సినీ కార్మికుల కోసం చిరంజీవి గొప్ప నిర్ణయం.. రోజుకు 1000 మందికి ఉచిత క్యాన్సర్ టెస్టులు.. ఎప్పటినుంచంటే?
సినీ కార్మికులు, మెగా అభిమానులకు చిరంజీవి శుభవార్త చెప్పారు. వీరికి చిరంజీవి ఛారిటబుల్‌ ట్రస్ట్‌, స్టార్‌ ఆస్పత్రి సంయుక్త ఆధ్వర్యంలో ఉచిత క్యాన్సర్ పరీక్షలు నిర్వహిస్తామని మెగాస్టార్‌ వెల్లడించారు. జులై 9 నుంచి ఈ బృహత్తర కార్యక్రమానికి శ్రీకారం చుడతామని, రోజుకు 1000 మందికి ఉచిత క్యాన్సర్ పరీక్షలు నిర్వహిస్తామని చిరంజీవి పేర్కొన్నారు.
సినీ కార్మికులు, మెగా అభిమానులకు చిరంజీవి శుభవార్త చెప్పారు. వీరికి చిరంజీవి ఛారిటబుల్‌ ట్రస్ట్‌, స్టార్‌ ఆస్పత్రి సంయుక్త ఆధ్వర్యంలో ఉచిత క్యాన్సర్ పరీక్షలు నిర్వహిస్తామని మెగాస్టార్‌ వెల్లడించారు. జులై 9 నుంచి ఈ బృహత్తర కార్యక్రమానికి శ్రీకారం చుడతామని, రోజుకు 1000 మందికి ఉచిత క్యాన్సర్ పరీక్షలు నిర్వహిస్తామని చిరంజీవి పేర్కొన్నారు. ఈ మేరకు శుక్రవారం చిరంజీవి బ్లడ్‌ బ్యాంక్‌లో స్టార్‌ ఆస్పత్రి ప్రతినిధులు, చిరంజీవి కలిసి మీడియా సమావేశం ఏర్పాటు చేశారు. ఈ సందర్భంగా మాట్లాడిన మెగాస్టార్‌.. సినీ కార్మికులతో పాటు మెగా ఫ్యాన్స్‌ కు చిరంజీవి బ్లడ్‌ బ్యాంకులో ఉచిత క్యాన్సర్ పరీక్షలు నిర్వహిస్తామన్నారు. ‘రోజుకు 1000 మందికి చొప్పున అన్ని రకాల కాన్సర్ టెస్టులు చేస్తారు. మరో 2,3 రోజుల్లో సినీ కార్మిక సంఘాల నాయకులతో సమావేశమై ఈ విషయంపై చర్చిస్తాం. క్యాన్సర్ స్క్రినింగ్ కోసం సినీ కార్మికులకు ప్రత్యేక కార్డులు జారీ చేస్తాం. జులై 9న హైదరాబాద్, 16న విశాఖపట్నం, 23న కరీంనగర్ లో ఈ క్యాన్సర్ స్క్రీనింగ్ క్యాంపులు నిర్వహిస్తాం’ అని చిరంజీవి చెప్పుకొచ్చారు.
కాగా కొద్ది రోజుల క్రితమే ఉచిత క్యాన్సర్ పరీక్షలపై ప్రకటన చేశారు చిరంజీవి. అదే సమయంలో తాను క్యాన్సర్ బారిన పడకుండా ముందుగానే కొలనోస్కోపీ ట్రీట్‌మెంట్ చేయించుకున్నట్లు తెలిపారు. ఇక సినిమాల విషయానికొస్తే.. ప్రస్తుతం భోళాశంకర్‌ సినిమాలో నటిస్తున్నారు చిరంజీవి. తమన్నా హీరోయిన్‌గా, కీర్తి సురేశ్‌ చిరంజీవి చెల్లెలిగా కనిపించనున్నారు. ఆగస్టులో ఈ మూవీ ప్రేక్షకుల ముందుకు రానుంది.
మరిన్ని సినిమా వార్తల కోసం ఇక్కడ క్లిక్ చేయండి..
