RRR: ఆస్కార్‌కు నాటు నాటు సాంగ్‌.. సింగర్‌ రాహుల్ సిప్లిగంజ్‌ను ఘనంగా సన్మానించిన బండి సంజయ్‌
నాటు నాటు సాంగ్‌ ఆస్కార్ నామినేషన్ నిలవడంతో బీజేపీ తెలంగాణ అధ్యక్షుడు బండి సంజయ్‌ సింగర్‌ రాహుల్ ను ఘనంగా సన్మానించారు. ఈ సందర్భంగా రాహుల్ సిప్లిగంజ్‌కు స్వీట్స్‌ తినిపించి పూలగుచ్ఛం అందజేసి శాలువాతో సత్కరించారు బండి సంజయ్‌.
Updated on: Jan 25, 2023 | 1:32 PM
దర్శక ధీరుడు ఎస్‌ఎస్‌ రాజమౌళి తెరకెక్కించిన ఆర్ఆర్ఆర్ చిత్రం అవార్డులు కొల్లగొడుతోంది. తాజాగా సినిమాలోని నాటు నాటు సాంగ్‌ ఆస్కార్ ఫైనల్స్‌కు నామినేట్‌ అయ్యింది. ఈక్రమంలో ప్రతిష్ఠాత్మక ఆస్కార్ పురస్కారానికి నామినేట్‌ అయిన తొలి సినిమాగా ఆర్ఆర్ఆర్ చరిత్ర సృష్టించింది. దీంతో పలువురు టాలీవుడ్ ప్రముఖులు చిత్రబృందాన్ని అభినందిస్తున్నారు. తెలుగు సినిమాకు ఇది గర్వకారణమంటూ సినీ, రాజకీయ ప్రముఖులు ప్రశంసలు కురిపిస్తున్నారు. కాగా కీరవాణి స్వరాలు సమకూర్చిన నాటు నాటు పాటకు చంద్రబోస్‌ సాహిత్యం అందించారు. కాలభైరవ-రాహుల్ సిప్లిగంజ్‌ ఆలపించారు. ఈ క్రమంలో నాటు నాటు సాంగ్‌ ఆస్కార్ నామినేషన్ నిలవడంతో బీజేపీ తెలంగాణ అధ్యక్షుడు బండి సంజయ్‌ సింగర్‌ రాహుల్ ను ఘనంగా సన్మానించారు. ఈ సందర్భంగా రాహుల్ సిప్లిగంజ్‌కు స్వీట్స్‌ తినిపించి పూలగుచ్ఛం అందజేసి శాలువాతో సత్కరించారు బండి సంజయ్‌. ఈ సందర్భంగా బీజేపీ అధ్యకుడి విజ్ఞప్తి మేరకు నాటు నాటు పాట ఆలపించాడు రాహుల్. అలాగే ఆర్ఆర్ఆర్ బృందానికి అభినందనలు తెలిపారు బండి సంజయ్‌. అనంతరం దీనికి సంబంధించిన ఫొటోలను సోషల్ మీడియాలో షేర్‌ చేశారు.
‘తన ట్యాలెంట్‌తో ఆర్ఆర్ఆర్ సినిమాలో నాటు నాటు పాట పాడి ఆస్కార్ బరిలో నిలిచిన రాహుల్ సిప్లిగంజ్‌ను కలిశాను. ఈ అద్భుత గడియలను రాహుల్‌తో కలిసి సెలబ్రేట్ చేసుకున్నాను. మన హైదరాబాదీ కుర్రాడు పాడిన పాట వరల్డ్ ఫేమస్ అవ్వడం చాలా సంతోషంగా ఉంది. ఆర్ఆర్ఆర్ మూవీ టీమ్‌కు నా అభినందనలు. ఇంకా మరెన్నో అంతర్జాతీయ అవార్డులు గెలవాలని కోరుకుంటున్నాను’ అని ట్వీట్‌ చేశారు బండి సంజయ్‌. కాగా ఇప్పటికే నాటు నాటు పాటకు గోల్డెన్‌ గ్లోబ్‌ అవార్డు లభించింది. క్రిటిక్స్‌ ఛాయిస్‌ అవార్డుతో పాటు అనేక అవార్డులను సొంతం చేసుకుంది నాటు నాటు పాట. ఆస్కార్ తొలిమెట్టుకి చేరిన నాటు నాటు పాట సక్సెస్‌తో ఆస్కార్ నామినేషన్స్‌పై ట్రిపుల్‌ ఆర్‌ యూనిట్‌కి అభినందనలు వెల్లువెత్తుతున్నాయి. ఆర్ఆర్ఆర్ టీమ్‌కి కంగ్రాట్స్‌ చెప్తూ ప్రముఖుల ట్వీట్లు చేశారు. సోషల్ మీడియాలో కురుస్తోన్న ప్రశంసల జల్లులో చిత్ర బృందం తడిసి ముద్దవుతోంది.
Celebrated big win of #Oscar nomination for #NaatuNaatu with dearest @Rahulsipligunj who rose to international level by sheer talent.
Hear our own #Hyderabad lad sing the world famous song?as we celebrate his achievement.
Congratulations to team of @RRRMovie & all the best. pic.twitter.com/pQ9QWvSncT
— Bandi Sanjay Kumar (@bandisanjay_bjp) January 24, 2023
మరిన్ని సినిమా వార్తల కోసం క్లిక్ చేయండి..
