Rang De PreRelease Event : ఈ సినిమా వల్ల మేము ముగ్గురం బెస్ట్ ఫ్రెండ్స్ అయ్యాము..

Rang De : తొలి ప్రేమ’ ఫేమ్‌ వెంకీ అట్లూరీ దర్శకత్వంలో నితిన్ నటించిన చిత్రం రంగ్‌దే. ఇందులో కీర్తి సురేష్ హీరోయిన్‌గా నటించింది. రొమాంటిక్‌ ప్రేమ కథగా తెరకెక్కిన ఈ మూవీని సితార ఎంటర్‌టైన్‌మెంట్స్ నిర్మించింది. రాక్‌స్టార్ దేవీ శ్రీ ప్రసాద్ సంగీతం అందించారు. సితార ఎంటర్‌టైన్‌మెంట్స్‌ పతాకంపై సూర్యదేవర నాగవంశి నిర్మించిన ఈ చిత్రం ఈ నెల 26న విడుదల కానుంది. తాజాగా ఈ సినిమా ప్రీరిలీజ్ ఈవెంట్ జరిగింది. ఈ కార్యక్రమంలో సంగీత దర్శకుడు దేవి శ్రీ మాట్లాడుతూ.. ‘‘వెంకీ అట్లూరి దర్శకత్వం వహించిన ‘తొలిప్రేమ’, ‘మిస్టర్‌ మజ్ను’ చిత్రాలకు నేను సంగీతం అందించాలి. మ్యూజిక్‌ టూర్స్‌లో ఉండడం వల్ల డేట్స్‌ కుదరలేదు. ఈ సినిమా గురించి ఫ్లైట్‌లో కలిసినప్పుడు ఓ గంట కథ చెప్పారు. అలా ‘రంగ్‌ దే’ కుదిరింది. యూత్‌ఫుల్‌గా ఉండే మెచ్యూర్డ్ స్టోరీ ఇది. నితిన్‌ చేసిన సినిమాల్లో డిఫరెంట్‌ సినిమా ఇది’’ అని అన్నారు.

అలాగే దర్శకుడు వెంకీ అట్లూరి మాట్లాడుతూ.. ‘‘నితిన్‌, కీర్తి ఈ కథ అంగీకరిస్తారని అనుకోలేదు. అర్జున్‌, అను పాత్రలకు ప్రాణం పోశారు. మేం ముగ్గురం బెస్ట్‌ ఫ్రెండ్స్‌ అయ్యాం. లాక్‌డౌన్‌లో నిర్మాతలు ఇచ్చిన సపోర్ట్‌ మరచిపోలేనిది. దేవిగారిని ఓ ఫ్యాన్‌గా కలిశా. ఆయన మాత్రం నాకు ఫ్రీడమ్‌ ఇచ్చి కావలసినట్లు సంగీతం ఇచ్చారు. పీసీ శ్రీరామ్‌గారు సినిమా అంగీకరించడం నా అదృష్టం. నటీనటులు, సాంకేతిక నిపుణులు ద బెస్ట్‌ ఇచ్చారు. వెన్నెల కిషోర్‌, అభినవ్‌ కామెడీ చక్కగా పండుతుంది. సినిమా చూసి త్రివిక్రమ్‌గారు ఇచ్చిన సపోర్ట్‌ మరువలేను’’ అని చెప్పుకొచ్చాడు.

మరిన్ని ఇక్కడ చదవండి :

Rang De : ఆ ఇద్దరు నా వెనకున్న అదే నా దైర్యం నా దమ్ము.. రంగ్ దే ప్రీరిలీజ్ ఈవెంట్ లో నితిన్