Actor Vishal: ఇళయరాజాపై వివాదాస్పద వ్యాఖ్యలు.. మిస్కిన్‌పై విశాల్ ఫైర్.. క్షమాపణ సరిపోతుందా?

తమిళ్ డైరెక్టర్ మిస్కిన్ ఇటీవల మ్యూజిక్ డైరెక్టర్ ఇళయరాజాపై వివాదాస్పద వ్యాఖ్యలు చేసిన సంగతి తెలిసిందే. బాటిల్ రాధ సినిమా కోసం జరిగిన ఓ కార్యక్రమంలో లెజెండర్ కంపోజర్ సంగీతాన్ని విని చాలా మంది మద్యానికి బానిసలయ్యారని అన్నారు. ఆ తర్వాత తన మాటల పట్ల చింతిస్తున్నానంటూ క్షమాపణలు చెప్పారు. దీంతో మిస్కిన్ వ్యాఖ్యలపై హీరో విశాల్ ఆగ్రహం వ్యక్తం చేశారు. ఒక వ్యక్తి గురించి ఇష్టమొచ్చినట్లు మాట్లాడి ఆ తర్వాత క్షమాపణలు చెప్పడం కొందరికి ఇష్టంగా మారిందంటూ మండిపడ్డారు. ఎంతోమంది సంగీతప్రియులు ఆరాధించే ఇళయరాజా గురించి అలాంటి కామెంట్స్ చేయడం ఏమాత్రం సరికాదని హితవు పలికారు. ఇందుకు సంబంధించి విశాల్ ఓ వీడియో కూడా షేర్ చేశారు.

“ఇష్టానుసారంగా మాటాలు అనేసి ఆ తర్వాత క్షమాపణలు చెప్పడం ఆయనకు పరిపాటిగా మారింది. మన మనసుకు అనిపించిన విషయాన్ని మాట్లాడే స్వేచ్ఛ ప్రతి ఒక్కరికీ ఉంటుంది. కాకపోతే నలుగురిలో ఉన్నప్పుడు, స్టేజ్ పై మాట్లాడేటప్పుడు ఒక పద్దతి ఉంటుంది. ఇళయరాజాను చాలా మంది ఆరాధిస్తుంటారు. అలాంటి వ్యక్తిని అగౌరవపరిచేలా వ్యాఖ్యలు చేయడాన్ని నేను ఏమాత్రం క్షమించను. ఇష్టం వచ్చినట్లు మాట్లాడేసి ఆ తర్వాత రోజు క్షమాపణలు చెబితే మీరు అంగీకరిస్తారా ?” అంటూ ప్రశ్నించారు విశాల్. ఆ తర్వాత నడిగర్ సంఘం తరుపున పద్మ అవార్డులకు ఎంపికైన నటుడు అజిత్, నటి శోభనకు అభినందనలు తెలిపారు. పద్మ పురస్కారాలను అందుకోవడం తనకెంతో సంతోషంగా ఉందని అన్నారు.

విశాల్, డైరెక్టర్ మిస్కిన్ కాంబోలో 2017లో తుప్పరివాలన్‌ సినిమా వచ్చింది. . యాక్షన్‌ థ్రిల్లర్‌గా తెరకెక్కిన ఈ చిత్రం విజయం సాధించింది. అయితే, అభిప్రాయ భేదాల కారణంగా ఇద్దరి మధ్య గొడవలు జరిగినట్లు సమాచారం. ఈ చిత్రంలో వినయ్ రాయ్, ప్రసన్న కూడా ప్రముఖ పాత్రల్లో నటించారు.

ఇది చదవండి :  Tollywood: తస్సాదియ్యా.. గ్లామర్ బ్యూటీలో ఈ టాలెంట్ కూడా ఉందా..? ఎవరో తెలుసా..

Tollywood: 7 సంవత్సరాల్లో 3 పెళ్లిళ్లు చేసుకున్న హీరోయిన్.. ఇప్పటికీ ఒంటరిగానే జీవితం.. ఎవరంటే..

Tollywood: వారెవ్వా.. మెంటలెక్కిస్తోన్న మల్లీశ్వరి చైల్డ్ ఆర్టిస్ట్.. ఎంతగా మారిపోయింది.. ?

Tollywood: ఇండస్ట్రీలోనే అత్యంత ఖరీదైన విడాకులు.. ఆ స్టార్ హీరో భార్యకు ఎంత భరణం ఇచ్చాడంటే..