అందంగా లేవు అంటూ అవమానాలు.. సూసైడ్ చేసుకోవాలనుకుంది.. కట్ చేస్తే తోప్ హీరోయిన్..

సినిమా ఇండస్ట్రీలో తనకంటూ ప్రత్యేక ఇమేజ్ క్రియేట్ చేసుకుంది. పాన్ ఇండియా సినిమాలు చేయకపోయినా అన్ని భాషల్లో క్రేజ్ సొంతం చేసుకుంది ఈ అందాల భామ. తక్కువ సమయంలోనే అందం, అభినయంతో స్టార్ స్టేటస్ సంపాదించుకుంది. ఇండస్ట్రీలో అగ్ర హీరోల సరసన నటించిన ఈ ముద్దుగుమ్మ.. ఇప్పుడు గ్లోబల్ మూవీ ప్రపంచాన్ని ఏలేస్తుంది. అంతేకాదు.. ఆరేళ్లుగా ఒక్క సినిమా చేయకపోయినప్పటికీ ఈ అమ్మడు క్రేజ్ ఏమాత్రం తగ్గలేదు. ప్రస్తుతం భారీ బడ్జెట్ పాన్ ఇండియా మూవీలో నటిస్తుంది. కానీ సినీరంగంలోకి రాకముందు ఎన్నో అవమానాలు ఎదుర్కొంది. ఈ అందాల భామ రంగు, రూపం పై అనేక విమర్శలు రావడంతో తీవ్ర మానసిక ఒత్తిడికి గురైంది. ఆ అవమానాలతో 18 ఏళ్ల వయసులోనే ఆత్మహత్య చేసుకోవాలని అనుకుందట.. ఇంతకూ ఆమె ఎవరో తెలుసా.?

ఇప్పుడు మనం మాట్లాడుకుంటున్న హీరోయిన్ మరెవరో కాదు.. గ్లోబల్ బ్యూటీ ప్రియాంక చోప్రా. సౌత్ ఇండస్ట్రీతో సినీప్రయాణం స్టార్ట్ చేసిన ప్రియాంక.. ఆ తర్వాత హిందీ సినిమా పరిశ్రమలోకి అడుగుపెట్టింది. ఆమె ప్రతిభ, బలమైన స్క్రీన్ ప్లే ప్రేక్షకులను కట్టిపడేసింది. ఆతర్వాత తక్కువ సమయంలో ఆమె బాలీవుడ్ ఇండస్ట్రీలో తనదైన ముద్రవేసింది. అలాగే తక్కువ సమయంలోనే బాలీవుడ్ ఇండస్ట్రీలో అత్యధిక పారితోషికం తీసుకునే హీరోయిన్లలో ఒకరిగా మారింది ప్రియాంక చోప్రా.