా గ్రాండ్ గా విడుదల కానుంది. వాల్తేరు వీరయ్య సినిమాతో ఈ ఏడాది ప్రారంభంలోనే బ్లాక్ బస్టర్ హిట్ ఖాతాలో వేసుకున్న చిరు.. ఇప్పుడు భోళా శంకర్ సినిమాతో మరో హిట్ కొట్టేందుకు సిద్ధమవుతున్నారు. ఇక ఆదివారం సాయంత్రం హైదరాబాద్ లో ప్రీ రిలీజ్ ఈవెంట్ నిర్వహించారు మేకర్స్. ఈ క్రమంలోనే తాజాగాఈ సినిమా నుంచి మరో ఇంట్రెస్టింగ్ అప్డేట్ ఇచ్చారు.
ట్రైలర్ లో ప్రదర్శించిన కొత్త పాట కొట్టారా కొట్టు తీనుమారు ప్రీ రిలీజ్ ఈవెంట్లో రిలీజ్ చేశారు. ఈ సినిమాను ఏకే ఎంటర్టైన్మెంట్స్ బ్యానర్ పై రామబ్రహ్మం సుంకర నిర్మిస్తున్నారు. తమిళంలో సూపర్ హిట్ అయిన వేదాళం సినిమాకు రీమేక్ గా తీసుకువస్తున్నారు డైరెక్టర్ మెహర్ రమేశ్. సీబీఎఫ్‌సీ ప్రకారం ఈ సినిమా నిడివి 160 నిమిషాలు అంటే 2 గంటల 40 నిమిషాలు ఉన్నట్లు తెలుస్తోంది. తెలుగు వెర్షన్‌లో చిరంజీవి ఇమేజ్‌, తెలుగు ప్రేక్షకుల అభిరుచికి తగ్గట్టుగా మార్పులు చేశాడట డైరెక్టర్ మెహర్ రమేశ్.
ఈ చిత్రానికి మహతి స్వరసాగర్ సంగీతం అందిస్తున్నాడు. మురళీ శర్మ, రఘుబాబు, రావు రమేశ్, వెన్నెల కిశోర్‌, శ్రీముఖి, బిత్తిరి సత్తి, రష్మీ గౌతమ్‌ నటించిన ఈ సినిమా త్వరలోనే అడియన్స్ ముందుకు రాబోతుంది. ఇప్పటికే థియేటర్ల వద్ద భోళా శంకర్ మేనియా మొదలైంది.
