Prabhas: డార్లింగ్ ఫ్యాన్స్‌కు పండగలాంటి వార్త.. మారుతి సినిమాకు సంబంధించి ఆసక్తికర విషయాలు లీక్‌..
Prabhas: బాహుబలి చిత్రంతో ఒక్కసారిగా పాన్‌ ఇండియ హీరోగా మారారు ప్రభాస్‌. అప్పటి వరకు తెలుగు ప్రేక్షకులకు డార్లింగ్‌గా ఉన్న ప్రభాస్‌ బాహుబలితో ఇంటర్నేషనల్‌ హీరోగా మారారు...
Prabhas: బాహుబలి చిత్రంతో ఒక్కసారిగా పాన్‌ ఇండియ హీరోగా మారారు ప్రభాస్‌. అప్పటి వరకు తెలుగు ప్రేక్షకులకు డార్లింగ్‌గా ఉన్న ప్రభాస్‌ బాహుబలితో ఇంటర్నేషనల్‌ హీరోగా మారారు. దీంతో ఈ యంగ్‌ రెబల్‌ స్టార్ స్టామినా ఓ రేంజ్‌లో పెరిగిపోయింది. ప్రభాస్‌ నుంచి కొత్త సినిమా వస్తుందంటే చాలు అది ఇండియా వ్యాప్తంగా వార్తగా మారే పరిస్థితి వచ్చింది. బాహుబలి తర్వాత సాహో, రాదేశ్యామ్‌ చిత్రాలతో ఆకట్టుకున్న ప్రభాస్‌ ప్రస్తుతం వరుస సినిమాలను లైన్‌లో పెడుతున్నారు. బ్యాక్‌ టు బ్యాక్‌ సినిమాలను పట్టాలెక్కిస్తూ బిజీ బిజీగా గడిపేస్తున్నారు.
ఇప్పటికే ప్రశాంత్‌ నీల్‌తో సలార్‌, ఓం రౌత్‌తో ఆదిపురుష్‌, సందీప్‌ వంగతో స్పిరిట్‌.. ఇలా మూడు సినిమాలకు గ్రీన్‌ సిగ్నల్‌ ఇచ్చిన డార్లింగ్ తాజాగా మారుతి సినిమాకు కూడా ఓకే చెప్పేశాడు. మొదట్లో ప్రభాస్‌-మారుతి సినిమాపై వచ్చిన వార్తలను ఎవ్వరూ నమ్మలేదు. కానీ తర్వాత వచ్చిన ప్రకటనల నేపథ్యంలో వీరి కాంబినేషన్‌ కాన్ఫామ్‌ అయినట్లు తెలిసింది. ఇందులో భాగంగానే తాజాగా ఈ సినిమా పూజా కార్యక్రమాలతో అధికారికంగా ప్రారంభమైంది. నవంబర్‌ నుంచి సెట్స్‌ మీదికి ఈ సినిమాను తీసుకెళ్లనున్నారు. ఈ నేపథ్యంలో తాజాగా ఈ చిత్రానికి సంబంధించిన పలు ఆసక్తికర విషయాలు ప్రభాస్‌ ఫ్యాన్స్‌ను ఖుషీ చేస్తున్నాయి.
మారుతి దర్శకత్వంలో తెరకెక్కుతోన్న ఈ సినిమా హారర్‌ కామెడీ కథాంశంతో తెరకెక్కించనున్నట్లు సమాచారాం. ప్రభాస్‌ కెరీర్‌లోనే ఇలాంటి నేపథ్యంలో వస్తోన్న తొలి చిత్రం ఇదే కావడం విశేషం. ఇక ఇందులో డార్లింగ్ జోడిగా ఏకంగా నలుగురు హీరోయిన్లు నటించనున్నారనది మరో వార్త. అలాగే ప్రముఖ బాలీవుడ్‌ నటుడు బొమన్‌ ఇరానీ దెయ్యం పాత్రలో నటించనున్నట్లు సమాచారం. ఇక సినిమాలో యాక్షన్ సన్నివేశాలతో పాటు, మారుతి మార్క్‌ కామెడీ కూడా ఉంటుందని చెబుతున్నారు. మరి ఈ వార్తలపై క్లారిటీ రావాలంటే సినిమాకు సంబంధించి అధికారిక ప్రటకన వచ్చే వరకు వేచి చూడాల్సిందే.
