Tollywood: తల్లి కాబోతున్న టాలీవుడ్ హీరోయిన్.. బేబీ బంప్ ఫొటోస్ వైరల్.. ఎవరో గుర్తు పట్టారా?

మోడల్ గా కెరీర్ ప్రారంభించిన ఈ ముద్దుగుమ్మ ఆ తర్వాత సినిమా ఇండస్ట్రీలోకి అడుగు పెట్టింది. పలు సినిమాల్లో హీరోయిన్ గా నటించింది. అలాగే బుల్లితెరపై కూడా సందడి చేసింది. కొన్ని నెలల క్రితం ప్రేమ వివాహం చేసుకున్న ఈ అందాల తార ఇప్పుడు తల్లిగా ప్రమోషన్ పొందనుంది.

Bigg Boss Telugu Fame Soniya Akula

Basha Shek |
Updated on: Nov 19, 2025 | 10:03 PM

పై ఫొటోలో బేబీ బంప్ తో కనిపిస్తోన్న దెవరో గుర్తు పట్టారా? ఠక్కున చూస్తే గుర్తుపట్టకపోవచ్చు.. కానీ తీక్షణంగా చూస్తే ఆమె ఎవరో ఈజీగా గుర్తు పట్టవచ్చు. ముఖ్యంగా బిగ్ బాస్ తెలుగు రియాలిటీ షో చూసే వారికి ఈ ముద్దుగుమ్మ బాగా పరిచయం. ఎనిమిదో సీజన్ లో కంటెస్టెంట్ గా అడుగు పెట్టిన ఈ తెలుగమ్మాయి తన ఆట, మాట తీరుతో బుల్లితెర ఆడియెన్స్ ను బాగానే ఆకట్టుకుంది. అంతకు ముందు పలు సినిమాల్లోనూ కథానాయికగా, సహాయక నటిగా చేసింది. సోషల్ మీడియాలోనూ మంచి ఫ్యాన్ ఫాలోయింగ్ ను సొంతం చేసుకుంది. ఇక అసలు విషయానికి వస్తే..ఈ అందాల తార ఇప్పుడు అమ్మగా ప్రమోషన పొందనుంది. గతేడాది తన ప్రియుడితో కలిసి పెళ్లిపీటలెక్కిన ఆమె కొన్ని నెలల క్రితమే గర్భం దాల్చింది. త్వరలోనే ఓ పండంటి బిడ్డకు జన్మనిచ్చేందుకు రెడీ అవుతోన్న ఆ ముద్దుగుమ్మ మరెవరో కాదు సోనియా ఆకుల.

ఇవి కూడా చదవండి

బిగ్ బాస్ తెలుగు రియాలిటీ షోతో మంచి గుర్తింపు తెచ్చుకున్న వారిలో సోనియా ఆకుల ఒకరు. ఎనిమిదో సీజన్ లో కంటెస్టెంట్ గా పార్టిసిపేట్ చేసిందీ అందాల తార. విజేతగా నిలవకపోయినా తన ఆట, మాట తీరుతో మంచి గుర్తింపు తెచ్చుకుంది. బిగ్ బాస్ హౌస్ నుంచి బయటకు రాగానే తన ప్రియుడు యశ్ వీర్ గ్రోనీని తో కలిసి పెళ్లి పీటలెక్కింది సోనియా. ఇప్పుడు తమ ప్రేమ బంధానికి ప్రతీకగా ఒక పండంటి బిడ్డను తమ జీవితంలోకి ఆహ్వానించనున్నారీ లవ్లీ కపుల్. కొన్ని రోజుల క్రితమే గర్భం ధరించిన శుభవార్తను సోషల్ మీడియా వేదికగా షేర్ చేసిందీ బిగ్ బాస్ బ్యూటీ. ఆ తర్వాత సీమంతం కూడా జరగ్గా, ఆ ఫొటోలను కూడా సోషల్ మీడియాలో షేర్ చేసింది. తాజాగా బేబీ బంప్ తో ఉన్న మరిన్ని ఫొటోలు పంచుకుంది సోనియా. ఇప్పుడీ ఫొటోస్ నెట్టింట వైరల్ గా మారాయి.