Hit 2 OTT: ప్రైమ్ వీడియో నుంచి హిట్ 2 సినిమా తొలగింపు.. మళ్లీ స్ట్రీమింగ్ అప్పుడే?
ప్పుడేమైందో తెలియదు కానీ ప్రస్తుతం రెంటల్ బేస్‌లో కూడా హిట్ 2 స్ట్రీమింగ్‌‌కు అందుబాటులో లేదు. ఎటువంటి ముందస్తు అప్డేట్ లేకుండా అమెజాన్ ప్రైమ్ వీడియో కేటలాగ్ నుంచి ఈ టైటిల్‌ను తీసివేసింది.
Basha Shek | Edited By: Rajeev Rayala
Updated on: Jan 04, 2023 | 3:22 PM
అడివి శేష్ హీరోగా శైలేష్ కొలను డైరెక్షన్‌లో వచ్చిన క్రైమ్ థ్రిల్లర్‌ హిట్ 2. గతంలో వచ్చిన విశ్వక్‌సేన్‌ హిట్ సినిమాకు ఇది సీక్వెల్‌. వాల్ పోస్టర్ సినిమా బ్యానర్‌పై నేచురల్ స్టార్ నాని నిర్మించిన ఈ చిత్రంలో మీనాక్షిచౌదరి హీరోయిన్‌గా నటించింది. డిసెంబర్ 2న థియేటర్లలో విడుదలైన హిట్2 మూవీ సూపర్‌హిట్‌గా నిలిచింది. భారీ కలెక్షన్లను రాబట్టింది. కాగా ఈసినిమా డిజిటల్‌ హక్కులను సొంతం చేసుకున్న అమెజాన్ ప్రైమ్ వీడియో మంగళవారం (జనవరి 4)న సినిమాను రెంటల్ బేస్‌ ప్రాతిపదికన స్ట్రీమింగ్ చేసింది. సినిమా విడుదలై నెలరోజులు కావడంతో ఎలాంటి ముందస్తు అప్డేట్ ఇవ్వకుండానే డైరెక్టుగా చిత్రాన్ని ప్రసారం చేసింది. అయితే ఇప్పుడేమైందో తెలియదు కానీ ప్రస్తుతం రెంటల్ బేస్‌లో కూడా అడివిశేష్ సినిమా స్ట్రీమింగ్‌‌కు అందుబాటులో లేదు. ఎటువంటి ముందస్తు అప్డేట్ లేకుండా అమెజాన్ ప్రైమ్ వీడియో కేటలాగ్ నుంచి ఈ టైటిల్‌ను తీసివేసింది. అయితే ఈ సినిమా నిన్న రాత్రి (జనవరి3 న )కొన్ని గంటల సమయం వరకు అమెజాన్ లో కనిపించింది. ఆ తర్వాత దాన్ని తొలగించారు అయితే దీనికి గల కారణాలు మాత్రం తెలియడం లేదు.
అయితే శుక్రవారం (జనవరి6) నుంచి మళ్లీ హిట్ 2 సినిమాను స్ట్రీమింగ్ చేయనున్నట్లు ప్రైమ్ వీడియో తెలిపింది. అప్పుడు ఎలాంటి రెంటల్ బేస్‌ కాకుండా ప్రైమ్ వీడియో సబ్‌స్క్రైబర్లు నేరుగా సినిమా వీక్షించే అవకాశం కల్పిస్తున్నట్లు తెలిపింది. కాగా ఈ చిత్రంలో కలర్ ఫొటో ఫేమ్ సుహాస్, రావు రమేష్, తనికెళ్ల భరణి, శ్రీకాంత్ అయ్యంగార్, హర్ష వర్ధన్, కోమలీ ప్రసాద్ తదితరులు కీలక పాత్రలు పోషించారు. సినిమా ఆఖరులో న్యాచురల్‌ స్టార్ నాని స్పెషల్‌ క్యామియోలో కనిపించి ఆకట్టుకున్నాడు.
మరిన్ని సినిమా వార్తల కోసం క్లిక్ చేయండి..
