Sudhakar: హ్యాపీగా, హెల్దీగా ఉన్నా.. అలాంటి వార్తలను నమ్మొద్దు.. వీడియో రిలీజ్ చేసిన కమెడియన్ సుధాకర్
టాలీవుడ్ సీనియర్ కమెడియన్ సుధాకర్ చనిపోయారంటూ ఇటీవల సోషల్ మీడియాలో కల్పిత వార్తలు తెగ వైరలైన సంగతి తెలిసిందే. కొన్ని మీడియా వెబ్సైట్లు కూడా సుధాకర్ కన్నుమూశారంటూ కథనాలు పబ్లిష్ చేశాయి. ఈ నేపథ్యంలో వీటిపై స్పందించిన సుధాకర్ తనపై వస్తోన్న అసత్య వార్తలను ఖండించారు.
Updated on: May 25, 2023 | 11:22 AM
టాలీవుడ్ సీనియర్ కమెడియన్ సుధాకర్ చనిపోయారంటూ ఇటీవల సోషల్ మీడియాలో కల్పిత వార్తలు తెగ వైరలైన సంగతి తెలిసిందే. కొన్ని మీడియా వెబ్సైట్లు కూడా సుధాకర్ కన్నుమూశారంటూ కథనాలు పబ్లిష్ చేశాయి. ఈ నేపథ్యంలో వీటిపై స్పందించిన సుధాకర్ తనపై వస్తోన్న అసత్య వార్తలను ఖండించారు. తాను ఆరోగ్యంగానే ఉన్నానని, చాలా సంతోషంగా ఉన్నానని తెలిపారు. దయచేసి తప్పుడు వార్తలపు ప్రసారం చేయద్దని విజ్ఞప్తి చేశారు. ‘అందరికీ నమస్కారం. నా మీద వచ్చినవన్నీ అసత్య వార్తలే. తప్పుడు సమాచారాన్ని నమ్మకండి. అలాంటివి స్ప్రెడ్ చేయకండి. నేను చాలా సంతోషంగా ఉన్నాను. ఐ యామ్ వెరీ హ్యాపీ’ అని వీడియోలో చెప్పుకొచ్చారు సుధాకర్. తద్వారా ఆయన ఆరోగ్యంపై వస్తోన్న వదంతులకు చెక్ పెట్టేశారు. కాగా సుధాకర్పై ఇలాంటి కథననాలు రావడంపై సినీ అభిమానులు, నెటిజన్లు ఆగ్రహం వ్యక్తం చేస్తున్నారు. కాగా సుధాకర్ ఆరోగ్యం గురించి ఇలాంటి ఫేక్ రూమర్స్ రావడం ఇదేమీ మొదటి సారి కాదు. 2010లో ఆయన తీవ్ర అనారోగ్య సమస్యలతో కోమాలోకి వెళ్లారు. ఆ సమయంలోనే సుధాకర్ మరణించారని ఫేక్ న్యూస్ స్ప్రెడ్ అయ్యాయి. అయితే వైద్యులు మెరుగైన చికిత్స అందించడంతో ఆయన తిరిగి కోలుకున్నారు. ప్రస్తుతం కూడా సుధాకర్ ఎంతో ఆరోగ్యంగా ఉన్నారు.
ఇటీవల దిగ్గజ నటుడు కోట శ్రీనివాసరావుపై కూడా ఇలాంటి డెత్ రూమర్లు తెగ వైరలయ్యాయి. స్వయానా ఆయనే వీడియో రిలీజ్ చేసి క్లారిటీ ఇవ్వాల్సి వచ్చింది. ఇక ఇటీవల చనిపోయిన శరత్ బాబుపై కూడా ఇలాంటి వార్తలే వచ్చాయి. ఆయన చనిపోకముందే కన్నుమూశారంటూ నెట్టింట వార్తలు తెగ వైరలయ్యాయి.
మరిన్ని సినిమా వార్తల కోసం క్లిక్ చేయండి..
