AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

AP Local Body Elections LIVE Updates: చెదురుమదురు ఘటనలు మినహా మున్సిపల్ ఎన్నికల పోలింగ్ ప్రశాంతం

AP Local Body Polls 2026 Voting Live Updates in Telugu: ఆంధ్రప్రదేశ్‌లో మునిసిపల్‌ ఎన్నికల పోలింగ్‌ చెదురుమదురు ఘటనలు మినహా మున్సిఫల్ ఎన్నికల పోలింగ్ ప్రశాంతంగా ముగిసింది. ఉదయం 7 నుంచి సాయంత్రం 5 గంటల వరకు పోలింగ్ జరిగింది. రాష్ట్రవ్యాప్తంగా మొత్తం 13 కార్పొరేషన్లు, 87 మున్సిపాలిటీల్లో ఎన్నికలు జరుగాయి.. ఉదయం నుంచే పోలింగ్ కేంద్రాలకు తరలివచ్చిన ఓటర్లు తమ ఓటు హక్కును వినియోగించుకున్నారు.

AP Local Body Elections LIVE Updates: చెదురుమదురు ఘటనలు మినహా మున్సిపల్ ఎన్నికల పోలింగ్ ప్రశాంతం
Ap Local Body Elections Live Updates
Balaraju Goud
| Edited By: |

Updated on: Nov 01, 2026 | 10:03 PM

Share

AP Municipal Elections 2026 Polling: ఆంధ్రప్రదేశ్‌లో మునిసిపల్‌ ఎన్నికల పోలింగ్‌ చెదురుమదురు ఘటనలు మినహా మున్సిఫల్ ఎన్నికల పోలింగ్ ప్రశాంతంగా ముగిసింది. ఉదయం 7 నుంచి సాయంత్రం 5 గంటల వరకు పోలింగ్ జరిగింది.  ఇక ఇప్పటివరకు క్యూలైన్‌లో ఉన్నవారికి ఓటువేసే అవకాశం కల్పిస్తున్నట్లు ఎన్నికల అధికారులు తెలిపారు. రాష్ట్రవ్యాప్తంగా మొత్తం 13 కార్పొరేషన్లు, 87 మున్సిపాలిటీల్లో ఎన్నికలు జరుగాయి.. ఉదయం నుంచే పోలింగ్ కేంద్రాలకు తరలివచ్చిన ఓటర్లు తమ ఓటు హక్కును వినియోగించుకున్నారు.

అయితే ఇప్పటికే 118 కార్పొరేటర్లు, 756 కౌన్సిలర్లు ఏకగ్రీవంగా ఎన్నిక కాగా.. ఈ రోజులు 92 చోట్ల పోలింగ్‌ నిర్వహించారు. ఈ పోలింగ్ కోసం మొత్తం 11 వేల 705 పోలింగ్‌ కేంద్రాలను ఏర్పాటు చేశారు.ఈ ఎన్నికల్లో మొత్తం 99 లక్షల 36 వేల 14 మంది ఓటర్లు తమ ఓటు హక్కును వినియోగించుకున్నారు.

ఇక ఎన్నికల విధుల్లో భాగంగా 36 వేల 351 మంది పోలీసు భద్రత చర్యల్లో పాల్గొన్నారు. 4 వేల 372 పోలింగ్ స్టేషన్ల పరిధిలో బందోబస్తు పోలీసులు ప్రత్యేక బందోబస్తును ఏర్పాటు చేశారు. ముఖ్యంగా 671 అత్యంత సమస్యాత్మక కేంద్రాలపై పోలీసులు ప్రత్యేక నిఘా ఉంచారు.

1,233 సమస్యాత్మక కేంద్రాల్లో పోలీసుల మోహరించారు. ఈ కేంద్రాలపై డ్రోన్లు, సీసీ కెమెరాలతో నిరంతర నిఘా పెట్టారు పోలీసులు. ఎన్నికల పర్యవేక్షణ కోసం మొత్తం 1,543 రూట్ మొబైల్ బృందాలు రంగంలోకి దించారు అధికారులు. అలాగే పోలింగ్ ముగిసన తర్వాత ఎలాంటి అవాంచనీయ ఘటనలు చోటుచేసుకోకుండా 111 స్ట్రాంగ్ రూమ్‌ల దగ్గర 4 వేల 655 మంది పోలీసులతో భారీ భద్రతను ఏర్పాటు చేశారు. ఈనెల 2న అవసరమైన చోట రీపోలింగ్ జరిగే ఛాన్స్ కూడా ఉంది. ఇక ఈనెల 3న మున్సిపల్ ఎన్నికల ఓట్ల లెక్కింపు జరగనుంది.

లైవ్‌ అప్‌డేట్స్ ఇక్కడ చూడండి..

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి.

LIVE NEWS & UPDATES

The liveblog has ended.
  • 01 Nov 2026 07:54 PM (IST)

    NTR District Municipal Poll percentage: ప‌ట్టణ స్థానిక సంస్థల పోలింగ్ శాతం

    ఎన్టీఆర్ జిల్లాలోని నాలుగు మున్సిపాలిటీలలో పోలింగ్ శాతం ఫైనల్ రిపోర్టు

    కొండపల్లి : 72.09%

    తిరువూరు : 73.81%

    నందిగామ : 72.67%

    జగ్గయ్యపేట : 72.92%

    విజయవాడ 55 వార్డుకు సంబంధించి పోలింగ్ ఏడున్నర గంటల వరకు కొనసాగనున్నది. ఫైనల్ రిపోర్టుకు మరికొద్ది సమయం పడుతుంది .

  • 01 Nov 2026 07:47 PM (IST)

    Chittoor Municipal Poll percentage: చిత్తూరులో 54.2 శాతం ఓటింగ్

    చిత్తూరు జిల్లాలో సాయంత్రం 5 గంటలకు పోలింగ్ ముగిసే సమయానికి ఇలా ఉన్నాయి..

