అప్పుడు చైల్డ్ ఆర్టిస్ట్.. ఇప్పుడు హీరోయిన్ మెటీరియల్.. త్రీ సినిమాలో శృతి చెల్లి ఇప్పుడు ఎలా ఉందో తెలుసా.?

సినిమా ఇండస్ట్రీలో చాలా మంది చైల్డ్ ఆర్టిస్ట్ లుగా చేసి ఆ తర్వాత హీరోయిన్ గా మారిన వారు చాలా మంది ఉన్నారు. కొంతమంది చైల్డ్ ఆర్టిస్ట్ లు హీరోయిన్స్ గా సినిమాలు చేస్తుంటే.. కొంతమంది మాత్రం సినిమాలకు దూరంగా ఉంటున్నారు.

Actress

Rajeev Rayala |
Updated on: Oct 14, 2025 | 1:12 PM

తమిళ స్టార్ హీరో ధనుష్ వరుస సినిమాలతో దూసుకుపోతున్నాడు. తెలుగు, తమిళ్, హిందీ సినిమాలతో పాటు హాలీవుడ్ లోనూ సినిమాలు చేసి ఆకట్టుకుంటున్నాడు. విభిన్నమైన కథతో సినిమాలు చేస్తూ ప్రేక్షకులను ఆకట్టుకుంటున్నాడు ధనుష్. హిట్స్ ఫ్లాప్స్ తో సంబంధం లేకుండా వరుసగా ప్రయోగాలు చేస్తూనే ఉంటాడు ఈ స్టార్ హీరో. రీసెంట్‌గా రాయన్ మూవీతో మంచి హిట్ అందుకున్నాడు ధనుష్. ఈ సినిమాను తనే డైరెక్ట్ చేయడం విశేషం. ఇదిలా ఉంటే ధనుష్ నటించిన త్రీ(3) మూవీ ఆడియెన్స్‌కు తెగ నచ్చేసింది. థియేటర్స్ లో ఈ సినిమా అంతగా ప్రేక్షకులు ఆదరించలేదు. కానీ టీవీలో సూపర్ హిట్ గా నిలిచింది.

2012 మార్చి 30న ఈ సినిమాని తెలుగులో కూడా రిలీజ్ అయింది. ఈ సినిమాకు ధనుష్ మాజీ భార్య ఐశ్వర్య రజినీకాంత్ డైరెక్ట్ చేశారు. అలాగే ఈ సినిమాలో ధనుష్‌కు జోడీగా శ్రుతిహాసన్ అదరగొట్టేసింది. ఈ మూవీలో ధనుష్ తన నటనతో మరోసారి ప్రేక్షకులను ఆకట్టుకున్నాడు. అలాగే ఈ సినిమాలో టీనేజ్ ప్రేమకథను కూడా చూపించారు. ఇక ఈ మూవీతో శ్రుతిహాసన్ చెల్లిగా నటించిన ఆర్టిస్ట్ గుర్తుందా.? ఆమె ఇప్పుడు ఎలా ఉందో.? ఏం చేస్తుంది.? అని నెటిజన్స్ తెగ సెర్చ్ చేస్తున్నారు.

తన పేరు గాబ్రియెల్లా నటాలీ చార్ల్టన్. పలు సినిమాల్లో బాలనటిగా అలరించిన ఈ అమ్మడు.. ఇప్పుడు హీరోయిన్ ఫీచర్స్‌తో అదరగొట్టేస్తుంది. చిన్నవయసులోనే యాక్టింగ్ కెరీర్ స్టార్ట్ చేసిన గాబ్రియెల్లా.. బాలనటిగా అదరగొట్టేసింది. అలాగే పలు డాన్స్ రియాల్సిటీ షోలతోనూ ఆకట్టుకుంది. ఈ క్రమంలోనే త్రీ సినిమాలో నటించే చాన్స్ అందుకుంది. ఆ మూవీలో శ్రుతి చెల్లిగా కనిపించింది. ఆ సినిమా వచ్చిన మూడేళ్లకు హీరోయిన్‌గా మారిపోయింది ఈ బ్యూటీ. అప్పా మూవీతో రషిత పాత్రలో మెరిసింది. ఆ తర్వాత ఈ చిన్నది సినిమాలకు బ్రేక్ ఇచ్చి స్టడీపై పెట్టింది. ఇక ఇప్పుడు తిరిగి స్మాల్ స్క్రీన్ పై మరోసారి సందడి చేస్తోంది. తాజాగా ఈ అమ్మడి ఫోటోలు సోషల్ మీడియాలో వైరల్ అవుతున్నాయి.