Bellamkonda Sai Sreenivas: హిందీ ఛత్రపతి ఏమైపోయాడు.? ఇంతకు ఉన్నట్టా..? లేనట్టా..?
అల్లుడు శ్రీను సినిమా తో హీరోగా ఎంట్రీ ఇచ్చాడు యంగ్ హీరో బెల్లంకొండ శ్రీనివాస్. మొదటి సినిమాతోనే తన నటనతో ఆకట్టుకున్నాడు శ్రీనివాస్..
Updated on: Jun 27, 2022 | 4:38 PM
అల్లుడు శ్రీను సినిమా తో హీరోగా ఎంట్రీ ఇచ్చాడు యంగ్ హీరో బెల్లంకొండ శ్రీనివాస్(Bellamkonda Sai Sreenivas). మొదటి సినిమాతోనే తన నటనతో ఆకట్టుకున్నాడు శ్రీనివాస్.. ఆ తర్వాత బ్యాక్ టు బ్యాక్ సినిమాలతో అలరించారు. ఇక రాక్షసుడు సినిమాలో బెల్లంకొండ శ్రీనివాస్ నటన ప్రేక్షకులను ఆకట్టుకుంది. ఈ సినిమాతో సాలిడ్ హిట్ ను తన ఖాతాలో వేసుకున్నారు బెల్లంకొండ. ఇక చివరిగా అల్లుడు అదుర్స్ అనే సినిమాతో ప్రేక్షకుల ముందుకు వచ్చారు. ఈ సినిమా ఆశించిన స్థాయిలో ప్రేక్షకులను ఆకట్టుకోలేక పోయింది. దాంతో ఈ యంగ్ హీరో బాలీవుడ్ బాట పట్టారు. ఎలాగైనా హిందీలో హిట్ కొట్టాలని ప్రభాస్ ఛత్రపతి సినిమాను ఎంచుకున్నాడు. రాజమౌళి తెరకెక్కించిన ఈ సినిమా తెలుగులో భారీ విజయాన్ని అందుకుంది. దాంతో ఛత్రపతి సినిమాను హిందీలో రీమేక్ చేయనున్నారు. టాలీవుడ్ యాక్షన్ డైరెక్టర్ వివి వినాయక్ ఈ సినిమాకు దర్శకత్వం వహించనున్నారు.
అయితే ఈ సినిమా అనౌన్స్ చేసి చాలా కాలం అయ్యింది. ఆ మధ్య పూజాకార్యక్రమాలు కూడా జరుపుకుంది ఈ సినిమా అయితే ఆ తర్వాత ఈ సినిమానుంచి ఎలాంటి అప్డేట్ రాలేదు. ఈ సినిమా హీరోయిన్ గురించి కొద్దిరోజులు చర్చలు జరిగాయి కానీ ఆతర్వాత ఆ వార్తలు కూడా రావడం ఆగిపోయాయి. ఇప్పుడు అస్సలు ఈ సినిమా గురించి ఊసే లేదు. అసలు సినిమా షూటింగ్ జరుగుతుందా..? లేక ఆగిపోయిందా..? అని అంతా చర్చించుకుంటున్నారు. అటు చిత్రయూనిట్ కూడా ఈ మూవీ పై ఎలాంటి అప్డేట్ ఇవ్వడం లేదు. అటు బెల్లంకొండ శ్రీనివాస్ కూడా ఈ సినిమా తప్పా మరో సినిమాను కమిట్ అవ్వలేదు. మరి ఇప్పటికైనా ఈ సినిమాకు సంబంధించిన అప్డేట్స్ చిత్రయూనిట్ ఇస్తారేమో చూడాలి.
