Bigg Boss Telugu 9: అప్పుడేమో రావొద్దని.. ఇప్పుడేమో చిన్న పిల్లాడిలా..అమ్మకిచ్చిన మాటను కల్యాణ్ నెరవేరుస్తాడా?

ప్రస్తుతం తెలుగు బిగ్ బాస్ హౌస్ లో ఫ్యామిలీ వీక్ నడుస్తోంది. కంటెస్టెంట్ల కుటుంబ సభ్యులు ఒక్కొక్కరు హౌస్ లోకి వస్తున్నారు. చాలా రోజుల నుంచి హౌస్ లో ఉంటోన్న తమ వారికి ధైర్యం చెబుతున్నారు. ఇంకా బాగా ఆడాలని సూచిస్తున్నారు. ఎలాగైనా బిగ్ బాస్ కప్పుతో ఇంటికి తిరిగి రావాలని కంటెస్టెంట్స్ తో చెబుతున్నారు. ఇప్పటికే తనూజ, సంజన, భరణి, డిమాన్ పవన్, రీతూ చౌదరి, సుమన్ శెట్టి.. ఇలా పలువురి కంటెస్టెంట్ల కుటుంబ సభ్యులు బిగ్ బాస్ హౌస్ లో సందడి చేశారు. తాజాగా ఈ సీజన్ లో టాప్ కంటెస్టెంట్ గా దూసుకుపోతోన్న పవన్ కల్యాణ్ పడాల ఫ్యామిలీ బిగ్ బాస్ హౌస్ లోకి వచ్చింది. కాగా కొన్ని రోజుల ముందు తన తల్లిదండ్రుల గురించి కల్యాణ్ చేసిన కొన్ని వ్యాఖ్యలు అతనిపై నెగెటివిటీని తెచ్చిపెట్టాయి. తాను అమ్మానాన్న సావాసాన్ని మిస్‌ అయ్యానని ఏడ్చిన కల్యాణ్.. ఫ్యామిలీ వీక్ లో ఎవరినీ హౌస్ లోకి రానీయవద్దన్నాడు. కావాలంటే ఎవరికోసమైనా త్యాగం చేయడానికైనా రెడీ అంటూ కొంచెం పరుషంగా మాట్లాడాడు.

అయితే ఫ్యామిలీ వీక్ లో భాగంగా ఇప్పుడు కల్యాణ్ తల్లి బిగ్ బాస్ హౌస్ లోకి వచ్చింది. అప్పుడు రావొద్దని చెప్పిన ఈ కంటెస్టెంట్ ఇప్పుడు తీరా కళ్ల ముందు తల్లి కనిపించేసరికి చంటిపిల్లాడిలా మారిపోయాడు. అమ్మ కొంగు పట్టుకుని కన్నీరుమున్నీరైపోయాడు. ఈ సందర్భంగా కొడుక్కి ధైర్యం చెప్పిన ఆమె ‘మనసులో ఇంత బాధ పెట్టుకున్నావేంట్రా? ధైర్యంగా ఉండు.. బిగ్ బాస్ కప్పు తీసుకుని ఇంటికి రావాలి ‘ అని మాట తీసుకుంది. అందుకు కల్యాణ్‌ తప్పకుండా నీ కోరిక నెరవేరుస్తానంటూ ఆమె చేతిలో చేయేసి మాటిచ్చాడు. మొత్తానికి కంటెస్టెంట్ల ఫ్యామిలీ మెంబర్స్ రాకతో ప్రస్తుతం బిగ్ బాస్ హౌస్ మొత్తం ఎమోషనల్ గా మారిపోయింది.

ఇవి కూడా చదవండి

మహేష్ బాబు అభిమాని కుటుంబానికి నిర్మాత ఎస్కేఎన్ భారీ ఆర్థిక సాయం

తల్లి కాబోతున్న టాలీవుడ్ హీరోయిన్.. బేబీ బంప్ ఫొటోస్ వైరల్

వెండితెరపై దువ్వాడ శ్రీనివాస్‌-మాధురి.. ఈ వారమే సినిమా రిలీజ్

ఓటీటీలో ఈ క్రైమ్ థ్రిల్లర్ చూశాక భార్యను తిట్టాలంటే భయపడతారు..

బిగ్ బాస్ హౌస్ లో పవన్ కల్యాణ్ పడాల తల్లి.. ఎమోషనల్ వీడియో..

Tears of love and long-awaited hugs… Kalyan’s family enters the Bigg Boss house! 🩷🏡

Watch #BiggBossTelugu9 Mon–Fri 9:30 PM, Sat & Sun 9 PM on #StarMaa & stream 24/7 on #JioHotstar #BiggBossTelugu9 #StreamingNow #StarMaaPromo pic.twitter.com/QlsjSVhumt

— Starmaa (@StarMaa) November 20, 2025

కాగా చిన్న పల్లెటూరు నుంచి ఆర్మీకి… అక్కడ బ్రేక్‌ ఇచ్చి బిగ్‌బాస్‌ హౌస్‌కి వచ్చాడు పవన్ కల్యాణ్ పడాల. తనదైన ఆట, మాట తీరుతో బిగ్ బాస్ టైటిల్ విన్నర్ రేసులో నిలిచాడు.

మరిన్ని సినిమా వార్తల కోసం ఇక్కడ క్లిక్ చేయండి.