ఏపీకి ముంచుకొస్తున్న మరో ముప్పు దూసుకొస్తున్న తుపాన్ 3 రోజుల పాటు వర్షాలు

బంగాళాఖాతంలో మరో అల్పపీడనం ఏర్పడి వాయుగుండంగా బలపడుతోంది. ఇది పశ్చిమ-వాయువ్య దిశగా కదులుతూ ఆంధ్రప్రదేశ్ తీరం వైపు దూసుకొస్తోంది. వాతావరణ శాఖ హెచ్చరికల ప్రకారం, రాగల రెండు మూడు రోజుల పాటు ఆంధ్రప్రదేశ్‌లోని కోస్తా, రాయలసీమ వ్యాప్తంగా విస్తారంగా వర్షాలు కురిసే అవకాశం ఉంది. ప్రజలు అప్రమత్తంగా ఉండాలని, అవసరమైతే తప్ప బయటకు వెళ్లరాదని అధికారులు సూచించారు. లోతట్టు ప్రాంతాల ప్రజలు, రైతులు తగిన ముందు జాగ్రత్తలు తీసుకోవాలని హెచ్చరించారు. ఈ అల్పపీడనం ప్రభావంతో శనివారం విజయనగరం, కృష్ణ, నంద్యాల, అన్నమయ్య జిల్లాల్లో మోస్తరు వర్షాలు, ఆదివారం కోనసీమ, తూర్పు గోదావరి, పశ్చిమ గోదావరి, పోలవరం ప్రాంతాల్లో భారీ వర్షాలు కురిసే అవకాశం ఉంది. మత్స్యకారులను వేటకు వెళ్లవద్దని ఆదేశించారు. మరోవైపు, తెలంగాణలోని పలు జిల్లాలకు భారీ వర్షాలు కురిసే అవకాశం ఉందని వాతావరణ శాఖ ఆరెంజ్ అలర్ట్ జారీ చేసింది. భద్రాద్రి కొత్తగూడెం, మెదక్, నల్గొండ, సంగారెడ్డి, సిద్దిపేట, వికారాబాద్ జిల్లాల్లో ఉరుములు, మెరుపులతో కూడిన వర్షాలు, గంటకు 40 కిలోమీటర్ల వేగంతో ఈదురుగాలులు వీచే అవకాశం ఉంది.

మరిన్ని వీడియోల కోసం ఇక్కడ క్లిక్ చేయండి

Also Watch:

సంక్రాంతిలోపు వర్షాలు కురిస్తే ఒకే.. లేకుంటే.. హైదరాబాద్‌లో తప్పని వాటర్ ఎమర్జెన్సీ

తిరుమలలోని శతాబ్దాల చరిత్రకు డిజిటల్‌ రక్షణ

కరువును కలిసికట్టుగా ఎదుర్కొందాం…

మీరు కొనేవన్నీ సన్నబియ్యమేనా..

తెలంగాణ ప్రభుత్వ కొత్త విప్లవం! ప్రభుత్వ పాలనలో ‘ఏఐ సాక్షమ్’