Tollywood Drugs Case: ఈడీ కార్యాలయానికి చేరుకున్న రానా.. కొనసాగుతున్న విచారణ.. వీడియో
టాలీవుడ్ తారల చుట్టూ డాగ్స్ ఉచ్చు బిగుస్తుందా..? హీరో హీరోయిన్లకు నిజంగానే డ్రగ్స్ దందాతో సంబంధాలు ఉన్నాయా..? ఇప్పుడు ఇదే ప్రశ్న అందరిలోనూ
Tollywood Drugs Case: టాలీవుడ్ తారల చుట్టూ డ్రగ్స్ ఉచ్చు బిగుస్తుందా..? మన హీరో హీరోయిన్లకు నిజంగానే డ్రగ్స్ దందాతో సంబంధాలు ఉన్నాయా..? ఇప్పుడు ఇదే ప్రశ్న అందరిలోనూ మెదులుతుంది. ఈడీ అధికారులు ఒక్కరిగా సినిమా తారలను పిలిచి విచారిస్తున్న విషయం తెలిసిందే. ఇప్పటికే రకుల్, పూరిజగన్నాథ్, ఛార్మి వంటి వారిని విచారించింది ఈడీ. ఇక ఇప్పుడు దగ్గుబాటి హీరో రానా వంతు వచ్చింది. కొద్దిసేపటి క్రితమే రానా ఈడీ కార్యాలయానికి చేరుకున్నాడు. విచారణలో రానా పలు ఆసక్తికర విషయాలు వెల్లడిస్తున్నారని తెలుస్తుంది.
ఇక గతంలో డ్రగ్స్ ఆరోపణలపై పలు సందర్భాల్లో రానా మాట్లాడుతూ.. బాలీవుడ్ సంబంధాలు, తరుచూ పార్టీలకు వెళ్లే అలవాటు ఉండటంతో నాకు కూడా డ్రగ్స్ అలవాటు ఉందని ప్రచారం జరిగింది. రోజు 20కిలోమీటర్లు వాకింగ్, వర్క్ ఔట్ చేసే నాకు డ్రగ్స్ తీసుకోవాల్సిన అవసరం లేదు అని అన్నాడు రానా. సినిమా వాళ్ళు డ్రగ్స్ తీసుకుంటే నాకేం సంబంధం అంటూ ప్రశ్నించాడు. ఎవరి వ్యక్తిగత జీవితం వారిది.. స్కూల్ పిల్లలు డ్రగ్స్‌కు బానిసలుగా మారుతున్నారని తెలిసి షాక్ అయ్యా. పిల్లలకు డ్రగ్స్ సప్లై, డ్రగ్స్ ఎగుమతులపై ప్రభుత్వాలు కఠినంగా ఉండాలి అంటూ గతంలో రానా పలు సందర్భాల్లో అన్నాడు.
ఇక ఇప్పుడు డ్రగ్స్ కేస్‌లో రానా విచారణ కొనసాగుతుంది. కెల్విన్ ల్యాప్ టాప్‌లో కీలక సమచారాన్ని ఈడీ రాబట్టింది. గతంలో కెల్విన్ ఇచ్చిన స్టేట్మెంట్‌లను, విచారణ లో స్టార్స్ చెప్తున్న వివరాలను పోల్చి చూస్తున్నారు ఈడీ అధికారులు. ఎఫ్ ఫేక్ లాంజ్ పార్టీలో కెల్విన్ అకౌంట్ లో కి వచ్చిన నిధుల వివరాలను నిన్న కెల్విన్ నుండి తీసుకున్నారు ఈడీ అధికారు. పూరి, ఛార్మి, నవదీప్, రవితేజ, రకుల్ , రానాతో పాటు ఎఫ్ కేఫ్ పార్టీకి హాజరు అయ్యిన మరో 12 మంది ప్రైవేట్ వ్యక్తుల పేర్లను కూడా ఛార్జ్ షీట్‌లో ఎక్సైజ్ శాఖ చేర్చింది.
మరిన్ని ఇక్కడ చదవండి :
Bigg Boss 5 Telugu: మర్యాద ఇవ్వకపోతే ఊరుకునేదే లేదు.. అతడి పై అరుస్తూ చిందులువేసిన ఆనీ మాస్టర్..
