Sita Ramam: బాలీవుడ్‌లోకి యుద్ధంతో రాసిన ప్రేమ కథ.. ‘సీతారామం’ హిందీ రిలీజ్ ఎప్పుడంటే
ఇటీవల కాలంలో టాలీవుడ్ లో సూపర్ హిట్ గా నిలిచిన సినిమాల్లో సీతారామం గురించి ప్రత్యేకంగా చెప్పుకోవాలి. అందమైన ప్రేమ కథగా వచ్చిన ఈ సినిమా అన్నివర్గాల ప్రేక్షకులను ఆకట్టుకుంటూ దూసుకుపోతోంది.
ఇటీవల కాలంలో టాలీవుడ్ లో సూపర్ హిట్ గా నిలిచిన సినిమాల్లో సీతారామం(Sita Ramam) గురించి ప్రత్యేకంగా చెప్పుకోవాలి. అందమైన ప్రేమ కథగా వచ్చిన ఈ సినిమా అన్నివర్గాల ప్రేక్షకులను ఆకట్టుకుంటూ దూసుకుపోతోంది. మంచి అభిరుచికలిగిన దర్శకుడిగా పేరు తెచ్చుకున్న హను రాఘవపూడి దర్శకత్వంలో వచ్చిన ఈ సినిమాలో మలయాళ సూపర్ స్టార్ దుల్కర్ సల్మాన్ హీరోగా నటించాడు. అలాగే బాలీవుడ్ బ్యూటీ మృణాల్ ఠాకూర్ హీరోయిన్ గా నటించింది. వీరితో పాటు నేషనల్ క్రష్ రష్మిక మందన్న కీలక పాత్రలో కనిపించి మెప్పించింది. విశాల్ చంద్ర సంగీతం ఈ సినిమాను నెక్స్ట్ లెవల్ కు తీసుకెళ్లింది.ఇప్పటికీ ఈ సినిమాకు పాజిటివ్ టాక్ రావడంతో అన్ని థియేటర్స్ హౌస్ ఫుల్ అవుతున్నాయి.
తెలుగు, తమిళ్, మలయాళ భాషల్లో విడుదలైన సీతారామం సినిమా విడుదలైన అన్ని భాషల్లో సూపర్ హిట్ గా నిలిచింది. ఇక ఈ సినిమా ఇప్పుడు బాలీవుడ్ కు వెళ్లనుంది. సీతారామం సినిమాను త్వరలో హిందీలో విడుదల చేయనున్నారు. సెప్టెంబర్ 2వ తేదీన ఈ సినిమా హిందీ వెర్షన్ విడుదలవుతుందని మేకర్స్ అధికారికంగా ప్రకటించారు. బాలీవుడ్ ప్రేక్షకులు ఈ తరహా ప్రేమకథలను ఎక్కువగా ఇష్టపడతారు. దాంతో ఈ సినిమాకు అక్కడ కూడా మంచి వసూళ్లు వచ్చే అవకాశం కనిపిస్తోంది. ఇప్పటికే బాలీవుడ్ లో సరైన హిట్ లేక సతమతం అవుతోంది. మరి సీతారామం సినిమా అక్కడ ఏ రేంజ్ హిట్ అందుకుంటుందో చూడాలి. ఈ సినిమాలో దర్శకుడు తరుణ్ భాస్కర్, సుమంత్, గౌతమ్ మీనన్,భూమిక వంటి వారు ఈ చిత్రంలో కీలక పాత్రలు పోషించారు.
మరిన్ని సినిమా వార్తల కోసం ఇక్కడ క్లిక్ చేయండి
