Allu Arjun: అల్లు అర్జున్, అట్లీ సినిమాలో కోలీవుడ్ స్టార్ హీరో.. ఇక థియేటర్లు దద్దరిల్లాల్సిందే..

ఐకాన్ స్టార్ అల్లు అర్జున్ ప్రస్తుతం తన నెక్ట్స్ ప్రాజెక్ట్స్ ఎంపికలో బిజీగా ఉన్న సంగతి తెలిసిందే. గతేడాది పుష్ప 2 సినిమాతో బ్లాక్ బస్టర్ హిట్ అందుకున్నాడు బన్నీ. ప్రపంచవ్యాప్తంగా రూ.1800 కోట్లకు పైగా వసూళ్లు రాబట్టి సరికొత్త రికార్డ్స్ సొంతం చేసుకున్నాడు. ఇక ఇప్పుడు బాలీవుడ్ ఇండస్ట్రీలోనూ ఓ మూవీ చేయనున్నట్లు టాక్ నడుస్తుంది. అలాగే కోలీవుడ్ టాప్ డైరెక్టర్ అట్లీ దర్శకత్వంలోనూ అల్లు అర్జున్ ఓ సినిమా చేయనున్నట్లు తెలుస్తోంది. వీరిద్దరి తొలి కాంబినేషన్ చాలా సంచలనం సృష్టించింది. ఇందులో హాలీవుడ్ స్టార్స్ సైతం కనిపించనున్నట్లు తెలుస్తోంది. ఇక తాజాగా ఈ ప్రాజెక్ట్ గురించి మరో ఇంట్రెస్టింగ్ క్రేజీ న్యూస్ సోషల్ మీడియాలో చక్కర్లు కొడుతుంది. లేటేస్ట్ అప్డేట్ ప్రకారం ఈ సినిమాలో కోలీవుడ్ స్టార్ హీరో శివకార్తికేయన్ ముఖ్య పాత్రలో కనిపించనున్నారట. అయితే దీనిపై ఇప్పటివరకు ఎలాంటి అధికారిక ప్రకటన రాలేదు.

అల్లు అర్జున్ చివరిసారిగా దర్శకుడు సుకుమార్ సూపర్ హిట్ చిత్రం పుష్ప 2: ది రూల్ లో కనిపించాడు. మైత్రి మూవీ మేకర్స్ నిర్మించిన ఈ చిత్రం ప్రపంచవ్యాప్తంగా రూ.1,800 కోట్లకు పైగా వసూలు చేసి.. బన్నీ సినీ కెరీర్‌లో అత్యధిక వసూళ్లు సాధించిన చిత్రంగా నిలిచింది. ఈ మూవీ తర్వాత అల్లు అర్జున్ తన తదుపరి చిత్రాన్ని దర్శకుడు అట్లీతో ప్రకటిస్తాడా లేదా త్రివిక్రమ్ శ్రీనివాస్‌తో ప్రకటిస్తాడా అనేది చూడాలి. ప్రస్తుతం శివకార్తికేయన్ శ్రీలంకలో పరాశక్తి సినిమా షూటింగ్‌లో పాల్గొంటున్నారని సమాచారం. ఈ చిత్రానికి సుధా కొంగర దర్శకత్వం వహించగా, ప్రముఖ నిర్మాణ సంస్థ డాన్ పిక్చర్స్ దీనిని నిర్మిస్తోంది. ఈ చిత్రంలో రవి మోహన్, అధర్వ, శ్రీలీల కూడా ముఖ్యమైన పాత్రల్లో నటిస్తున్నారు.

మరోవైపు శివకార్తికేయన్ మదరాసి సినిమాలోనూ నటిస్తున్నాడు. చిత్రానికి దర్శకుడు ఎ.ఆర్. మురుగదాస్ రచన, దర్శకత్వం వహించారు. శ్రీ లక్ష్మీ మూవీస్ పతాకంపై ఎన్. శ్రీలక్ష్మీ ప్రసాద్ నిర్మించారు. ఈ చిత్రంలో నటుడు శివకార్తికేయన్‌తో పాటు నటులు బిజు మీనన్, విద్యుత్ జమ్వాల్, రుక్మణి వసంత్ కీలక పాత్రల్లో నటించారు.

ఇది చదవండి :  Tollywood: చిన్నప్పుడే అవార్డులు.. టాలీవుడ్ క్రేజీ హీరో.. ఇప్పుడు అవకాశాల కోసం..

Tollywood: అప్పుడు కలెక్టర్ దగ్గర ఉద్యోగం.. ఇప్పుడు స్టార్ కమెడియన్.. ఎవరో తెలుసా.. ?

Mahesh Babu: మహేష్ మేనకోడలు ఎంత అందంగా ఉందో చూశారా.. ? ఇక హీరోయిన్స్ సైడ్ అవ్వాల్సిందే..

ఒక్క సినిమా చేయలేదు.. హీరోయిన్లకు మించి క్రేజ్.. ఎవరంటే..