Sridevi Soda Center: ప్రీ రిలీజ్ ఈవెంట్లో అదిరిపోతోన్న ‘శ్రీదేవి సోడా సెంటర్’ సేల్స్.!

Sridevi Soda Center: ప్రీ రిలీజ్ ఈవెంట్లో అదిరిపోతోన్న 'శ్రీదేవి సోడా సెంటర్' సేల్స్.!
Sridevi Soda Center

'శ్రీదేవి సోడా సెంటర్' సినిమా ప్రీరిలీజ్ ఈవెంట్ భాగ్యనగరంలో సందడి సందడిగా సాగుతోంది. కొంచెం సేపటి క్రితం ఈ కార్యక్రమం

Venkata Narayana

|

Aug 21, 2021 | 7:18 PM

Sudheer Babu Sridevi Soda Center Pre Release Event: ‘శ్రీదేవి సోడా సెంటర్’ సినిమా ప్రీరిలీజ్ ఈవెంట్ భాగ్యనగరంలో సందడి సందడిగా సాగుతోంది. కొంచెం సేపటి క్రితం ఈ కార్యక్రమం ప్రారంభమైంది. టాలీవుడ్ నటుడు సుధీర్‌ బాబు హీరోగా నటిస్తున్న తాజా సినిమా ‘శ్రీదేవి సోడా సెంటర్‌’. ‘పలాస 1978’ ఫేమ్‌ కరుణ కుమార్‌ దర్శకత్వం వహిస్తున్న ఈ సినిమాపై మంచి అంచనాలు ఉన్నాయి. టైటిల్ రోల్ ప్లేచేస్తోన్న శ్రీదేవి పాత్రలో తెలుగమ్మాయి ఆనంది నటిస్తోంది.

విజయ్‌ చిల్లా, శశి దేవిరెడ్డి నిర్మిస్తున్న ఈ మూవీని కంప్లీట్ ఫ్యామిలీ ఎంటర్‌టైనర్‌గా రూపొందించారు. ఇటీవల విడుదలైన పాటలు, టీజర్‌ ఆ అంచనాలు మరింత పెంచాయి. ఈ సినిమాను ఈ నెల 27వ తేదీన థియేటర్లకు తీసుకురానున్న నేపథ్యంలో ఇవాళ ప్రీ రిలీజ్ వేడుక ఏర్పాటు చేసి సినిమాని సినీ అభిమానులకు మరింత దగ్గర చేయాలని ఈ ప్రమోషన్ ఈవెంట్ నిర్వహిస్తున్నారు.

సూపర్ స్టార్ మహేష్ బాబు చేతుల మీదుగా ఇప్పటికే ఒక ట్రైలర్ ను రిలీజ్ చేయించిన సంగతి తెలిసిందే. ప్రేమ .. పెళ్లి .. ఈ మధ్యలో పరువు సృష్టించే గొడవలు ఈ ట్రైలర్ లో చూపించారు. దీంతో ఈ సినిమాను కులం, పరువు నేపథ్యంలో తెరకెక్కించినట్లు అర‍్థమవుతుంది. మాస్ కుర్రాడు సూరిబాబుగా సుధీర్ బాబు ఈ మూవీలో కనిపించబోతుండగా, ఆనంది లుక్, మణిశర్మ బ్యాక్ గ్రౌండ్ స్కోర్ సినిమాకి మరింత హైప్ తీసుకొచ్చే అవకాశం కనిపిస్తోంది.

Follow us on

Related Stories

Most Read Stories

Click on your DTH Provider to Add TV9 Telugu