Tollywood: వార్నీ.. హీరోలా ఉన్నాడే.. సూర్యవంశం చైల్డ్ ఆర్టిస్ట్ గుర్తున్నాడా.. ? ఇప్పుడు చూస్తే..

ఒకప్పుడు టాలీవుడ్ ఇండస్ట్రీలో ఫేమస్ చైల్డ్ ఆర్టిస్ట్. ఎన్నో సినిమాల్లో తనదైన నటనతో నటించి మెప్పించిన చిన్నారులు.. ఇప్పుడు హీరోహీరోయిన్లుగా సత్తా చాటుతున్నారు. బ్యాక్ టూ బ్యాక్ ఆఫర్స్ అందుకుంటూ సినీప్రియులను మెప్పిస్తున్నారు. కానీ సూర్యవంశం సినిమా చైల్డ్ ఆర్టిస్ట్ గుర్తున్నాడా..?

Suryavamsham Childartist

Rajitha Chanti |
Updated on: Dec 22, 2024 | 8:16 AM

సినీ పరిశ్రమలో ఒకప్పుడు చైల్డ్ ఆర్టిస్టులుగా రాణించిన చిన్నారులు.. ఇప్పుడు హీరోహీరోయిన్లుగా మారారు. బలగం సినిమాతో మెప్పించిన కావ్య కళ్యాణ్ రామ్, హనుమాన్ సినిమాతో తేజ సజ్జా హిట్స్ అందుకున్న సంగతి తెలిసిందే. ఇక మరికొందరు నటీనటులుగా తమకంటూ ఓ గుర్తింపు తెచ్చుకున్నారు. కానీ మరికొందరు మాత్రం ఇప్పటికీ సినిమాలకు దూరంగానే ఉంటున్నారు. ఒకప్పుడు తన నటనతో వెండితెరపై అలరించి తనకంటూ ఓ గుర్తింపు తెచ్చుకున్నాడు. మెగాస్టార్ చిరంజీవి, వెంకటేశ్ వంటి స్టార్ హీరోల సినిమాల్లో నటించి మెప్పించాడు. జగపతి బాబు, సౌందర్య, మహేశ్వరి జంటగా నటించిన ప్రియరాగాలు సినిమాలో సౌందర్య కొడుకుగా కనిపించి ప్రేక్షకులను ఆకట్టుకున్నాడు. ఆ తర్వాత అనేక సినిమాల్లో నటించాడు. ఆ చిన్నోడి పేరు ఆనంద్ హర్షవర్దన్.

ఆనంద్ హర్షవర్షన్.. ఈ పేరు చెబితే గుర్తుపట్టడం కష్టమే. కానీ వెంకటేశ్, మీనా కలిసి నటించిన సూర్యవంశం సినిమాలో నటించాడు. ఇందులో వెంకీ తనయుడిగా నటించి తెలుగువారికి మరింత దగ్గరయ్యాడు. ఈ కుర్రాడు ప్రముఖ కంపోజర్, ప్లే బ్యాక్ సింగర్ పీబీ శ్రీనివాస్ మనవడు. జూనియర్ ఎన్టీఆర్ నచించిన బాల రామాయణం సినిమాలో వాల్మికీ, బాల హనుమాన్ పాత్రలు పోషించాడు. అలాగే వెంకీ నటించిన ప్రేమించుకుందాం రా సినిమాలో కనిపించాడు. తెలుగు, హిందీలో అనేక చిత్రాల్లో నటించాడు.

ఇవి కూడా చదవండి

దాదాపు 25 సినిమాల్లో నటించిన ఆనంద్.. ఆ తర్వాత చదువుల దృష్ట్యా సినిమాలకు దూరమయ్యాడు. ప్రస్తుతం హీరోగా బిగ్ స్క్రీన్ పై మ్యాజిక్ చేసేందుకు రెడీ అయ్యాడు. నిదురించు జహాపన సినిమాతో అడియన్స్ ముందుకు రానున్నాడు. మరోవైపు సోషల్ మీడియాలో చాలా యాక్టివ్ గా ఉంటున్నాడు. తాజాగా ఆనంద్ ఫోటోస్ చూసి ఆశ్చర్యపోతున్నారు నెటిజన్స్.