    చిత్తూరు – 54.2

    నగరి – 78.79

    కుప్పం – 75.38

    పలమనేరు – 72.90

    పుంగనూరు – 63.47

  • 01 Nov 2026 07:30 PM (IST)

    ఏపీలో పోలింగ్ ప్రశాంతం.. 20 జిల్లాల్లో 41 ఘటనలు: డీజీపీ

    అమరావతి: ఆంధ్రప్రదేశ్‌లో పట్టణ స్థానిక సంస్థల ఎన్నికల పోలింగ్ ప్రశాంతంగా ముగిసిందని డీజీపీ ప్రకటించారు. రాష్ట్రవ్యాప్తంగా 13 కార్పొరేషన్లు, 79 మున్సిపాలిటీలు, నగర పంచాయతీలతో కలిపి మొత్తం 92 పట్టణ స్థానిక సంస్థల్లో పోలింగ్ పూర్తయిందని తెలిపారు. 20 జిల్లాల్లో 41 ఘటనలు చోటుచేసుకున్నాయని, చిన్నపాటి వివాదాలు, చెదురుమదురు ఘటనలతో స్వల్ప ఉద్రిక్తతలు ఏర్పడినా పోలీసులు వెంటనే అదుపులోకి తీసుకొచ్చారని వెల్లడించారు. సమస్యాత్మక పోలింగ్ కేంద్రాల వద్ద ప్రత్యేక భద్రత ఏర్పాటు చేశామని, సోషల్ మీడియాపై నిఘా పెట్టామని చెప్పారు. డ్రోన్లు, సీసీ కెమెరాలు, బాడీ వోర్న్ కెమెరాలు, సమర్థ యాప్ ద్వారా పోలింగ్‌ను పర్యవేక్షించినట్లు తెలిపారు. ప్రతి ఫిర్యాదుపై తక్షణమే స్పందించామని పేర్కొన్నారు. ప్రస్తుతం బ్యాలెట్ బాక్సులను పటిష్ట పోలీసు భద్రత మధ్య స్ట్రాంగ్ రూమ్‌లకు తరలిస్తున్నామని, అక్కడ నిరంతర నిఘా ఏర్పాటు చేశామని డీజీపీ స్పష్టం చేశారు.

  • 01 Nov 2026 07:12 PM (IST)

    Vijayawada Municipal Poll: 79వ డివిజన్ సింగినగర్‌లో గందరగోళం

    విజయవాడ మున్సిపల్ కార్పొరేషన్ పరిధిలోని 79వ డివిజన్ సింగినగర్‌లో గందరగోళం నెలకొంది. బూదాల ఆదాం కళ్యాణ మండపం పోలింగ్ బూత్‌లో మేయర్ అభ్యర్థి ఓటు పత్రాలు మాత్రమే ఇచ్చి.. కార్పొరేటర్ అభ్యర్థుల బ్యాలెట్ పేపర్ ఓటర్లకు ఇవ్వలేదంటూ వైసీపీ నేతలు ఆందోళనకు దిగారు. పోలింగ్ బూత్ వద్దకు చేరుకున్న మాజీ ఎమ్మెల్యే మల్లాది విష్ణు.

  • 01 Nov 2026 07:04 PM (IST)

    Sathenapalli Municipal: వైసీపీ అభ్యర్థి కుమారుడి కిడ్నాప్ కలకలం..!

    సత్తెనపల్లి 12వార్డు వైసీపీ అభ్యర్ధి పెద్దింటి గోవిందమ్మ కుమారుడు చందు కిడ్నాప్ కలకలం ..

    చందును కిడ్నాప్ చేశారని తల్లి గోవిందమ్మ ఆరోపణ..

    హోలీ ఫ్యామిలీ స్కూల్ దగ్గర నుంచి చందు ను తీసుకుని వెళ్లారన్న గోవిందమ్మ.

    నలుగురు మాస్కులు దరించి వచ్చారని తెలిపిన వైసీపీ అభ్యర్ధి గోవిందమ్మ.

    తన భర్తని కూడా రాత్రి పోలీసులు అదుపులోకి తీసుకున్నారని ఆరోపించిన గోవిందమ్మ

  • 01 Nov 2026 07:01 PM (IST)

    Vijayawada Municipal Poll: 55వ డివిజన్‌లో కొనసాగుతున్న పోలింగ్..!

    విజయవాడ: నగరంలోని 55వ డివిజన్‌లో మున్సిపల్ ఎన్నికల పోలింగ్ కొనసాగుతోంది. నిర్ణీత సమయం కంటే ఆలస్యంగా పోలింగ్ ప్రారంభం కావడంతో ఎన్నికల అధికారులు పోలింగ్ సమయాన్ని పొడిగించారు. ఈ నేపథ్యంలో జిల్లా కలెక్టర్ స్వయంగా పోలింగ్ కేంద్రాన్ని సందర్శించి ఎన్నికల ప్రక్రియను పరిశీలించారు. అక్కడి ఏర్పాట్లు, ఓటింగ్ సరళి, భద్రతా చర్యలపై అధికారులను వివరాలు అడిగి తెలుసుకున్నారు. పోలింగ్ సజావుగా జరిగేలా అవసరమైన చర్యలు తీసుకోవాలని సిబ్బందికి సూచించారు. ఓటర్లు తమ ఓటు హక్కును వినియోగించుకునేందుకు అధికారులు ఏర్పాట్లు కొనసాగిస్తున్నారు. 55వ డివిజన్‌లో పోలింగ్ ముగిసే వరకు పరిస్థితిని అధికారులు పర్యవేక్షిస్తున్నారు.

  • 01 Nov 2026 06:03 PM (IST)

    ఏపీలో మున్సిపల్ పోలింగ్‌పై ఎస్ఈసీ కీలక ప్రకటన..!

    విజయవాడ: ఆంధ్రప్రదేశ్‌లో మున్సిపల్ ఎన్నికల పోలింగ్‌పై రాష్ట్ర ఎన్నికల కమిషనర్ అనిల్ చంద్ర పునేఠ కీలక వివరాలు వెల్లడించారు. పోలింగ్ ముగిసే సమయానికి చిన్నచిన్న ఫిర్యాదులు మినహా ఎక్కడా పెద్దగా గొడవలు జరిగినట్లు సమాచారం లేదన్నారు. విజయవాడ 55వ వార్డులో ఆలస్యంగా పోలింగ్ ప్రారంభం కావడంతో రాత్రి 7.30 గంటల వరకు ఓటింగ్ కొనసాగుతుందని తెలిపారు.

