ఈ ఫొటోలో మెగాస్టార్‌తో ఉన్నది ఇద్దరు స్టార్‌ డైరెక్టర్లు.. మాస్‌ సినిమాలకు కేరాఫ్‌ అడ్రస్‌.. ఎవరో గుర్తుపట్టారా మరి?
ఇందులో మెగాస్టార్‌తో ఉన్నది ఇద్దరు స్టార్‌ డైరెక్టర్లు. అసిస్టెంట్‌ డైరెక్టర్‌గా కెరీర్‌ ప్రారంభించిన వీరు ఆ తర్వాత స్టార్‌ డైరెక్టర్లుగా మారిపోయారు. ఇందులో ఒకరు తెలుగు సినిమా ఇండస్ట్రీలో మాస్‌ డైరెక్టర్‌గా రాణిస్తుంటే.. మరొకరు కోలీవుడ్ ఇండస్ట్రీలో స్టార్‌ డైరెక్టర్‌గా రాణిస్తున్నారు.
Updated on: Jan 26, 2023 | 12:38 PM
తెలుగు సినిమా సినిమా ఇండస్ట్రీకి సంబంధించి మెగాస్టార్‌ చిరంజీవి ఒక డిక్షనరీ. ఎలాంటి బ్యాక్‌గ్రౌండ్‌ లేకుండా స్టార్‌ హీరోగా ఎదిగిన ఆయనను ఎంతోమంది ఆరాధిస్తుంటారు. కాగా సినిమా కష్టాలను స్వయంగా చూసిన మెగాస్టార్‌ తనతో పాటు మరెందరికో చేయూతనిచ్చారు. నటులుగా, క్యారెక్టర్‌ ఆర్టిస్టులుగా, డైరెక్టర్లుగా, నిర్మాతలుగా.. ఇలా ప్రస్తుతం సినిమా రంగంలో రాణిస్తోన్న ఎంతోమంది చిరంజీవి చేయూతతో పైకి వచ్చిన వారే. మనం చూస్తున్న పై ఫొటో కూడా ఈ కోవకు చెందినదే. ఇందులో మెగాస్టార్‌తో ఉన్నది ఇద్దరు స్టార్‌ డైరెక్టర్లు. అసిస్టెంట్‌ డైరెక్టర్‌గా కెరీర్‌ ప్రారంభించిన వీరు ఆ తర్వాత స్టార్‌ డైరెక్టర్లుగా మారిపోయారు. ఇందులో ఒకరు తెలుగు సినిమా ఇండస్ట్రీలో మాస్‌ డైరెక్టర్‌గా రాణిస్తుంటే.. మరొకరు కోలీవుడ్ ఇండస్ట్రీలో స్టార్‌ డైరెక్టర్‌గా రాణిస్తున్నారు. మెగాస్టార్‌తో పాటు రవితేజ, మహేశ్‌బాబు, సూర్య, రజనీకాంత్‌, విజయ్‌ తదితర స్టార్‌ హీరోలతో సినిమాలు చేసిన అనుభవం వీరి సొంతం. ప్రస్తుతం స్టార్‌ హీరోలతో వరుసగా సినిమాలు చేస్తోన్న ఈ స్టార్‌ డైరెక్టర్లు మరెవరో కాదు గోపీచంద్ మలినేని, ఆర్‌. మురగదాస్‌.
మెగాస్టార్‌ చిరంజీవి హిట్ సినిమాల్లో స్టాలిన్‌ ఒకటి. మాస్‌ యాక్షన్‌ అంశాలతో తెరకెక్కిన ఈ సినిమాకు మురగదాస్‌ దర్శకత్వం వహించారు. తెలుగులో ఆయనకు ఇదే మొదటి సినిమా. పై ఫొటో కూడా స్టాలిన్‌ షూటింగ్‌ సమయంలోనిదే. ఆ సమయంలో గోపీచంద్ మురుగదాస్ దగ్గర అసోసియేట్ డైరెక్టర్ గా పని చేశారు. అప్పుడే గోపీచంద్ పనితీరును దగ్గరుండి చూశారు చిరంజీవి. గోపీచంద్ పుట్టినరోజున ఒక వాచ్ తెప్పించి బహుమతిగా ఇచ్చి.. నీ టైం బాగుంటుందని చెప్పి వెన్నంటి ప్రోత్సహించారు. భవిష్యత్‌లో స్టార్‌ డైరెక్టర్‌గా ఎదుగుదావని జోస్యం చెప్పారు. ఇప్పుడదే నిజమైంది. చిరంజీవి ఇచ్చిన స్పూర్తితో ముందుకెళ్లిన గోపీచంద్ కంత్రి, బిల్లా సినిమాలకు అసోసియేట్ డైరెక్టర్‌గా వ్యవహరించారు. ఆ తర్వాత రవితేజ డాన్‌శీను సినిమాతో డైరెక్టర్‌గా అవతారమెత్తారు. ఆ తర్వాత బాడీ గార్డ్, బలుపు, పండగ చేస్కో, క్రాక్, వీర సింహారెడ్డి ఇలా వరుస బ్లాక్ బస్టర్ హిట్స్ స్టార్‌ డైరెక్టర్ల లిస్టులో చేరిపోయారు. ఇక మురగదాస్‌ కూడా కోలీవుడ్‌లో స్టార్‌ డైరెక్టర్‌గా రాణిస్తున్నారు.
మరిన్ని సినిమా వార్తల కోసం క్లిక్ చేయండి..
