Gamanam: ప్రేక్షకుల ముందుకు గమనం.. విడుదల తేదీని ప్రకటించిన చిత్రయూనిట్..

టాలీవుడ్ ప్రముఖ హీరోయిన్స్ శ్రియా శరణ్, నిత్యామీనన్ ప్రధాన పాత్రలో నటిస్తున్న లెటేస్ట్ చిత్రం గమనం. ఈ సినిమాకు సుజనా రావు అనే కొత్త డైరెక్టర్ దర్శకత్వం వహిస్తుండగా.. ప్రియాంక జవాల్కర్, శివ కందుకూరి కీలక పాత్రలలో నటిస్తున్నాడు. క్రియ ఫిల్మ్ కార్ప్, కలి ప్రొడక్షన్స్ బ్యానర్లపై రమేష్ కురుటూరి, వెంకీ పుష్పదపు, జ్ఞానశేఖర్ వి.ఎస్ సంయుక్తంగా నిర్మిస్తున్న ఈ సినిమా ఇప్పటికే షూటింగ్ పూర్తిచేసుకుంది. అయితే ఎప్పుడో విడుదల కావాల్సిన ఈ సినిమా కరోనా కారణంగా పలుమార్లు వాయిదా పడుతూ వచ్చింది. ఇక చాలా రోజుల తర్వాత ఈ సినిమా నుంచి ఓ అప్డేట్ వచ్చింది.

ముగ్గురు భిన్న నేపథ్యాలున్న వ్యక్తులు.. వారి జీవిత గమనంలో చోటు చేసుకున్న సంఘటనలు.. వారి బ్రతుకు పోరాటం ఏ దరికి చేరిందనేదే గమనం. మూడు విభిన్న స్టోరీలను తలపించే ఈ సినిమాను ముందుగా తెలుగు, తమిళ్, కన్నడ, మళయాలం, హిందీ భాషల్లో రిలీజ్ చేస్తామని ప్రకటించారు. కానీ ఇప్పుడు కేవలం తెలుగు వెర్షన్ ను మాత్రమే డిసెంబర్ 10న విడుదల చేయబోతున్నట్లుగా ప్రకటించారు చిత్రయూనిట్. ఈ చిత్రానికి ఇళయారాజా సంగీతం అందించారు. సాయి మాధవ్ బుర్రా మాటలు అందించారు. ఈ సినిమాలోని ప్రతి కథ మనసును హత్తుకుంటుందని తెలిపారు చిత్రయూనిట్.

Also Read: Bigg Boss 5 Telugu: ఆనీ మాస్టర్ ఎలిమినేట్.. ఒక్కొక్కరికి గురించి ఏం చెప్పిందంటే..

Kaikala Satyanarayana: విషమంగానే కైకాల సత్యనారాయణ ఆరోగ్యం.. హెల్త్‌ బులిటెన్‌ విడుదల

Bhagat Singh Nagar Movie Pre Release Event: ‘భగత్‌సింగ్‌ నగర్‌ మూవీ ప్రీ రిలీజ్‌ ఈవెంట్‌