    మధ్యాహ్నం 3 గంటల వరకు రాష్ట్రవ్యాప్తంగా 48.03 శాతం పోలింగ్ నమోదైందని వెల్లడించారు. పూర్తి వివరాలు అందిన తర్వాత తుది పోలింగ్ శాతాన్ని ప్రకటిస్తామని చెప్పారు. గత ఎన్నికల్లో 63.3 శాతం పోలింగ్ నమోదైందని గుర్తుచేశారు. కడప, అనంతపురం జిల్లాల్లో పోలింగ్ శాతం పెరగడంపై కలెక్టర్లు పరిశీలిస్తున్నారని తెలిపారు. పల్నాడు, అనంతపురం జిల్లాల నుంచి ఫిర్యాదులు అందాయని, వాటిపై నివేదికలు తెప్పిస్తామన్నారు. పులివెందుల ఘటనపై కలెక్టర్ నివేదిక అందిన తర్వాత చర్యలు తీసుకుంటామని, జమ్మలమడుగు ఘటనపైనా నివేదిక కోరినట్లు రాష్ట్ర ఎన్నికల కమిషనర్ అనిల్ చంద్ర పునేఠ తెలిపారు.

  • 01 Nov 2026 05:02 PM (IST)

    ప్రశాంతంగా ముగిసిన మున్సిపల్ ఎన్నికల పోలింగ్

    ఆంధ్రప్రదేశ్: రాష్ట్రవ్యాప్తంగా మున్సిపల్ ఎన్నికల పోలింగ్ చెదురుమదురు ఘటనలు మినహా ప్రశాంతంగా ముగిసింది. ఉదయం 7 గంటల నుంచి సాయంత్రం 5 గంటల వరకు పోలింగ్ ప్రక్రియ కొనసాగింది. రాష్ట్రంలోని 13 మున్సిపల్ కార్పొరేషన్లు, 87 మున్సిపాలిటీల్లో ఎన్నికలు నిర్వహించారు. ఉదయం నుంచే ఓటర్లు పెద్ద సంఖ్యలో పోలింగ్ కేంద్రాలకు చేరుకుని తమ ఓటు హక్కును వినియోగించుకున్నారు. ఎక్కడా పెద్దగా అవాంఛనీయ సంఘటనలు చోటుచేసుకోకుండా అధికారులు, పోలీసులు బందోబస్తు ఏర్పాటు చేశారు. కొన్ని ప్రాంతాల్లో స్వల్ప ఉద్రిక్తతలు, చెదురుమదురు ఘటనలు చోటుచేసుకున్నప్పటికీ వెంటనే పరిస్థితిని అదుపులోకి తీసుకొచ్చారు. మొత్తంగా రాష్ట్రవ్యాప్తంగా పోలింగ్ ప్రక్రియ ముగిసింది. నవంబర్ 3వ తేదీన నిర్వహించే ఎన్నికల ఫలితాలపై రాజకీయ పార్టీల్లో ఉత్కంఠ నెలకొంది.

  • 01 Nov 2026 04:52 PM (IST)

    ఒంగోలులో టీడీపీ, వైసీపీ కార్యకర్తల మధ్య ఘర్షణ

    ఒంగోలులోని సెయింట్ జేవీఆర్ స్కూల్ పోలింగ్ కేంద్రం వద్ద ఉద్రిక్తత చోటుచేసుకుంది. టీడీపీ, వైసీపీ వర్గీయుల మధ్య తీవ్ర వాగ్వాదం ఘర్షణకు దారితీసింది. టీడీపీ శ్రేణులు దొంగ ఓట్లు వేస్తుండగా తాము పట్టుకున్నందుకే ఘర్షణకు దిగారని వైసీపీ నాయకులు ఆరోపిస్తున్నారు. ఈ క్రమంలో పోలింగ్ కేంద్రం వద్ద విధుల్లో ఉన్న పోలీసులతోనూ ఇరువర్గాల వారు వాగ్వాదానికి దిగి పరస్పరం దాడి చేసుకున్నారు. పరిస్థితి ఉద్రిక్తంగా మారడంతో పోలీసులు రంగంలోకి దిగి ఇరువర్గాలను చెదరగొట్టారు.

  • 01 Nov 2026 04:34 PM (IST)

    ఎన్నికల పోలింగ్‌లో పెళ్లి కూతురు సందడి

    పార్వతీపురం మన్యం జిల్లా పాలకొండ నగర పంచాయతీ ఎన్నికల పోలింగ్‌లో పెళ్లి కూతురు సందడి చేసింది. పాలకొండ షిరిడి సాయి నగర్ లో నివసించే యువనశ్రీ దుర్గకు డిసెంబర్ 12న బెంగుళూరులో వివాహం జరగనుంది. ఈ నేపద్యంలో పాలకొండలోని ఆమె నివాసం వద్ద ఈరోజు ఆమె కుటుంబ సభ్యులు పసుపు ముహూర్తం కార్యక్రమం నిర్వహించారు. ముత్తైదువులు, బంధువులు సమక్షంలో ఇంటి వద్ద ఆమెను పెళ్లి కూతురును చేశారు. అయితే అదే రోజు పాలకొండ నగర పంచాయతీ ఎన్నికల పోలింగ్ జరుగుతుండటంతో ఇంటివద్ద అంత సందడి లోను యువనశ్రీ దుర్గా తన ఓటు హక్కును వినియోగించుకోవడం మరిచిపోలేదు. పాలకొండ N.K. రాజపురం ప్రభుత్వ పాఠశాల వద్ద ఉన్న పోలింగ్ కేంద్రానికి వెళ్లి ఓటు వేసి అందరికీ ఆదర్శంగా నిలిచింది. యువనశ్రీ రెండవ సారి తన ఓటు హక్కును వినియోగించుకుంది.

