Tollywood: అర్జున్ చేతిలో ఉన్న పిల్లోడిని గుర్తు పట్టారా? సినిమా ఇండస్ట్రీని ఏలాల్సినోడు.. అర్ధంతరంగా..
తండ్రి అడుగు జాడల్లోనే నడుస్తూ సినిమా ఇండస్ట్రీలోకి అడుగు పెట్టాడు. బాలనటుడిగా ఉన్నప్పుడే జాతీయ అవార్డు అందుకున్నాడు. ఆ తర్వాత హీరోగానూ మారి వరుస విజయాలు సొంతం చేసుకున్నాడు. తన నటన, సేవా కార్యక్రమాలతో కోట్లాది మంది అభిమానులను సొంతం చేసుకున్నాడు.
Updated on: Mar 17, 2025 | 10:11 AM
పై ఫొటోలో యాక్షన్ కింగ్ అర్జున్ చేతిలో ఉన్న పిల్లాడిని గుర్తు పట్టారా? అతను రీల్ లైఫ్ తో పాటు రియల్ లైఫ్ లోనూ సూపర్ స్టార్. దిగ్గజ నటుడైన తండ్రి అడుగు జాడల్లోనే నడుస్తూ బాల నటుడిగా సినిమా ఇండస్ట్రీలోకి అడుగు పెట్టాడు. తన నటనా ప్రతిభకు చిన్నప్పుడు ఉత్తమ బాల నటుడిగా జాతీయ పురస్కారం అందుకున్నాడు. ఆ తర్వాత హీరోగానూ ఎంట్రీ ఇచ్చి వరుస విజయాలు సొంతం చేసుకున్నాడు. తన అసమాన నటనా ప్రతిభతో కోట్లాది మంది అభిమానులను సొంతం చేసుకున్నాడు. కేవలం సినిమాలే కాకుండా మంచి వ్యాపార వేత్తగానూ ప్రూవ్ చేసుకున్నాడు. వీటన్నిటిని పక్కన పెడితే.. తన సేవా కార్యక్రమాలతో సాధారణ జనాలకు సైతం అభిమాన నటుడిగా మారిపోయాడీ హీరో. అనాథల కోసం అనాథశ్రమాలు, విద్యార్థుల కోసం పాఠశాలలు, వసతి గృహాలు, వృద్ధా శ్రమాలు, గోశాలలు.. ఇలా అందరి బాగు కోసం పాటు పడ్డాడు. కానీ కాలం ఈ నటుడిని చాలా చిన్న చూపు చూసింది. రీల్ లైఫ్ తో పాటు రియల్ లైఫ్ లోనూ సూపర్ స్టార్ గా వెలుగొందుతోన్న అతనిని తనలో కలిపేసుకుంది. సినిమా ఇండస్ట్రీలో రారాజుగా ఉండాల్సినోడు 46 ఏళ్లకే ఈ లోకాన్ని విడిచివెళ్లిపోయిన ఈ హీరో మరెవరో కాదు దివంగత పునీత్ రాజ్ కుమార్.
సోమవారం (మార్చి 17) పునీత్ రాజ్ కుమార్ పుట్టిన రోజు. ఈ సందర్భంగా అతని కుటుంబ సభ్యులు, బంధువులు, సినీ ప్రముఖులు, అభిమానులు, నెటిజన్లు ఈ దివంగత నటుడిని గుర్తు చేసుకుంటున్నారు. సామాజిక మాధ్యమాల వేదికగా పునీత్ కు నివాళి అర్పిస్తున్నారు. ఇక కర్ణాటక వ్యాప్తంగా తమ అభిమాన హీరో పేరిట అన్నదానం, రక్త దానం వంటి సేవా కార్యక్రమాలు కూడా నిర్వహిస్తున్నారు పునీత్ అభిమానులు.
పునీత్ రాజ్‍కుమార్ 2002లో అప్పూ సినిమాతో హీరోగా పరిచయమయ్యాు. తన 45 ఏళ్ల సినీ జీవితంలో 32 సినిమాల్లో నటించాడు. సినిమాల సంగత పక్కన పెడితే.. 45 ఉచిత పాఠశాలలను ఏర్పాటు చేసి 1800 మంది విద్యార్థుల‌కు చ‌దువు చెప్పించాడు పునీత్. అలాగే 26 అనాథ ఆశ్ర‌మాలు, 16 వృద్ధాశ్రమాలు, 19 గోశాలలు ఏర్పాటు చేశాడు. అందుకే నాలుగేళ్ల క్రితం ఈ హీరో లోకాన్ని విడిచి వెళ్లిపోయినా ఇప్పటికే అభిమానుల గుండెల్లో చిర స్థాయిగా నిలిచిపోయాడు.
ప్రముఖుల నివాళులు..
A star who never fades, a legend who lives on! ✨ Puneeth Rajkumar wasn’t just an actor; he was an emotion, a source of inspiration, and a true gentleman. Happy Birthday, Appu! You will always be our Power Star! 💙⭐ #HappyBirthdayPuneethRajkumar #PowerStarForever #AppuLivesOn pic.twitter.com/5SqnDxryhB
— Shri Ratna Film Company (@Shriratnafilmco) March 17, 2025
మరిన్ని సినిమా వార్తల కోసం ఇక్కడ క్లిక్ చేయండి
