Nayani Pavani: ఇక మిమ్మల్ని చూడలేనన్ననిజాన్ని నమ్మలేకపోతున్నా.. తండ్రి మరణంతో తీవ్ర విషాదంలో నటి
ప్రముఖ యూట్యూబర్, సోషల్ మీడియా సెన్సేషన్, నటి నయని పావని ఇంట తీవ్ర విషాదం చోటుచేసుకుంది. కొత్త సంవత్సరం వేళ తండ్రి కన్నుమూయడంతో ఆమెతో పాటు ఆమె కుటుంబ సభ్యులు తీవ్ర దుఃఖంలో మునిగిపోయారు.
ప్రముఖ యూట్యూబర్, సోషల్ మీడియా సెన్సేషన్, నటి నయని పావని ఇంట తీవ్ర విషాదం చోటుచేసుకుంది. కొత్త సంవత్సరం వేళ తండ్రి కన్నుమూయడంతో ఆమెతో పాటు ఆమె కుటుంబ సభ్యులు తీవ్ర దుఃఖంలో మునిగిపోయారు. ఈ విషయాన్ని సోషల్ మీడియా వేదికగా షేర్ చేసుకున్న నయని ఎమోషనలైంది. తండ్రి పార్థీవ దేహం వద్ద ఆయన కాళ్లు పట్టుకొని ఏడుస్తున్న ఫొటోని షేర్ చేస్తూ’ ‘ఒక్క జన్మలోనే 100 జన్మల ప్రేమనందించావు. నాకు అది సరిపోలేదు. ఇంకా కావాలి నాన్నా. ఈ బాధని నా నుంచి ఎవరూ దూరం చేయలేరు. జీవితంలో నాకు తగిలిన అతి పెద్ద గాయమిది. దీన్ని ఎవరూ నయం చేయలేరు. ఇక నిన్ను చూడలేను అనే విషయాన్ని ఇప్పటికీ నమ్మలేకపోతున్నాను. నిన్ను ఇంకా చూడలేననే ఆలోచన కూడా కష్టంగా ఉంది డాడీ. ఇకపై రోజుకి ఐదుసార్లు ఎవరు ఫోన్ చేస్తారు? ఓపికతో నాతో ఎవరు ఉంటారు? నువ్వు ఏమైనా చేయ్.. నీ లైఫ్ నీ ఇష్టం అంటూ ఎవరు సపోర్ట్ చేస్తారు? నా పెళ్లికి నన్ను ఎత్తుకుని తీసుకెళ్తావు అనుకున్నా.. కానీ అంతలోనే నిన్ను ఇలా.. అస్సలు ఊహించలేదు. 2022 నాకు ఇంతటి విషాదం ఇస్తుందని అనుకొలేదు. ఇక 2023లోకి అస్సలు ఎంటర్ అవ్వాలని లేదు’ అంటూ భావోద్వేగానికి లోనైంది పావని.
దీంతో పాటు అలాగే తన కుక్కపిల్లని పట్టుకుని ఏడుస్తూ ఉన్న వీడియోల్ని తన ఇన్స్టాగ్రామ్ స్టోరీలో పోస్ట్ చేసింది. ప్రస్తుతం ఇవి సామాజిక మాధ్యమాల్లో వైరల్గా మారాయి. పలువురు ప్రముఖులు, నెటిజన్లు కామెంట్ల రూపంలో తమ సానుభూతిని తెలియజేస్తున్నారు. కాగా సమయం లేదు మిత్రమా, ఎంత ఘాటు ప్రేమ, పెళ్లి చూపులు 2.0, నీవెవరో, బబ్లూ vs సుబ్బులు కేరాఫ్ అనకాపల్లి తదితర షార్ట్ ఫిలిమ్స్ తో మంచి గుర్తింపు తెచ్చుకుంది పావని. ప్రముఖ డాన్స్ షో ఢీతో మరింత పాపులారిటీ తెచ్చుకుంది. ముఖ్యంగా మరోయూట్యూబర్, సోషల్ మీడియా స్టార్ శ్వేతా నాయుడుతో కలిసి నయని చేసే రీల్స్ నెటిజన్లను తెగ ఆకట్టుకున్నాయి.