  • 01 Nov 2026 04:31 PM (IST)

    జగన్ ముందుగానే ల్యాండ్ అయ్యారు.. భద్రత కల్పించాం: కడప ఎస్పీ

    కడప: మాజీ సీఎం వైఎస్ జగన్ ల్యాండింగ్ షెడ్యూల్ మధ్యాహ్నం 12:50 గంటలకు ఉందని, అయితే ఉదయం 9:45 గంటలకే ఆయన ల్యాండ్ అయ్యారని కడప జిల్లా ఎస్పీ విశ్వనాథ్ తెలిపారు. మాజీ సీఎం కావడంతో అప్పటికప్పుడు భద్రత కల్పించామని చెప్పారు. పోలింగ్ విషయంలో ఎలాంటి ఇబ్బందులు లేవని, చిన్నపాటి ఘటనలు జరిగినా వెంటనే పరిష్కరించామని స్పష్టం చేశారు.

  • 01 Nov 2026 04:30 PM (IST)

    దశాబ్దాల తర్వాత ప్రజలు స్వేచ్ఛగా, పండుగలా ఓటు: మంత్రి పయ్యావుల కేశవ్

    అమరావతి: రాష్ట్రవ్యాప్తంగా ఎన్నికలు ప్రశాంతంగా జరుగుతున్నాయని మంత్రి పయ్యావుల కేశవ్ అన్నారు. పులివెందులలో దశాబ్దాల తర్వాత ప్రజలు స్వేచ్ఛగా, పండుగలా ఓటు హక్కు వినియోగించుకున్నారని పేర్కొన్నారు. రాజకీయ డ్రామా కోసమే జగన్ జాతీయ మీడియాను తీసుకొచ్చారని విమర్శించారు. జగన్ చొక్కా మడత పెడతానంటే ప్రజలు ఆయన కుర్చీ మడత పెట్టారని వ్యాఖ్యానించారు. స్థానిక ఎన్నికల్లో వైసీపీకి ప్రజలు గుణపాఠం చెబుతారని అన్నారు.

  • 01 Nov 2026 04:19 PM (IST)

    Kadapa Munbicipal Poll: కడపలో ఎన్నికలు ప్రశాంతం.. జగన్ పర్యటనపై కలెక్టర్ శ్రీధర్ వివరణ

    కడప: జిల్లాలో ఎన్నికల పోలింగ్ ప్రశాంతంగా జరుగుతోందని కలెక్టర్ చెరుకూరి శ్రీధర్ తెలిపారు. మాజీ సీఎం వైఎస్ జగన్ పర్యటనకు సంబంధించి ఉదయం 10 గంటలకు అకస్మాత్తుగా సమాచారం వచ్చిందని, ముందుగా మధ్యాహ్నం ఒంటిగంటకు వస్తారని తెలిపిన నేపథ్యంలో అనుమతి ఇచ్చామని వెల్లడించారు. అయితే జగన్ ముందుగానే వచ్చారని పేర్కొన్నారు.

    పులివెందులలో ఉదయం 7 గంటలకే పోలింగ్ ప్రారంభమైందని, వైసీపీకి చెందిన 47 మంది పోలింగ్ ఏజెంట్లు విధుల్లో ఉన్నారని తెలిపారు. ఉదయం 11 గంటల సమయంలో ధర్నాల్లో పాల్గొనాలనే సమాచారం రావడంతో వారే బయటకు వెళ్లినట్లు తమకు సమాచారం ఉందన్నారు. బలవంతంగా ఏజెంట్లను బయటకు పంపించినట్లు ఎలాంటి ఆధారాలు నమోదు కాలేదని స్పష్టం చేశారు. కడప జిల్లాలో చిన్న చిన్న సంఘటనలు మినహా ఎలాంటి ఇబ్బందులు తలెత్తలేదని, ఎన్నికలు ప్రశాంతంగా జరుగుతున్నాయని కలెక్టర్ వెల్లడించారు. ఇప్పటివరకు పోలింగ్‌కు సంబంధించి 100 ఫిర్యాదులు, పిటిషన్లు అందగా వాటిని వెంటనే పరిష్కరించినట్లు తెలిపారు.

  • 01 Nov 2026 04:15 PM (IST)

    Tirupati Poll Percentage: 3 గంటల వరకు తిరుపతి జిల్లాలో పోల్ పర్సెంటేజ్ ఎంతంటే..

    మొత్తం తిరుపతి జిల్లాలోని తిరుపతి మేయర్ తో పాటు మిగతా నాలుగు మున్సిపాలిటీలో 47.71 శాతం నమోదైన పోలింగ్

    తిరుపతి – 42.12 పుత్తూరు – 64.66 సూళ్లూరుపేట – 53.37 నాయుడుపేట – 59.36 వెంకటగిరి – 54.77

  • 01 Nov 2026 04:13 PM (IST)

    Kadapa Election: కడప జిల్లా కలెక్టర్‌ను కలిసిన వైసీపీ నేతలు

    కడప జిల్లా కలెక్టర్‌ను కలిసిన వైసీపీ జిల్లా అధ్యక్షులు రవీంద్రనాథ్ రెడ్డి, మాజీ డిప్యూటీ సీఎం అంజాద్ భాష, మేయర్ అభ్యర్థి బండి దీప్తి

    కార్పొరేషన్ ఎన్నికల పోలింగ్ సందర్భంగా అక్రమాలు, రిగ్గింగ్, అవకతవకలు జరిగాయని ఫిర్యాదు

    ఎన్నికల అక్రమాలపై సమగ్ర విచారణ చేపట్టి కేంద్ర బలగాలతో రీ పోలింగ్ నిర్వహించాలని డిమాండ్

  • 01 Nov 2026 03:47 PM (IST)

    Kakinada Election Poll Percentage: కాకినాడ జిల్లాలో 59.34 శాతం పోలింగ్

    కాకినాడ జిల్లాలో ఐదు పురపాలక సంఘాలు, ఒక నగర పంచాయతీ పోలింగ్ సంబంధించి 3.00 గంటలకు నమోదైన పోలింగ్ శాతాల వివరాలు మున్సిపాలిటీ వారీగా:

    పిఠాపురం – 63.16

    గొల్లప్రోలు – 63.55

    పెద్దాపురం – 57.02,

    సామర్లకోట – 58.00

    తుని – 55.95

    ఏలేశ్వరం – 61.22,

  • 01 Nov 2026 03:37 PM (IST)

