‘సార్‌’ మూవీని రిజెక్ట్‌ చేసిన టాలీవుడ్‌ స్టార్‌ హీరో.. సూపర్‌ హిట్ సినిమా మిస్‌ అయ్యామంటూ ఫీలైపోతున్న ఫ్యాన్స్

కోలీవుడ్ స్టార్‌ హీరో ధనుష్‌ నేరుగా తెలుగులో నటించిన మొదటి చిత్రం ‘సార్’. తొలిప్రేమ, మజ్ఞు, రంగ్‌దే లాంటి ఫీల్‌గుడ్ సినిమాలను తెరకెక్కించిన వెంకీ అట్లూరి ఈ సినిమాకు దర్శకత్వం వహించారు. భీమ్లానాయక్‌తో మంచి ఫాలోయింగ్ తెచ్చుకున్న సంయుక్త మేనన్‌ హీరోయిన్‌గా నటించింది. మహాశివరాత్రి కానుకగా శుక్రవారం (ఫిబ్రవరి 17)న విడుదలైన ఈ సినిమాకు సూపర్‌హిట్‌ టాక్‌ వచ్చింది. ఇక తమిళంలో వాతి పేరుతో రిలీజ్‌ కాగా అక్కడ కూడా పాజిటివ్‌ టాక్‌ వచ్చింది. ప్రస్తుతం మన విద్యా వ్యవస్థలో ఉన్న అక్రమ వ్యాపారాలను కళ్లకు కట్టినట్లు చూపించారని సార్‌ సినిమాపై సర్వత్రా ప్రశంసలు కురుస్తున్నాయి. ఎప్పటిలాగే ధనుష్‌ తన నటనతో మెస్మరైజ్‌ చేశాడని ఫ్యాన్స్‌ సంబరపడిపోతున్నారు. ఇక బయాలజీ టీచర్‌గా నటించిన సంయుక్తకు సినిమాలో మంచి స్కోప్‌ ఉందంటున్నారు. ఇలా అన్ని రకాలుగా పాజిటివ్‌ వైబ్రేషన్స్‌తో దూసుకెళుతోన్న సార్‌ సినిమా గురించి నెట్టింట ఓ ఆసక్తికర విషయం చక్కర్లు కొడుతోంది. అదేంటంటే డైరెక్టర్ వెంకీ సార్‌ సినిమా కథను ధనుష్ కంటే ముందు టాలీవుడ్‌లో ఓ స్టార్‌ హీరోకు వినిపించాడట. అతనెవరో కాదు న్యాచురల్ స్టార్ నాని అట.

కాగా వెంకీ అట్లూరి తన మొదటి మూడు సినిమాలన్నీ పెద్ద పెద్ద ప్రొడక్షన్‌ బ్యానర్లలో తెరకెక్కించినవే. పైగా అందరూ స్టార్‌ హీరోలే. అందుకే తన తర్వాతి కథను ఎలాంటి బ్యాగ్రౌండ్‌ లేని నానితో తీయాలనుకున్నారట. ఒక మంచి కథ సిద్ధం చేసుకుని అతని దగ్గరకు వెళ్లారట. అయితే కొన్ని కారణాల రీత్యా ఈ కాంబినేషన్‌ పట్టాలెక్కలేదట. అప్పటికే నాని చేతి నిండా సినిమాలు ఉండడం, అలాగే కథలో కొన్ని మార్పులు చేయాలని అతను సూచించడం, దీనికి వెంకీ అంగీకరించకపోవడంతో ఈ కాంబో సెట్‌ కాలేదట. అదే సమయంలో ధనుష్‌ను కలిసి కథ చెప్పడం, ఆయన ఒకే చెప్పడంతో సార్‌ సినిమా పట్టాలెక్కిందట. ప్రస్తుతం సార్‌ సినిమాకు సూపర్‌ హిట్‌ టాక్‌ వచ్చింది. దీంతో మంచి సినిమాను మిస్‌ చేసుకున్నామంటూ నాని ఫ్యాన్స్‌ తెగ ఫీలైపోతున్నారట. సార్‌ సినిమాను సితార ఎంటర్ టైన్ మెంట్ తో కలిసి ఫార్య్చూన్ ఫోర్ నిర్మాణ సంస్థలు కలిసి నిర్మించాయి. సాయికుమార్, తనికెళ్ల భ‌ర‌ణి, సముద్ర ఖని, తోటపల్లి మధు, నర్రా శ్రీను, పమ్మి సాయి, హైపర్ ఆది, ఆడుకాలం నరేన్, ఇలవరసు, మొట్టా రాజేంద్రన్, హరీష్ పేరడి తదితరులు ఈ చిత్రంలో నటిస్తున్నారు.

Hero Nani

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.

ఇవి కూడా చదవండి

అభిమానిని ఇంటికి ఆహ్వానించి అదిరిపోయే ఆతిథ్యమందించిన మెగాస్టార్‌ చిరంజీవి.. కన్నీళ్లు పెట్టుకున్న అనకాపల్లి యువకుడు

ఈ ఫొటోలోని చిన్నారి ఇప్పుడు కుర్రాళ్ల హార్ట్‌త్రోబ్‌.. మూడు సినిమాలకే స్టార్ హీరోయిన్‌ ట్యాగ్‌.. ఎవరో గుర్తుపట్టారా?

హిందూ సంప్రదాయంలో.. వేద మంత్రాల సాక్షిగా.. ముచ్చటగా మూడోసారి నటాషాను మనువాడిన హార్దిక్‌.. ఫొటోలు చూశారా?

కాళేశ్వరం ప్రాజెక్టుతో క్రికెటర్‌ అంబటి రాయుడుకు అనుబంధం.. ఆసక్తికర విషయాన్ని బయటపెట్టిన మంత్రి హరీశ్‌రావు