Indian Cinema : అయ్యారే.. ఇండియన్ సినిమా ఈ స్థాయికి చేరుకోనుందా..?

భారతీయ సినీ, మీడియా పరిశ్రమ రాబోయే రోజులలో 8.3 శాతం వార్షిక వృద్ధి చెంది.. ప్రపంచవ్యాప్తంగా రూ.365000 కోట్లకు పైగా చేరుకోవచ్చని PWC ఇండియా నివేదిక అంచనా వేసింది. ఇది గ్లోబల్ రేటు 4.6 శాతం కంటే ఎక్కువగా ఉంది. పిడబ్ల్యూసీ ఇండియా నివేదిక ప్రకారం గ్లోబల్ ఎంటర్టైన్మెంట్, మీడియా ఔట్ లుక్ 2024-28 వరకు సినీ, మీడియా ఇండస్ట్రీ మరింత వృద్ధి చేందుతుందని అంచనా వేసింది. ఆర్థిక సవాళ్లు, భౌగోళిక రాజకీయ ఉద్రిక్తతలు ఉన్నప్పటికీ, గ్లోబల్ E&M ఆదాయాలు సంవత్సరానికి 5.5% వృద్ధి చెందాయి. 2022లో రూ.13,891,000 కోట్ల నుండి 2023లో రూ. 17,359,000 కోట్లకు పెరిగింది. ప్రస్తుతం గ్లోబల్ మార్కెట్ లో అమెరికా ముందుంది. ఆ తర్వాతి స్థానంలో చైనా ఉండగా.. భారతదేశం 9 స్థానంలో ఉంది.

పిడబ్ల్యూసీ ఇండియాలో చీఫ్ డిజిటల్ ఆఫీసర్, టీఎంటీ లీడర్ మన్ ప్రీత్ సింగ్ అహుజా మాట్లాడుతూ.. “భారతదేశ సినీ, మీడియా రంగం ఇప్పుడు అత్యధికంగా అభివృద్ధి చెంది శిఖరాగ్రంలో ఉంది. కన్సల్టింగ్ సేవల సంస్థ ప్రకారం, డిజిటల్ అడ్వర్టైజింగ్, ఓటీటీ ప్లాట్ ఫామ్స్, ఆన్ లైన్ గేమింగ్, జనరేటివ్ ఏఐ వంటి ముఖ్యమైన ఫీచర్స్ భారతీయ సినీ భవిష్యత్తును రూపొందిస్తున్నాయి. ఈ విభాగాలు ఇండియన్ ఫిల్మ్ ఇండస్ట్రీని గ్లోబల్ లీడర్ గా మార్చనున్నాయి ” అని అన్నారు. ఈ రంగాలకు అనుగుణంగా కొత్తగా అభివృద్ధి చెందుతున్న వ్యాపారాలు ఈ డైనమిక్ ల్యాండ్‌స్కేప్‌లో అసమానమైన అవకాశాలను చేజిక్కించుకోవడానికి సిద్ధంగా ఉన్నాయని అహుజా అన్నారు.

ప్రస్తుతం భారతదేశం మెరుగైన కనెక్టివిటీ, పెరుగుతున్న ప్రకటనల ఆదాయాలు, విదేశాల్లో ప్రత్యేక్ష పెట్టుబడుల చుట్టూ ఉన్న అనుకూల ప్రభుత్వ విధానాలతో.. రాబోయే ఐదేళ్లలో భారతదేశం అత్యధిక వృద్ధిరేటులో ఒకటిగా ఉంటుందని పేర్కొంది. దేశం పెద్ద మిలీనియల్ , 91 కోట్ల కంటే ఎక్కువ Gen-Z జనాభా బేస్ ప్రపంచంలోనే అత్యంత చౌకైన డేటా ఖర్చులకు ప్రాధాన్యత కలిగి ఉంది. ప్రస్తుతం భారత్‌లో 80 కోట్ల బ్రాడ్‌బ్యాండ్ సబ్‌స్క్రిప్షన్‌లు, 55 కోట్ల స్మార్ట్‌ఫోన్ యూజర్లు, 78 కోట్ల ఇంటర్నెట్ యూజర్లు ఉన్నారు. అంటే భారతీయులు తమ సమయాన్ని 78 శాతం మొబైల్ ఫోన్ యాప్‌లపై మీడియా, వినోదం కోసం వెచ్చిస్తున్నారని నివేదిక పేర్కొంది.

