Tollywood: ఈ అమ్మాయి గాత్రానికీ ఫిదా అవ్వాల్సిందే.. హీరోయిన్స్‏ను మించిన అందం.. ఎవరంటే..

సోషల్ మీడియాలో సినీతారలకు సంబంధించిన ప్రతి విషయం క్షణాల్లో వైరలవుతుంది. ముఖ్యంగా సెలబ్రెటీల వ్యక్తిగత విషయాలు తెలుసుకోవడానికి నెటిజన్స్ ఎక్కువగా ఆసక్తి చూపిస్తుంటారు. ఈ క్రమంలో కొద్ది రోజులుగా సెలబ్రెటీల చిన్ననాటి ఫోటోస్ తెగ వైరలవుతున్న సంగతి తెలిసిందే. తాజాగా టాలీవుడ్ ఫేమస్ సింగర్ చైల్డ్ హుడ్ ఫోటో స్పెషల్ అట్రాక్షన్ అవుతుంది.

Singer

Rajitha Chanti |
Updated on: Dec 13, 2024 | 10:48 AM

తెలుగు చిత్రపరిశ్రమలో ఎంతో మంది సూపర్ టాలెంట్ సింగర్స్ ఉన్నారు. టీవీల్లో పలు రియాల్టీ షోలలో విజేతలుగా నిలిచి.. ఇప్పుడు ఇండస్ట్రీలో గాయనిగాయకులుగా రాణిస్తున్నారు. అద్భుతమైన గాత్రంతో వెండితెరపై మాయ చేస్తున్నారు. ఎన్నో అందమైన పాటలతో శ్రోతల మనసులు గెలుచుకుంటున్నారు. ఇంతకీ ఆ అమ్మాయి ఎవరో గుర్తుపట్టారా..? పైన ఫోటోలో కనిపిస్తున్న ఆ అమ్మాయి ఇప్పుడు తెలుగు ప్రేక్షకులకు ఇష్టమైన సింగర్. ఇప్పటివరకు తెలుగులో అనేక పాటలు ఆలపించింది. గాన గాంధర్వుడు ఎస్పీ బాలసుబ్రహ్మణ్యం కృషితో ఎంతో మంది సింగర్స్ వెండితెరకు పరిచయమయ్యారు. అందులో ఈ అమ్మాయి కూడా ఒకరు. బాలు స్టార్ట్ చేసిన పాడుతా తీయగా ప్రోగ్రాం ద్వారా తెలుగు వారికి పరిచయమయ్యింది. తను ఎవరో కాదు.. సింగర్ రమ్య బెహరా.

గాన గాంధర్వుడు బాలసుబ్రహ్మణ్యం స్టార్ట్ చేసిన పాడుతా తీయగా ప్రోగ్రాం ద్వారా తెలుగు సినీరంగంలోకి అడుగుపెట్టింది. ఆ తర్వాత తనదైన అద్భుతమైన పాటలతో ఇండస్ట్రీలో టాప్ సింగర్ గా దూసుకుపోతుంది. రమ్య బెహరా.. గుంటూరు జిల్లా నరసరావుపేటలో 1994 ఫిబ్రవరి 1న జన్మించింది. కానీ రమ్య పెరిగింది మాత్రం హైదరాబాద్ లోనే. రామాచారి వద్ద సంగీత పాఠాలు నేర్చుకున్న ఈ అమ్మాయి.. ఆ తర్వాత బుల్లితెరపై పలు రియాల్టీ షోలలో పాల్గొని సంగీత దర్శకులను మెప్పించింది. దేశ, విదేశాల్లో ఎన్నో కచేరీలు చేసింది. తన గాత్రంతో శ్రోతలను మంత్రముగ్దులను చేసింది. ఈ క్రమంలోనే టాలీవుడ్ మ్యూజిక్ డైరెక్టర్ కీరవాణి మెప్పు పొంది అనేక పాటలు పాడింది.

ఇవి కూడా చదవండి

వెంగమాంబ సినిమాతో ఆమెను సినీ సంగీత ప్రపంచానికి పరిచయం చేశారు కీరవాణి. ఆ తర్వాత లచ్చిందేవికి ఓ లెక్కుంది, కృష్ణాష్టమి, బ్రూస్ లీ, బాహుబలి ది బిగినింగ్, టెంపర్, ఒక లైలా కోసం, ప్రేమకథా చిత్రం, లౌక్యం, కొత్తజంట, చిన్నదాన నీకోసం, సీతారామం వంటి సినిమాల నుంచి మొన్న బ్లాక్ బస్టర్ హిట్ అయిన అమరన్ వరకు అద్భుతమైన పాటలు పాడింది. తెలుగు, కన్నడ, తమిళం, హిందీ భాషలలో ఎన్నో పాటలు పాడింది. ఇటీవలే సింగర్ అనురాగ్ కులకర్ణిని పెళ్లి చేసుకుని వైవాహిక జీవితంలోకి అడుగుపెట్టింది. ప్రస్తుతం రమ్య కు సంబంధించిన చిన్ననాటి ఫోటో నెట్టింట వైరలవుతుంది.