Sonu Sood: అతడు సినిమాలో సోనూ సూద్ పాత్ర మిస్ చేసుకున్నది ఎవరో తెలుసా..

మాటల మాంత్రికుడు త్రివిక్రమ్ శ్రీనివాస్, సూపర్ స్టార్ మహేష్ బాబు కాంబినేషన్ లో వచ్చిన సినిమా అతడు. ఈ కాంబోలో వచ్చిన మొదటి సినిమా ఇది. ఆ తర్వాత ఖలేజా సినిమా చేశారు మహేష్, త్రివిక్రమ్. అతడు సినిమా ప్రేక్షకులను ఏ రేంజ్ లో ఆకట్టుకుందో ప్రత్యేకంగా చెప్పాల్సిన అవసరం లేదు. త్రివిక్రమ్ తెరకెక్కించిన తీరు.. మహేష్ బాబు నటన ప్రేక్షకులను విపరీతంగా ఆకట్టుకుంది. ముందుగా ఈ సినిమాకు మిక్స్డ్ టాక్ సొంతం చేసుకున్న ఈ సినిమా ఆతర్వాత హిట్ టాక్ ను సొంతం చేసుకుంది. అలాగే ఈ సినిమా టీవీలో సూపర్ హిట్ గా నిలిచింది. ఇప్పటికి ఈ సినిమా టీవీలో వస్తే కదలకుండా సినిమా చేస్తారు. అంతా ప్రేక్షకులను ఆకట్టుకుంది. ఇక ఈ సినిమాలో హీరోయిన్ గా త్రిష నటించింది. అలాగే మణిశర్మ అందించిన సంగీతం ఈ సినిమాకు హైలైట్ అనే చెప్పాలి.

అయితే సోనూ సూద్ కంటే ముందు ఈ సినిమాలో మరో నటుడిని అనుకున్నారట త్రివిక్రమ్.. ఆ నటుడు మరెవరో కాదు వేణు తొట్టెంపూడి. కానీ ఆతర్వాత ఆ ప్రాజెక్ట్ లో సోనూసూద్ ఎంట్రీ ఇచ్చారని తెలుస్తోంది. తాజాగా ఓ ఇంటర్వ్యూలో వేణు మాట్లాడుతూ ఇంట్రెస్టింగ్ కామెంట్స్ చేశారు. వేణు ప్రస్తుతం ఓ ఇంట్రెస్టింగ్ వెబ్ సిరీస్ తో ప్రేక్షకుల ముందుకు రానున్నాడు. వేణు, అవంతిక మిశ్రా ప్రధాన పాత్రలో నటిస్తున్న ఈ వెబ్ సిరీస్ కు అతిథి అనే టైటిల్ తో తెరకెక్కింది. ఈ వెబ్ సిరీస్ హారర్ నేపథ్యంలో తెరకెక్కింది . ఇప్పటికే ఈ సిరీస్ నుంచి విడుదలైన ట్రైలర్ ఆకట్టుకున్నాయి.

భరత్ వైజీ ఈ వెబ్ సిరీస్ కు దర్శకత్వం వహించారు. తాజాగా ఓ ఇంట్రవ్యూలో మాట్లాడుతూ.. ‘అతడు’ సినిమాలో సోనూ సూద్ క్యారెక్టర్‌లో నేనే నటించాలి.కానీ అది కుదరలేదు.అలాగే మరో సినిమాలోకూడా మంచి ఛాన్స్ వచ్చింది మిస్ చేసుకున్నా అని తెలిపారు. ఆ సినిమాలు మిస్ చేసుకున్నందుకు నేను ఎప్పుడు బాధపడలేదు. సినిమా అనేది సముద్రం.. అలలు వస్తుంటాయి.. సునామీలు వస్తుంటాయి అంటూ చెప్పుకొచ్చారు వేణు. అలాగే సెకండ్ ఇన్నింగ్స్ లో వరుసగా సినిమాలు చేయాలనీ అనుకోవడంలేదు. మంచి కథ దొరికితే సినిమాలు చేస్తాను అని తెలిపారు.

View this post on Instagram

A post shared by Sonu Sood (@sonu_sood)

మరిన్ని సినిమా వార్తల కోసం ఇక్కడ క్లిక్ చేయండి.