Actor Suriya : ఎంత మంచి మనసు సర్ మీది.. పిల్లల చదువు కోసం కోట్లు దానం చేసిన సూర్య..

కోలీవుడ్ ఇండస్ట్రీలోని అత్యంత డిమాండ్ ఉన్న హీరోలలో సూర్య ఒకరు. ఇప్పటివరకు ఎన్నో సూపర్ హిట్ చిత్రాల్లో నటించి తనకంటూ మంచి గుర్తింపు తెచ్చుకున్నారు. ఇటీవలే రెట్రో మూవీతో అడియన్స్ ముందుకు వచ్చాడు. డైరెక్టర్ కార్తీక్ సుబ్బరాజ్ దర్శకత్వం వహించిన ఈ చిత్రంలో పూజా హెగ్డే కథానాయికగా నటించింది. ఈ చిత్రాన్ని సూర్య నిర్మాణ సంస్థ, కార్తీక్ సుబ్బరాజ్ నిర్మాణ సంస్థ సంయుక్తంగా నిర్మించాయి. ఈ సినిమా విడుదలైన వారం రోజుల్లోనే రూ.108 కోట్లకు పైగా వసూళ్లు రాబట్టింది. తమిళంతోపాటు తెలుగులోనూ ఈ సినిమాకు మంచి రెస్పాన్స్ వస్తుంది. తాజాగా సూర్య మరోసారి మంచి మనసు చాటుకున్నాడు. ఇప్పుడు తన రెట్రో సినిమాకు వచ్చిన లాభాల నుంచి కొంత మొత్తాన్ని పేద విద్యార్థుల చదువుకు దానం చేశారు.

ప్రస్తుతం బాక్సాఫీస్ వద్ద రెట్రో సినిమాకు మంచి రెస్పాన్స్ వస్తుంది. ఈ క్రమంలోనే తన అగరం ఫౌండేషన్‏కు రెట్రో సినిమా కలెక్షన్స్ నుంచి రూ.10 కోట్లు విరాళంగా ఇచ్చారు. ఈ మేరకు నిర్వాహకులకు స్వయంగా చెక్ అందించారు సూర్య. ఇందుకు సంబంధించిన ఫోటోస్, వీడియోస్ సోషల్ మీడియాలో వైరలవుతుండగా.. సూర్య మంచి మనసుపై ప్రశంసలు కురిపిస్తున్నారు నెటిజన్స్. అగరం ఫౌండేషన్‏ను 2006లో సూర్యనే స్థాపించారు. ఈ ఫౌండేషన్ ద్వారా పేద, అనాథ పిల్లలకు చదివిస్తూ వారికి కావాల్సిన సౌకర్యాలు అందిస్తుంది. ఇప్పటికే ఈ ఫౌండేషన్ ద్వారా చదువుకుని చాలామంది ప్రయోజకులు అయ్యారు.

నిజానికి సూర్య రీల్ హీరో మాత్రమే కాదు.. రియల్ హీరో కూడా. ఇప్పటికే సామాజిక సేవలో ముందుంటారు. అవసరంలో ఉన్నవారికి సహాయం చేయడం నిజ జీవితంలోనూ చేయాలని సూర్య అంటుంటారు. ప్రస్తుతం హిట్టు, ప్లాపులతో సంబంధం లేకుండా వరుస సినిమాలతో అలరిస్తున్నారు సూర్య. ఇటీవలే రెట్రో మూవీతో అడియన్స్ ముందుకు వచ్చారు.

– From The Profit Of #Retro Rs. 10cr goes to #AgaramFoundation For It's Operational & Development Functions. #Suriya ❤️ pic.twitter.com/IVLaYdOJyz

— Movie Tamil (@MovieTamil4) May 7, 2025

ఇవి కూడా చదవండి :  

Mirchi Movie: ఈ హీరోయిన్ ఇంత మారిపోయిందేంటి ?.. మిర్చి మూవీ బ్యూటీ ఫ్యామిలీని చూశారా.. ?

Tollywood: సినిమాలు వదిలేసి వాచ్‏మెన్‏గా మారిన నటుడు.. ఒకప్పుడు స్టార్ హీరోల సినిమాల్లో తోపు యాక్టర్..

Tollywood: సీనియర్ హీరోలతో నటించేందుకు నాకు ఎలాంటి సమస్య లేదు.. హీరోయిన్ ఓపెన్ కామెంట్స్..

Tollywood: ఒకప్పుడు తినడానికి తిండి లేక నీళ్లు తాగి బతికింది.. ఇప్పుడు ఇండస్ట్రీనే షేక్ చేస్తోన్న హీరోయిన్..