Suriya: మరో ప్రయోగాత్మక చిత్రంతో రానున్న సూర్య.. బాల సినిమా కోసం ఈసారి ఇలా..

స్టార్ హీరో సూర్య సినిమాలు తెలుగులోనూ మంచి విజయాలను సాధించిన విషయం తెలిసిందే. సూర్య నటించిన ప్రతి సినిమా తెలుగులోనూ డబ్ అవుతూ ఇక్కడి ప్రేక్షకులను కూడా ఆకట్టుకుంటున్నాయి.

Suriya

Rajeev Rayala | Edited By: Ravi Kiran

Updated on: Mar 07, 2022 | 7:33 AM

Suriya: స్టార్ హీరో సూర్య సినిమాలు తెలుగులోనూ మంచి విజయాలను సాధించిన విషయం తెలిసిందే. సూర్య నటించిన ప్రతి సినిమా తెలుగులోనూ డబ్ అవుతూ ఇక్కడి ప్రేక్షకులను కూడా ఆకట్టుకుంటున్నాయి. చాలా కాలంగా సరైన హిట్ లేక సతమతమైన సూర్య ఓటీటీ వేదికగా రెండు భారీ విజయాలను అందుకున్నాడు. ఈ సుధకొంగరు దర్శకత్వంలో తెరకెక్కిన ఆకాశం నీ హద్దురా సినిమా ఓటీటీ వేదికగా విడుదలై అద్భుతమైన విజయాన్ని అందుకుంది. ఆ సినిమా తర్వాత సూర్య హీరోగా నటించిన జై భీమ్ సినిమా కూడా ఓటీటీలోనే రిలీజ్ అయ్యింది. ఈ మూవీ కూడా ప్రేక్షకులను ఆకట్టుకుంది. ఈ రెండు సినిమాల విజయం తో సూర్య తిరిగిఫామ్ లోకి వచ్చారు. ఇప్పుడు ఇదే ఉత్సాహంతో.. ఆయన ఈటి అనే సినిమా చేస్తున్నారు. సూర్య హీరోగా పాండురాజ్ డైరెక్ట్ చేస్తున్న యాక్షన్ థ్రిల్లర్ ఈటి. డిఫరెంట్ కథాంశంతో తెరకెక్కుతోన్న ఈ చిత్రం పాన్ ఇండియా లెవెల్ లో విడుదలకానుంది.

త్వరలోనే ఈ సినిమా ప్రేక్షకుల ముందుకు రానుంది. ఈ నెల 10వ తేదీన సినిమాను విడుదల చేయడానికి సన్నాహాలు చేస్తున్నారు మేకర్స్. ఈ సినిమా తరువాత చేయడానికి వెట్రిమారన్ .. బాలా ప్రాజెక్టులను సూర్య లైన్లో పెట్టాడు ఈ సినిమా ప్రయోగాత్మకంగా ఉండనుందని తెలుస్తుంది. ఈ సినిమాలో సూర్య ద్విపాత్రాభినయం చేయనున్నాడని టాక్. ఈ సినిమాలో ఓ పాత్రలో సూర్య చెవిటి – మూగ పాత్రలో కనిపిస్తాడని చెబుతున్నారు. ఈ పాత్ర సరసన కథానాయికగా జ్యోతిక కనిపించనుందని అంటున్నారు.