    పల్లెలతో పోలిస్తే పట్టణ ఓటింగ్ మెరుగు

    ఏపీ మున్సిపల్ ఎన్నికల్లో మధ్యాహ్నం 3 గంటల వరకు 48.03 శాతం పోలింగ్

    రాష్ట్రవ్యాప్తంగా 92 పట్టణ స్థానిక సంస్థల్లో 48.03 శాతం ఓటింగ్ నమోదు

    మొత్తం 96.89 లక్షల మంది ఓటర్లకు గాను 46.54 లక్షల మంది ఓటు హక్కు వినియోగం

    పట్టణ స్థానిక సంస్థల్లో 3,453 వార్డులకు జరుగుతున్న ఎన్నికలు

    మధ్యాహ్నం 3 గంటల వరకు అత్యధికంగా కర్నూలు జిల్లా గూడూరు మున్సిపాలిటీలో 73.96 శాతం పోలింగ్

    చీమకుర్తిలో 73.64 శాతం, కనిగిరిలో 73.20 శాతం పోలింగ్ నమోదు

    నగరిలో 71.78 శాతం, బద్వేల్‌లో 71.52 శాతం పోలింగ్

    జమ్మలమడుగులో 69.57 శాతం, కుప్పంలో 68.96 శాతం పోలింగ్

    అత్యల్పంగా విశాఖ జీవీఎంసీలో 39.72 శాతం పోలింగ్

    అడోనిలో 40.11 శాతం, నెల్లూరులో 40.91 శాతం పోలింగ్

    గుంటూరు నగరంలో 40.99 శాతం, కడపలో 41.21 శాతం పోలింగ్

    విజయవాడలో 41.80 శాతం, తిరుపతిలో 42.12 శాతం పోలింగ్

    కర్నూలు నగరంలో 42.40 శాతం, ఏలూరులో 43.84 శాతం పోలింగ్

    విశాఖ, విజయవాడ, గుంటూరు, నెల్లూరు వంటి ప్రధాన నగరాల్లో 3 గంటలకూ 50 శాతం లోపే పోలింగ్

    పల్లెలతో పోలిస్తే పట్టణ ఓటింగ్ సరళిపై ఆసక్తికర చర్చ

    మరో రెండు గంటల పోలింగ్ సమయం ఉండటంతో పెరగనున్న ఓటింగ్ శాతం

  • 01 Nov 2026 03:13 PM (IST)

    Itchapuram Municipality: మందకొడిగా పోలింగ్.. 39.89 శాతం నమోదు

    శ్రీకాకుళం జిల్లా ఇచ్చాపురంలో మున్సిపల్ ఎన్నికల పోలింగ్ ప్రశాంత వాతావరణంలో కొనసాగుతున్నాయి. ఇక్కడ చైర్ పర్సన్ స్థానానికి టీడీపీ అభ్యర్థి ఆశి లీలారాణి, YCP అభ్యర్థి పిలక రాజ్యలక్ష్మి బరిలో ఉన్నారు. ఇచ్చాపురంలో 28 వార్డులు ఉండగా అందులో 24వ వార్డు ఏకగ్రీవంగా కైవసం చేసుకుంది. మిగిలిన 27 వార్డులకు, చైర్ పర్సన్ స్థానానికి పోలింగ్ జరుగుతోంది. మధ్యాహ్నం 1.00 గంటల వరకు ఇచ్చాపురం మున్సిపాలిటీలో 39.89 శాతం ఓట్లు పోలయ్యాయి. ఇచ్చాపురం MLA బెందాలం అశోక్ మున్సిపాల్టీ పరిధిలో పర్యటిస్తూ పోలింగ్ సరళిని పరిశీలించారు.

  • 01 Nov 2026 03:10 PM (IST)

    Palakonda: నగర పంచాయతీ ఎన్నికల పోలింగ్ ప్రశాంతం

    ఉమ్మడి శ్రీకాకుళం జిల్లాలోని పాలకొండ నగర పంచాయతీ ఎన్నికల పోలింగ్ ప్రశాంతంగా కొనసాగుతోంది. ఇక్కడ చైర్ పర్సన్ రేసులో టీడీపీ , YCP, ఇండిపెండెంట్ అభ్యర్థి ఒకరు పోటీలో ఉన్నారు.23,466 మంది ఓటర్లు తమ ఓటు హక్కును వినియోగించుకుంటున్నారు. 28వార్డులకు గాను 19వ వార్డు కౌన్సిలర్ స్థానం జనసేనకు ఏకగ్రీవం కావడoతో మిగిలిన కౌన్సిలర్ స్థానాలకు, చైర్ పర్సన్ స్థానానికి పోలింగ్ జరుగుతోంది. మధ్యాహ్నం 1గంట సమయానికి 44.46 శాతం పోలింగ్ నమోదు అయింది. పాలకొండ జనసేన MLA నిమ్మక జయకృష్ణ, టీడీపీ MLC గ్రీష్మ, నియోజకవర్గ టీడీపీ ఇంచార్జి పడాల భూదేవి పాలకొండలో పోలింగ్ స్టేషన్ లను సందర్శించి పోలింగ్ సరళిని పరిశీలించారు. పార్వతీపురం మన్యం జిల్లా SP మాధవ రెడ్డి పాలకొండలో పర్యటించారు. పోలీస్ బందోబస్తును పరిశీలించారు.

