Uppena Movie: ఉప్పెన సినిమాను ఆ స్టార్ హీరోతో చేయాలనుకున్నారా..? ఎలా మిస్సైందంటే..

ఉప్పెన.. టాలీవుడ్ బాక్సాఫీస్ షేక్ చేసిన సినిమా. ఎలాంటి అంచనాలు లేకుండా విడుదలై భారీ విజయాన్ని అందుకున్న ఈ సినిమాకు ప్రత్యేకమైన ఫ్యాన్ బేస్ ఉంది. ఈ చిత్రంలోని సాంగ్స్ సైతం సూపర్ హిట్ అయ్యాయి. కానీ మీకు తెలుసా.. ? ఈ చిత్రాన్ని ముందుగా ఓ స్టార్ హీరోతో చేయాలనుకున్నారట. ఇంతకీ ఆ హీరో ఎవరో తెలుసా..?

Uppena Movie

Rajitha Chanti |
Updated on: Jun 17, 2025 | 3:38 PM

టాలీవుడ్ ఇండస్ట్రీలో ఎలాంటి అంచనాలు లేకుండా విడుదలైన భారీ విజయాన్ని అందుకున్న సినిమాల్లో ఉప్పెన ఒకటి. ఈ చిత్రంతోనే దర్శకుడిగా సినీరంగంలోకి అడుగుపెట్టారు బుచ్చిబాబు సన. మొదటి సినిమాతోనే అద్భుతమైన స్క్రీన్ ప్లేతో విమర్శకుల ప్రశంసలు అందుకున్నారు. కట్ చేస్తే.. రెండవ సినిమా ఏకంగా పాన్ ఇండియా స్టార్ రామ్ చరణ్ తో తెరకెక్కించే ఛాన్స్ కొట్టేశారు. ఇక ఈ సినిమాతోనే హీరోగా వైష్ణవ్ తేజ్.. కథానాయికగా కృతిశెట్టి వెండితెరకు పరిచయమయ్యారు. తొలి చిత్రంతోనే వీరిద్దుర సహజ నటనతో కట్టిపడేశారు. అంతేకాదు వీరిద్దరి కెమిస్ట్రీ, యాక్టింగ్ కు అడియన్స్ ఫిదా అయ్యారు. ఇండస్ట్రీలోనే హిట్ జోడిగా స్పెషల్ క్రేజ్ సొంతం చేసుకున్నారు. ఈ చిత్రానికి దేవీ శ్రీ ప్రసాద్ అందించిన మ్యూజిక్ మరో హైలెట్. ఇప్పటికీ ఈ మూవీలోని సాంగ్స్ యూట్యూబ్ లో మిలియన్ వ్యూస్ తో దూసుకుపోతున్నాయి. అయితే ఈ హిట్ మూవీకి ముందుగా అనుకున్న హీరో వైష్ణవ్ తేజ్ కాదట.

ఉప్పెన సినిమా కథను డైరెక్టర్ బుచ్చిబాబు సన సిద్ధం చేసుకుని హీరో కోసం ప్రయత్నాలు స్టార్ట్ చేశారట. ఈ క్రమంలోనే ముందుగా ఈ కథకు విజయ్ దేవరకొండ అయితే బాగుంటుందని అనుకున్నారట. కానీ అప్పటికే అర్జున్ రెడ్డి సినిమాతో విజయ్ రేంజ్ పెరిగిపోయిందని.. అలాంటి పరిస్థితుల్లో విజయ్ ను ఈ ప్రేమకథలో నటించాలని కోరడం సరైంది కాదని అనుకున్నారట డైరెక్టర్ బుచ్చిబాబు. లుక్స్ పరంగా విజయ్ లాంటి కుర్రాడే కావాలని.. అర్జున్ రెడ్డిలో విజయ్ లా కథను భుజాలపై వేసుకుని నడిపించగలిగే కొత్త నటుడు కావాలనుకున్నారట.

ఇక ఆ తర్వాత మరో కొత్త హీరో కోసం వెతకడం స్టార్ట్ చేశారట. ఆ సమయంలోనే సోషల్ మీడియాలో వైష్ణవ్ ఫోటో చూసి ఉప్పెన చిత్రానికి హీరో అని ఫిక్స్ అయిపోయారట. అలా ఉప్పెన సినిమాకు వైష్ణవ్ తేజ్ ఎంపికయ్యారు.ఈ సినిమాతో హీరోగా తొలి ప్రయత్నంలోనే సక్సెస్ అయ్యారు వైష్ణన్. ఆ తర్వాత ఆయన నటించిన చిత్రాలు బాక్సాఫీస్ వద్ద అంతగా ఆకట్టుకోలేకపోయాయి. ప్రస్తుతం బుచ్చిబాబు దర్శకత్వంలో రామ్ చరణ్ పెద్ది అనే సినిమాలో నటిస్తున్నారు.