అందంలో అమ్మనే మించిపోయిందిగా..! హీరోయిన్లకు పోటీ ఇస్తున్న సునీత కూతురు

సింగర్ సునీత గురించి తెలుగు జనాలకు ప్రత్యేకంగా చెప్పాల్సిన పనిలేదు. అద్భుత గాత్రంతో శ్రోతలను సమ్మోహనపరచడంలో ఆమె ముందు ఉంటారు. ఎన్నో రివార్డులు, అవార్డులు ఆమెకు దాసోహమయ్యాయి. కేవలం సింగర్ మాత్రమే కాదు.. తను ఫేమస్ డబ్బింగ్ ఆర్టిస్ట్ కూడా. చాలామంది పేరు మోసిన హీరోయన్లకు సునీత డబ్బింగ్ చెప్పారు.

Sunitha

Rajeev Rayala |
Updated on: Sep 04, 2025 | 9:32 AM

అందమైన రూపం, అంతకన్నా అందమైన గాత్రం ఉన్న సింగర్ సునీత అంటే తెలియని తెలుగువారు ఉండరు. ప్లే బ్యాక్ సింగర్ గా, డబ్బింగ్ ఆర్టిస్టుగా తెలుగు సినిమా ఇండస్ట్రీలో తనకంటూ ఓ ప్రత్యేక గుర్తింపు తెచ్చుకున్నారు సింగర్ సునీత. తన అద్భుత గానంతో ఎంతో మంది అభిమానులను సొంతం చేసుకున్నారు సునీత. తన తీయని గొంతుతో పాడిన పాటలకు ఎన్నో రివార్డులు, అవార్డులు సునీత ఇంటికి క్యూ కట్టాయి. సంగీత ప్రపంచంలో ఎంతో మంది యంగ్ సింగర్స్ కు స్పూర్తి గా నిలుస్తుందామె. ప్రస్తుతం పలు సింగింగ్ షోలకు న్యాయ నిర్ణేతగా వ్యవహరిస్తున్నారు సునీత. వీటన్నటిని పక్కన పెడితే.. సింగర్ సునీత మనసు ఇప్పుడు ఆనందంతో తడిసిముద్దవుతోంది. ఇందుకు కారణం ఆమె కూతురు శ్రేయ. ఇటీవలే ఆమె అమెరికా న్యూయార్క్ లోని ప్రాట్ యూనివర్సిటీ నుంచి గ్రాడ్యుషన్ పూర్తిచేసింది. ఈ సందర్భంగా నిర్వహించిన గ్రాడ్యుయేషన్ డే కి సునీత ఫ్యామిలీ అంతా వెళ్లింది.

అక్కడ గ్రాడ్యుయేషన్ పట్టా అందుకున్న శ్రేయతో కలసి సరదాగా గడిపారు. ఫొటోలు, సెల్ఫీలు దిగారు. వీటిని సోషల్ మీడియాలో షేర్ చేసిన సునీత కాస్త ఎమోషనల్ అయ్యింది.‘మా జీవితంలో ఇదొక మైలురాయి. ఒకప్పుడు స్కెచ్‌బుక్‌లో బొమ్మలు గీస్తూ, వాటికి రంగులు వేసిన నా గారాల పట్టి ఇప్పుడు ప్రాట్‌ ఇన్‌స్టిట్యూట్‌లో ఇల్లుస్ట్రేటర్‌గా గ్రాడ్యుయేషన్‌ పట్టా అందుకుంది. తన క్రియేటివిటీని ప్రపంచానికి పరిచయం చేసేందుకు రెడీ అయ్యింది. తనను చూస్తుంటే ఒక తల్లిగా నాకెంతో గర్వంగా ఉంది. నువ్వు ఇంత స్ట్రాంగ్‌గా, తెలివైన అమ్మాయిగా ఎదుగుతూ ఉంటే నాకెంతో సంతోషంగా ఉంది. నీ సృజనాత్మక శక్తితో మరింత పైకి ఎదగాలని మనసారా కోరుకుంటున్నాను’ అని రాసుకొచ్చింది సునీత.

ఇవి కూడా చదవండి

అయితే ఇప్పుడు సునీత కూతురి ఫోటోలు నెట్టింట వైరల్ అవుతున్నాయి. శ్రేయ కూడా అమ్మబాటలోనే నడుస్తూ ఒక సినిమాలో పాట కూడా పాడింది..అయితే ఆమె చూడటానికి చాలా అందంగా ఉంది. దాంతో శ్రేయ హీరోయిన్ గా చేస్తే బాగుంటుందని సునీత అభిమానులు కోరుకుంటున్నారు. కాగా సునీత కుమారుడు ఆకాష్ ఇప్పటికే హీరోగా ఎంట్రీ ఇచ్చాడు. సర్కారు నౌకరి అనే సినిమాలో నటించాడు ఆకాష్. కాగా ప్రస్తుతం శ్రేయ ఫోటోలు నెటిజన్స్ ను ఆకర్షిస్తున్నాయి.