  • 01 Nov 2026 03:08 PM (IST)

    రీపోలింగ్ నిర్వహించాలని వైఎస్ జగన్ డిమాండ్

    కడపలో TV9తో వైసీపీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి మాట్లాడారు. రాష్ట్రంలో ప్రజాస్వామ్యం అపహాస్యం అవుతోందని ఆగ్రహం వ్యక్తం చేశారు. 70 మంది బూత్ ఏజెంట్లు పోలింగ్ కేంద్రాలకు వెళ్లలేని పరిస్థితి ఉంటే ఎన్నికలు ఎలా నిర్వహిస్తారని ప్రశ్నించారు. పోలీసులను అడ్డుపెట్టుకుని దౌర్జన్యాలకు పాల్పడితే ఎన్నికల ప్రక్రియకు అర్థం ఏముంటుందని నిలదీశారు. ఎన్నికల్లో జరిగిన అక్రమాలు, దాడులపై రీపోలింగ్ నిర్వహించాలని డిమాండ్ చేశారు. ఈ విషయాన్ని ఎస్ఈసీ, ఎస్పీ, కలెక్టర్ దృష్టికి తీసుకెళ్లామని తెలిపారు. జరిగిన ఘటనలపై సుప్రీంకోర్టును ఆశ్రయిస్తామని స్పష్టం చేశారు. ఎస్ఈసీని లాఫింగ్ స్టాక్‌గా మార్చారని విమర్శించారు. తాము అధికారంలోకి వచ్చిన వెంటనే ఈ ఘటనలపై కమిషన్ ఏర్పాటు చేసి విచారణ జరిపిస్తామని, తప్పు చేసిన వారికి శిక్షలు పడేలా చూస్తామని జగన్ హెచ్చరించారు.

  • 01 Nov 2026 03:03 PM (IST)

    Emmiganur Municipality: 10 వ వార్డులో ఉద్రిక్తత

    కర్నూలు జిల్లా ఎమ్మిగనూరు 10 వ వార్డులో ఉద్రిక్తత

    వైసీపీ రెబల్, టీడీపీ అభ్యర్థుల మధ్య ఘర్షణ

    ఒకరిపై ఒకరు పరస్పర దాడులు.

    లాఠీ ఛార్జ్ చేసిన పోలీసులు.

    భయంతో పోలింగ్ కేంద్రాలకు నుండి బయటకు పరుగులు తీసిన ఓటర్లు

    ప్రెవేట్ వ్యక్తులు పోలింగ్ కేంద్రాల దగ్గర రావడంతో చెలరేగిన వివాదం.

  • 01 Nov 2026 03:01 PM (IST)

    Guntur: టీడీపీ వైసీపీ శ్రేణుల బాహాబాహీ

    గుంటూరు మున్సిపల్ కార్పొరేషన్ పరిధిలోని ఇరువర్గాల ఘర్షణ

    లిటిల్ ఫ్లవర్ స్కూల్ పోలింగ్ బూత్ వద్ద కొట్టుకున్న టీడీపీ వైసీపీ శ్రేణులు.

    బ్యాలెట్ పత్రాలు నెట్టివేశారంటూ ఒకరిపై మరొకరు ఆరోపణ

    స్కూల్ గేట్ వద్ద ఇరువర్గాల బాహాబాహీ

    ఇరు వర్గాల వారిని చెదరగొట్టిన పోలీసులు

  • 01 Nov 2026 02:56 PM (IST)

    విజయవాడ నగరంలో ఊపందుకున్న పోలింగ్

    విజయవాడ నగరం పరిధిలోని పోలింగ్ స్టేషన్లలో భారీ క్యూ లైన్స్.

    నగరంలో మధ్యాహ్నం వరకు కేవలం 30 శాతం పోలింగ్ నమోదు ..

    మధ్యాహ్నం నుండి పోలింగ్ స్టేషన్లకు పెరిగిన ఓటర్లు.

    ఒక్క 55 వ డివిజన్ మినహా అన్ని చోట్ల 5 గంటల వరకు పోలింగ్

    55 డివిజన్ మాత్రం 7:30 వరకు కొనసాగనున్న పోలింగ్

  • 01 Nov 2026 02:54 PM (IST)

    నంద్యాల జిల్లాలో మాజీ మంత్రి బుగ్గన సంచలన వ్యాఖ్యలు

    డోన్‌లో మున్సిపల్ ఎన్నికలను బహిష్కరించినామన్న బుగ్గన రాజేందర్

    దొంగ ఓట్లు రిగ్గింగ్‌తో ప్రజాస్వామ్యం ఖూనీ అయింది: బుగ్గన

    మునిసిపల్ పరిధిలోని అన్ని బూతుల్లో రీపోలింగ్ జరిపించాలన్న బుగ్గన

    డోన్ ఎన్నికల్లో జరిగిన సంఘటనలను ఆధారాలతో సహా న్యాయస్థానాన్ని ఆశ్రయిస్తాం: మాజీ మంత్రి బుగ్గన

  • 01 Nov 2026 02:52 PM (IST)

    Anantapur: లక్ష్మీనగర్‌లో వైసీపీ, టీడీపీ నేతల పరస్పర దాడులు

    అనంతపురం మునిసిపల్ కార్పొరేషన్ పరిధిలోని లక్ష్మీనగర్‌లో వైసీపీ, టీడీపీ నేతల పరస్పర దాడులు.

    పోలింగ్ బూత్‌లో దొంగ ఓట్లు వేసేందుకు వచ్చినవారిని బయటకు పంపించిన టీడీపీ ఏజెంట్

    ఓటు వేయడానికి పోలింగ్ కేంద్రంలోకి పంపించాలని పట్టుబట్టిన వైసీపీ

    దీంతో టీడీపీ – వైసీపీ నాయకుల మధ్య వాగ్వాదం, తోపులాట

    లాఠీ ఛార్జ్ చేసి ఇరు వర్గీయులను చెదరగొట్టిన పోలీసులు

  • 01 Nov 2026 02:48 PM (IST)

