Kiran Abbavaram: నా సర్వస్వం నువ్వే.. కిరణ్ అబ్బవరం గురించి హీరోయిన్ ఎమోషనల్ పోస్ట్

టాలీవుడ్ లో దూసుకుపోతున్న యంగ్ హీరోల్లో కిరణ్ అబ్బవరం ఒకరు. ఈ యంగ్ హీరో రాజావారు రాణిగారు సినిమాతో ఇండస్ట్రీకి పరిచయం అయ్యాడు కిరణ్. తొలి సినిమాతోనే మంచి విజయాన్ని సొంతం చేసుకున్న కిరణ్ అబ్బవరం ఆతర్వాత ఎస్ ఆర్ కల్యాణమండపం సినిమాతో మరో హిట్ తనఖాతాలో వేసుకున్నాడు. ఈ సినిమా కూడా మంచి విజయం సాధించడంతో వరుసగా ఆఫర్స్ అందుకున్నాడు కిరణ్. అయితే బ్యాక్ టు బ్యాక్ సినిమాలు చేస్తున్నప్పటికీ సాలిడ్ హిట్ మాత్రం అందుకోలేకపోయాడు. అయినా కూడా వెనకాడుగు వేయకుండా సినిమాలు చేస్తూనే ఉన్నాడు. ఈ క్రమంలోనే ఈ కుర్రహీరో పెళ్ళికి రెడీ అయ్యాడు. ఇటీవలే కిరణ్ అబ్బవరం ఎంగేజ్మెంట్ జరిగింది.

తన మొదటి సినిమా హీరోయిన్ రహస్యతో ఆయన ఎంగేజ్ మెంట్ జరిగింది. ఈ ఇద్దరూ దాదాపు 6 ఏళ్లుగా ప్రేమించుకుంటున్నారు. కానీ వీరి ప్రేమ వ్యవహారం ఎప్పుడు బయటకు రాలేదు. ఆ మధ్య ఒకటి రెండు వార్తలు వచ్చినా దాని పై ఇద్దరూ స్పందించలేదు. ఇక ఇప్పుడు ఇలా సడన్ గా ఎంగేజ్మెంట్ చేసుకున్నారు. తాజాగా తమ ప్రేమ గురించి హీరోయిన్ రహస్య మాట్లాడింది. ఈ మేరకు ఆమె ఓ వీడియోను రిలీజ్ చేసింది.

కిరణ్ లానే రహస్య కూడా షార్ట్ ఫిలిమ్స్ నుంచి ఇండస్ట్రీలోకి వచ్చింది. రాజావారు రాణిగారు సినిమా తర్వాత రహస్య సినిమాలను పక్కన పెట్టేసింది. ఎంగేజ్ మెంట్ తర్వాత తన ప్రేమ గురించి రహస్య సోషల్ మీడియాలో రాసుకొచ్చింది. ” ఆరేళ్లుగా నువ్వు నాకు తెలుసు. మంచి స్నేహితులుగా ఉన్నాం. ప్రేమలో పడ్డాం. ఎన్నో మాట్లాడుకున్నాం. ఎలాంటి ప్లానింగ్ లేకుండానే చాలా ట్రిప్స్‌కి వెళ్లాం. ఎన్నో ఆటుపోట్లు చూశాం. మొత్తానికి మనిద్దరిదీ అద్భుతమైన, అందమైన జర్నీ. నీతోపాటు ఈ జర్నీని కంటిన్యూ చేయాలని చాలా ఆత్రుతగా ఉన్నాను. నా సర‍్వస్వం నువ్వే  కిరణ్ అబ్బవరం’ అంటూ సోషల్ మీడియాలో రాసుకొచ్చింది రహస్య. అలాగే ఈ ఇద్దరికీ సంబందించిన ఓ వీడియో కూడా సోషల్ మీడియాలో వైరల్ గా మారింది. రాజావారు రాణిగారు సినిమాలోని డైలాగ్ తో ఓ వీడియో ఇపుడు వైరల్ అవుతుంది.

 

కిరణ్ అబ్బవరం , రహస్య

View this post on Instagram

A post shared by Actor_KA_ (@actorkiranabbavaram)

మరిన్ని సినిమా వార్తల కోసం ఇక్కడ క్లిక్ చేయండి.