Bigg Boss 6: గీతూ ప్రవర్తనపై ఆడియన్స్ రియాక్షన్ ఇదే.. హౌస్లో నాగార్జున ‘సుత్తిదెబ్బ’ ఆట..
ఇంకేముందు విజిల్ వేసి మరీ ఆ అబ్బాయిని ఎంకరేజ్ చేసింది గీతూ గలాట. దీంతో దెబ్బెయ్ కూడా రైటా అని అనడంతో అంతా నవ్వేశారు.
బిగ్ బాస్ సీజన్ 6 రసవత్తరంగా సాగుతుంది. శనివారం ఒక్కొక్కరిగా క్లాస్ తీసుకున్న నాగార్జున. ఇక సండే ఫండే అంటూ వచ్చేశారు. అంతేకాదు. హౌస్మేట్స్ ఎవరు ఎలా ఉన్నారో వాళ్ళతోనే చెప్పించారు. కంటెస్టెంట్స్ అందరితో సరదాగా ఎంటర్టైన్ చేశారు నాగ్. సుత్తిదెబ్బ అంటూ సరికొత్త ఆట మొదలు పెట్టారు. ఇందులో ఒక్కొక్కరి గురించి అడుగుతూ.. వారి తలపై సుత్తితో ఓ దెబ్బ కొట్టాలని సూచించారు. ఇందులో మొదటగా.. ఇంట్లో ఫేక్ ఎవరు అడగ్గా.. ఫైమా ఆరోహి ఫేక్ అంటూ తలపై కొట్టేసింది. ఆరోహి ఫేక్ అయితే మాకు అన్ని ఫోటోస్ దొరుకుతాయా అంటూ పంచ్ వేశారు నాగ్. ఇక ఆ తర్వాత నోటి దూల ఎవరికి ఎక్కువ అని అడగ్గా.. ఆది రెడ్డి గీతూ తలపై కొట్టారు. దీంతో ఆడియన్స్ ఓపెనియన్ అడిగారు నాగ్. అయితే ఆడియన్స్ అంతా యస్ అని చెప్పగా.. కేవలం ఒకబ్బాయి మాత్రమే నో అని బోర్డ్ చూపించాడు. దీంతో ఎందుకు నో అంటూ నాగార్జున అడగ్గా.. గీతూ ఏం మాట్లాడిన రైట్ అని చెప్పేశాడు. ఇంకేముందు విజిల్ వేసి మరీ ఆ అబ్బాయిని ఎంకరేజ్ చేసింది గీతూ గలాట. దీంతో దెబ్బెయ్ కూడా రైటా అని అనడంతో అంతా నవ్వేశారు.
ఇక ఆ తర్వాత ఓవర్ డ్రమాటిక్ అంటే నేహా అంటూ నెత్తిపై కొట్టారు రేవంత్. దీంతో ఆడియన్స్ నో అంటూ బోర్డ్ చూపించారు. వెంటనే సుత్తితో రేవంత్ను కొట్టేందుకు నేహా ట్రై చేయగా.. ఇదే ఓవర్ డ్రమాటిక్ అంటే అని సెటైర్ వేశారు నాగార్జున. ఇంట్లో లూజర్ అంటే రేవంత్ అని గీతూ అనగా.. ఆడియన్స్ నో అని చెప్పేశారు. తిండిబోతు అంటే రేవంత్ అని సుదీప చెప్పగా.. కాదు శ్రీసత్య అంటూ మరోసారి ఆడియన్స్ కన్ఫార్మ్ చేశారు. ఇక ఆ తర్వాత కెప్టెన్ ఆదిరెడ్డిని సోలోగా డాన్స్ చేయమంటూ నవ్వులు పూయించారు నాగ్. ఇక లేటేస్ట్ సమాచారం ప్రకారం ఈ వారం నేహ చౌదరీ ఎలిమినేట్ అయినట్లుగా తెలుస్తోంది. ముందు నుంచి ఇనయ ఎలిమినేట్ అయిందంటూ రూమర్స్ రాగా.. చివరి నిమిషంలో నేహా ఎలిమినేట్ అయిందంటూ టాక్ వినిపిస్తోంది.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