    కూటమి పార్టీల ముఖ్యనేతలతో సీఎం చంద్రబాబు టెలీకాన్ఫరెన్స్

    స్థానిక ఎన్నికలు జరుగుతున్న తీరు.. పోలింగ్ సరళిపై నేతలతో టెలీకాన్ఫరెన్స్ ద్వారా మాట్లాడిన ముఖ్యమంత్రి చంద్రబాబు. రాష్ట్ర వ్యాప్తంగా ప్రశాంతంగా స్థానిక సంస్థల ఎన్నికలు జరుగుతున్నాయి. గతంలో జరిగిన ఏ స్థానిక సంస్థల ఎన్నికల్లోనూ ఇంతటి స్పూర్తి కన్పించలేదన్న ముఖ్యమంత్రి చంద్రబాబు. కొన్ని మున్సిపాల్టీల్లో ప్రజలు ఓట్లు వేసేందుకు బారులు తీరి ఓటు హక్కు వినియోగించుకుంటున్నారు. కొన్ని ప్రాంతాల్లో మాత్రం తక్కువ పోలింగ్ నమోదైంది. ఓటర్లందరూ పోలింగ్ కేంద్రాలకు వచ్చేలా చూడాలి. కొంత మంది వృద్ధులు, వికలాంగులు పోలింగ్ కేంద్రాలకు వెళ్లలేకపోవచ్చు. అలాంటి వారిని పోలింగ్ కేంద్రాలకు వచ్చేలా సమన్వయం చేసుకోవాలని ముఖ్యమంత్రి కూటమి పార్టీ నేతలకు సూచించారు. ఎన్నికల నిబంధనలను పాటిస్తూనే పోలింగ్ శాతం పెరిగేలా చూడాలని పిలుపునిచ్చారు. ఎక్కడైనా అవాంఛనీయ సంఘటనలు చోటు చేసుకుంటే వెంటనే ఎన్నికల అధికారులు, పోలీసుల దృష్టికి తీసుకెళ్లాలన్నారు. ప్రత్యర్థులు రెచ్చగొట్టేలా కుట్ర కోణంలో వ్యవహరిస్తారు… కూటమి శ్రేణులు సంయమనం పాటించాలని సీఎం చంద్రబాబు అన్నారు.

  • 01 Nov 2026 02:44 PM (IST)

    Nelore: ప్రశాంత వాతావరణంలో పోలింగ్: కలెక్టర్

    ➖ నెల్లూరు నగరంలో పోలింగ్ కేంద్రాలను పరిశీలించిన కలెక్టర్ హిమాన్షు శుక్ల

    ➖ ఓటర్లు నిర్భయంగా తమ ఓటు హక్కును వినియోగించుకోవాలి: జిల్లా కలెక్టర్ హిమాన్షు శుక్ల

    ➖ ప్రశాంత వాతావరణంలో మున్సిపల్ ఎన్నికల పోలింగ్

    ➖ సాయంత్రం 5 గంటల వరకు ఓటు వేసేందుకు అవకాశం

    ➖ కౌంటింగ్ కేంద్రం వద్ద పటిష్టమైన ఏర్పాట్లు: కలెక్టర్

  • 01 Nov 2026 02:44 PM (IST)

    30వ డివిజన్‌లో రిగ్గింగ్ ఆరోపణలు

    అనంతపురం మున్సిపల్ కార్పొరేషన్ పరధిలో బీజేపీ అభ్యర్థి అశోక్‌రెడ్డి పోటీ చేస్తున్న 30వ డివిజన్‌లో రిగ్గింగ్ ఆరోపణలు

    తమ ఏజెంట్లను బయటకు గెంటివేసి రిగ్గింగ్‌ చేసుకుంటున్నారని వైఎస్‌ఆర్‌సీపీ నేతలు ఆరోపించారు.

    పోలింగ్‌ కేంద్రం వద్ద ఆందోళనకు దిగిన వైసీపీ అభ్యర్థి వెన్నం శివారెడ్డి

    పోలింగ్ బూత్ లో బ్యాలెట్ పేపర్లపై బీజేపీ నాయకులే ఓట్లు వేసుకుని బ్యాలెట్ బాక్స్‌లో వేస్తున్న దృశ్యాలు సోషల్ మీడియాలో వైరల్

  • 01 Nov 2026 02:39 PM (IST)

    వైసీపీ – టీడీపీ వర్గాల మధ్య గొడవ

    ప్రకాశం జిల్లా గిద్దలూరు మున్సిపాలిటీలోని 21వ వార్డు పోలింగ్ కేంద్రం వద్ద వైసీపీ – టీడీపీ వర్గాల మధ్య గొడవ…

    దొంగ ఓట్లు వేస్తున్నారని పోలింగ్ బూత్‌లో వైసీపీ – టీడీపీ వర్గాల మధ్య వివాదం.

    ఇరువర్గాలను చెదరగొట్టిన పోలీసులు.

  • 01 Nov 2026 02:32 PM (IST)

    ఏలేశ్వరంలో బ్యాలెట్ పేపర్‌పై కనిపించని బీజేపీ గుర్తు

    కాకినాడ జిల్లా ఏలేశ్వరం మున్సిపాలిటీలోని 7వ వార్డులో కమలం గుర్తు,3 వార్డులలో సైకిల్ గుర్తు పోలింగ్ బూత్‌లలో కనిపించకపోవడంతో ఓటర్లు ఆందోళన వ్యక్తం చేశారు. దీంతో పోలింగ్ ప్రక్రియను అధికారులు తాత్కాలికంగా నిలిపివేశారు. సమాచారం అందుకున్న పోలీసులు, ఎన్నికల అధికారులు వెంటనే పోలింగ్ కేంద్రానికి చేరుకుని పరిస్థితిని పరిశీలించారు. సమస్య పరిష్కారానికి చర్యలు చేపట్టారు.

  • 01 Nov 2026 02:30 PM (IST)

    వైసీపీ కార్యకర్తలకు ఎమ్మెల్యే దగ్గుపాటి ప్రసాద్ మధ్య తోపులాట

    అనంతపురం కార్పొరేషన్ ఎన్నికల సరళిని పరిశీలించేందుకు వెళ్లిన అర్బన్ ఎమ్మెల్యే దగ్గుపాటి ప్రసాద్‌పై విరుచుకుపడ్డ వైసీపీ నాయకులు, కార్యకర్తలు.

    గుల్జారిపేటలో అర్బన్ ఎమ్మెల్యే దగ్గుపాటి ప్రసాద్‌తో వాగ్వాదం, ఘర్షణకు దిగిన వైసీపీ కార్యకర్తలు

    వైసీపీ కార్యకర్తలకు ఎమ్మెల్యే దగ్గుపాటి ప్రసాద్ మధ్య తోపులాట

  • 01 Nov 2026 02:27 PM (IST)

    తెనాలిలో ఉద్రిక్తత

    తెనాలి మున్సిపల్ ఎన్నికల పోలింగ్ వేళ ఉద్రిక్తత చోటుచేసుకుంది.

