RRR Movie: ఆర్ఆర్ఆర్ టీమ్ నుంచి మరో ఇంట్రెస్టింగ్ అప్‏డేట్.. రామరాజు ఫ్యాన్స్‏కు జక్కన్న స్పెషల్ ట్రీట్..

మెగా పవర్ స్టార్ రామ్ చరణ్.. యంగ్ టైగర్ ఎన్టీఆర్ ప్రధాన పాత్రల్లో నటిస్తోన్న సినిమా ఆర్ఆర్ఆర్. ఈ మూవీ కోసం చెర్రీ, తారక్ అభిమానులు వేయి కళ్లతో ఎదురుచూస్తున్నారు. ఇద్దరు బడా హీరోలతో జక్కన్న చేయబోయే మ్యాజిక్‏ను చూసేందుకు తెలుగు ప్రేక్షకులు గత కొంతకాలంగా వెయిట్ చేస్తున్నారు. ఇక ఈ సినిమాపై మొదటి నుంచి భారీ హైప్ క్రియేట్ చేస్తూ వస్తున్న జక్కన్న అందుకు తగ్గట్టుగానే పోస్టర్స్, ఇంట్రడ్యూస్ వీడియోస్ రివీల్ చేస్తున్నారు. ప్రస్తుతం ఈ సినిమా షూటింగ్ చివరి దశలో ఉంది. ప్రస్తుతం ఉక్రెయిన్‏లో చివరి షెడ్యూల్ జరుపుకుంటున్న ఈ సినిమా.. ఈనెల చివరలో ముగింపు పలకనున్నట్లుగా సమాచారం. అయితే ఇటీవల స్నేహితుల దినోత్సవం సందర్భంగా విడుదల చేసిన దోస్తీ పాటకు రెస్పాన్స్ ఎక్కువగానే వచ్చింది. తాజాగా ఈ మూవీ నుంచి ఇంట్రెస్టింగ్ అప్‏డేట్ వినిపిస్తోంది.

ఆర్ఆర్ఆర్ చిత్రయూనిట్ ఉక్రెయిన్ షూట్ పూర్తైన తర్వాత ఇండియాకు వచ్చిన వెంటనే ఫ్యాన్స్‏కు మరో స్పెషల్ ట్రీట్ ఇవ్వబోతున్నారట. ఈ సినిమా నుంచి రెండవ పాటను విడుదల చేయబోతున్నట్లుగా ఫిల్మ్ వర్గాల్లో టాక్ వినిపిస్తోంది. అయితే ఈ పాటలో ఇద్దరు హీరోలు కనిపించరని.. కేవలం రామరాజు, అలియా మధ్య ఉండే పాట మాత్రమే అని సమాచారం. ఇక ఆ తర్వాత తారక్ పై ఉండే పాటను విడుదల చేయనున్నట్లుగా తెలుస్తోంది. అలాగే సినిమా విడుదల సమయంలో ఇద్దరు స్టార్ హీరోలపై ఉండే పాటను రివీల్ చేయాలని భావిస్తున్నాడట జక్కన్న. ఇదిలా ఉంటే.. ఆర్ఆర్ఆర్ చిత్రానికి సంబంధించిన అప్‏డేట్స్‏ను ఇక పై ఎన్టీఆర్ ఇవ్వబోతున్నట్లుగా ఇప్పటికే చిత్రయూనిట్ ప్రకటించిన సంగతి తెలిసిందే.

Also Read: MAA Elections 2021: నటి హేమకు ‘మా’ షాక్.. ఆ ఆరోపణలపై వివరణ ఇవ్వాలని షోకాజ్ నోటీసులు..

samuthirakani: సముద్రఖని డిమాండ్ మాములుగా లేదుగా.. నిర్మాతలకు షాకిస్తున్న విలన్..

Govinda: చార్మినార్ భాగ్యలక్ష్మి అమ్మవారిని దర్శించుకున్న బాలీవుడ్ గోవిందుడు.. సతీమణితో కలిసి ప్రత్యేక పూజలు..