నాగార్జున- ప్రవీణ్ సత్తారు సినిమాలో మరో హీరోయిన్… టాలీవుడ్కు ఎంట్రీ ఇవ్వనున్న బాలీవుడ్ బ్యూటీ..
ప్రస్తుతం బాలీవుడ్ భామల చూపు మొత్తం తెలుగు ఇండస్ట్రీపై పడిందనే చెప్పుకోవాలి. ఇప్పటికే అలియా భట్, దీపిక పదుకునే
Updated on: Aug 10, 2021 | 8:16 PM
ప్రస్తుతం బాలీవుడ్ భామల చూపు మొత్తం తెలుగు ఇండస్ట్రీపై పడిందనే చెప్పుకోవాలి. ఇప్పటికే అలియా భట్, దీపిక పదుకునే తెలుగులో పగా వేసేందుకు సిద్ధమయ్యారు. ఇక మరో బ్యూటీ దియా మీర్జా ఇటీవల నాగార్జున ప్రధాన పాత్రలో నటించిన వైల్డ్ డాగ్ సినిమాతో తెలుగు తెరకు పరిచయమైంది. ఈ మూవీ ఆశించినంత హిట్ అవ్వకపోయినా.. దియా మీర్జా మాత్రం తన నటనతో విమర్శకులు ప్రశంసలు అందుకుంది. తాజాగా మరో బాలీవుడ్ అందాల తార.. తెలుగు తెరకు పరిచయం కాబోతున్నట్లుగా తెలుస్తోంది.
ప్రస్తుతం నాగార్జున.. డైరెక్టర్ ప్రవీణ్ సత్తారు దర్శకత్వంలో ఓ సినిమా చేస్తున్న సంగతి తెలిసిందే. ఇందులో కాజల్ అగర్వాల్ హీరోయిన్గా నటిస్తోంది. ఇందులో నాగ్.. రా ఏజెంట్ పాత్రలో కనిపించబోతున్నాడు. కరోనా సెకండ్ వేవ్ అనంతరం ఈ మూవీ షూటింగ్ ఇటీవలే తిరిగి ప్రారంభమైంది. ఈ సినిమాలో నాగ్ యంగ్ లుక్లో కనిపించబోతున్నట్లుగా టాక్ వినిపిస్తోంది. తాజా సమాచారం ప్రకారం ఈ సినిమాలో కాజల్తో పాటు మరో హీరోయిన్గా గుల్ పనాగ్ నటించబోతున్నట్లుగా తెలుస్తోంది. రా ఏజెంట్ టీమ్ మెంబర్గా గుల్ పనాగ్ కనిపించనున్నట్లుగా టాక్. యాక్షన్ థ్రిల్లర్గా రూపొందుతున్న ఈ సినిమాలో అజిత్ రీల్ కూతురు అనిఖా కీలక పాత్రలో నటిస్తుంది. ప్రస్తుతం ఈ మూవీ షూటింగ్ శరవేగంగా జరుగుతుంది. ఈ మూవీ తర్వాత నాగ్… కళ్యాణ్ కృష్ణ దర్శకత్వంలో బంగర్రాజు సినిమా చేయనున్నాడు. ఈ సినిమాలో నాగ చైతన్య కూడా కనిపించనున్నారని టాక్.