భారతదేశంలో పెరుగుతున్న వినియోగం, స్థూల దేశీయోత్పత్తి (GDP) వృద్ధితో, ప్రకటనల మార్కెట్ 9.4 శాతం CAGR వద్ద 2023లో రూ.101,000 కోట్ల నుండి 2028 నాటికి రూ.158,000 కోట్లకు పెరుగుతుందని అంచనా వేసింది. ఇది ప్రపంచ సగటు కంటే 1.4 రెట్లు. ఈ వృద్ధిలో ఎక్కువ భాగం డిజిటల్ ఫ్రంట్ (ఇంటర్నెట్ అడ్వర్టైజింగ్) నుండి వస్తుందని, ఇది 15.6 శాతం CAGR వద్ద పెరుగుతుందని, 2023లో రూ. 41,000 కోట్ల నుండి 2028లో రూ. 85,000 కోట్లకు పెరుగుతుందని అంచనా వేస్తున్నట్లు PWC తెలిపింది.

ఇంటర్నెట్ ప్రకటనలు సంవత్సరానికి 2023లో 26.0 శాతంగా ఉన్న సంవత్సరం వృద్ధి మొత్తం రెండంకెలలోనే ఉంటుందని అంచనా వేసింది. 2024-28, 2028లో 12.2 శాతం ఉంటుందని అంచనా. ఈ మార్పు వేగవంతం అవుతుందని అంచనా. సాంప్రదాయ TV ప్రకటనలు 2023 నుండి 2028 మధ్య 4.2 శాతం CAGR వద్ద పెరగనున్నాయి. అయితే ప్రపంచ ఆదాయాలు1.6 శాతం తగ్గనున్నట్లు పీడబ్ల్యూసీ నివేదిక అంచనా వేసింది. భారతదేశం 2026 నాటికి నాల్గవ అతిపెద్ద టీవీ ప్రకటనల మార్కెట్‌గా అవతరించడానికి రెడీగా ఉన్నట్లు తెలుస్తోంది.

భారతదేశంలో సంగీత ఆదాయం, ప్రత్యక్ష, రికార్డ్, డిజిటల్ ఫార్మాట్‌లను కలిగి ఉంది. 2019లో రూ. 2,416 కోట్ల నుంచి, 2023లో రూ. 6,686 కోట్లకు చేరుకుంది. 2028 నాటికి రూ. 10,899 కోట్లను అధిగమిస్తుందని పీడబ్ల్యూ అంచనా వేసింది. 10.3 శాతం CAGR వద్ద వృద్ధి చెందుతుందని పేర్కొంది. ఇక ప్రింట్ ప్రకటనల ఆదాయాల విషయానికి వస్తే.. ప్రపంచవ్యాప్తంగా CAGR -2.6% తగ్గినప్పటికీ.. భారతదేశ మార్కెట్ 3% చొప్పున వృద్ధి చెందుతుందని అంచనా వేసింది. ఇది 2028 నాటికి ప్రపంచంలో 3వ అతిపెద్ద ప్రింట్ మార్కెట్‌గా అవతరిస్తుంది.

ఇది చదవండి : Tollywood: ఒక్క సినిమాకు రూ.40 కోట్లు రెమ్యునరేషన్.. ప్రైవేట్ జెట్, ఇండియా, అమెరికాలో కోట్ల ఆస్తులు ఉన్న ఏకైక హీరోయిన్..

Vijay Sethupathi: విజయ్ సేతుపతి ఇన్ స్టాలో ఫాలో అవుతున్న ఏకైక హీరోయిన్.. ఎవరో తెలుసా..?

Tollywood : గ్యాంగ్‌స్టర్‌తో ప్రేమలో పడి కెరీర్ నాశనం చేసుకున్న హీరోయిన్.. ఇండస్ట్రీకి దూరం..

Actress Gajala: వాసి వాడి తస్సాదియ్యా.. అందాలతో హార్ట్ ఎటాక్ తెప్పిస్తోన్న ఎన్టీఆర్ హీరోయిన్..

మరిన్ని సినిమా వార్తల కోసం ఇక్కడ క్లిక్ చేయండి.