    సుల్తానాబాద్‌లోని 38వ వార్డులో టీడీపీ, వైసీపీ శ్రేణుల మధ్య ఘర్షణ వాతావరణం నెలకొంది.

    పోలింగ్ కేంద్రాల వద్ద ఇరు పార్టీల నాయకులు, కార్యకర్తలు ఒకరిపై ఒకరు పరస్పర ఆరోపణలు చేసుకుంటూ వాగ్వివాదానికి దిగారు.

    పరిస్థితి ఉద్రిక్తంగా మారడంతో పోలీసులు రంగంలోకి దిగి పరిస్థితిని అదుపు చేసేందుకు ప్రయత్నించారు.

    ఈ క్రమంలో పోలీసులతో మాజీ ఎమ్మెల్యే శివకుమార్, వైసీపీ నాయకులు వాగ్వివాదానికి దిగారు. దీంతో పోలింగ్ కేంద్రాల వద్ద కొంతసేపు ఉద్రిక్తత నెలకొంది.

  • 01 Nov 2026 02:25 PM (IST)

    అనంతపురంలో టీడీపీ, వైసీపీ ఘర్షణ

    అనంతపురం మునిసిపల్ కార్పొరేషన్ ఎన్నికల్లో టీడీపీ, వైసీపీ ఘర్షణ

    39వ డివిజన్‌లో వైసీపీ, టీడీపీ కార్యకర్తలు కర్రలతో దాడులు

    30వ డివిజన్ లో టీడీపీ, బీజేపీ నేతలు రిగ్గింగ్ చేస్తున్నారని వైసీపీ నాయకులు ఆరోపణ

    పోలీసులతో వాగ్వాదానికి దిగిన వైఎస్సార్ సీపీ జిల్లా అధ్యక్షుడు మాజీ ఎమ్మెల్యే అనంత వెంకటరామిరెడ్డి, మేయర్ అభ్యర్థి రమేష్ గౌడ్

    ఇరువర్గాలను చెదరగొట్టిన పోలీసులు, పోలింగ్ ప్రశాంతంగా నిర్వహిస్తున్నారు.

  • 01 Nov 2026 02:15 PM (IST)

    ఓటు వేసిన మాజీ మంత్రి అంబటి రాంబాబు

    పల్నాడు: సత్తెనపల్లి 16 వార్డులో ఓటు హక్కును వినియోగించుకున్నారు మాజీ మంత్రి అంబటి రాంబాబు. ఈ సందర్భంగా ఆయన మాట్లాడుతూ… రాయలసీమ ప్రాంతంలో లోకేష్ కనుసన్నల్లో ఎన్నికలు జరుగుతున్నాయన్నారు. కొన్ని ప్రాంతాల్లో బీభత్సం సృష్టించి గెలవాలని ప్రయత్నం చేస్తున్నారన్నారు. లోకేష్ నాయకత్వంలో ప్రజాస్వామ్యం ఖూనీ చేస్తున్నారని ఆరోపించారు.

  • 01 Nov 2026 02:02 PM (IST)

    డోన్‌లో రీపోలింగ్ నిర్వహించాలి: వైసీపీ

    నంద్యాల జిల్లా:

    తమ పార్టీ ఏజెంట్లను అభ్యర్థులను పోలింగ్ స్టేషన్లలోకి రానీయకుండా టీడీపీ రిగ్గింగ్ చేసిందని వైసీపీ ఆరోపిస్తోంది. ఎన్నికలు రద్దుచేసి రీపోలింగ్ నిర్వహించాలని డిమాండ్ చేస్తూ డోన్ రిటర్నింగ్ ఆఫీసర్‌కు వైసీపీ నేతలు ఫిర్యాదు చేశారు..

  • 01 Nov 2026 01:59 PM (IST)

    విజయనగరం జిల్లాలో 38.31 శాతం ఓటింగ్

    విజయనగరం జిల్లాలో మున్సిపల్ ఎన్నికల్లో ఇప్పటి వరకు 38.31 శాతం ఓటింగ్ నమోదు

    మందకొడిగా సాగుతున్న విజయనగరం కార్పొరేషన్ పోలింగ్

    విజయనగరంలో 35.43 శాతం

    మున్సిపాలిటీల వారీ చూస్తే

    నెల్లిమర్లలో 44.05 శాతం

    బొబ్బిలిలో 49.11 శాతం

  • 01 Nov 2026 01:44 PM (IST)

    ఏపీలో కొనసాగుతున్న మున్సిపల్ ఎన్నికల పోలింగ్

    మద్యాహ్నం ఒంటి గంట వరకు 37.13 శాతం పోలింగ్ నమోదు
  • 01 Nov 2026 01:43 PM (IST)

    రాష్ట్రమంతా ప్రశాంతంగా పోలింగ్‌ జరుగుతోంది-లోకేష్‌

    ముందస్తు ప్రణాళికతోనే పులివెందులలో వైసీపీ ఆందోళనలు
    క్రిమినల్స్‌ను ఈసీ కట్టడిచేయాలి-లోకేష్
  • 01 Nov 2026 01:38 PM (IST)

    జమ్మలమడుగు మున్సిపల్ ఎన్నికలను బహిష్కరించిన వైసీపీ

    బూత్ ల నుండి బయటకు వచ్చిన వైసీపీ అభ్యర్థులు, బూత్ ఏజెంట్లు.

    ఎమ్మెల్యే ఆదినారాయణరెడ్డి,టిడిపి జిల్లా అధ్యక్షుడు భుపేష్ రెడ్డిల దౌర్జన్యంతో ఎన్నికలు జరుగుతున్నాయి: ఎమ్మెల్సీ రామసుబ్బారెడ్డి కామెంట్స్

    బయటి ప్రాంతం నుండి వేల మంది వచ్చి దొంగ ఓట్లు వేస్తున్నారు: ఎమ్మెల్సీ రామసుబ్బారెడ్డి కామెంట్స్

    ఓటర్లు స్లిప్పులను బలవంతంగా లాక్కొని కూటమి నాయకులు ఓట్లు వేస్తున్నారు: ఎమ్మెల్సీ రామసుబ్బారెడ్డి కామెంట్స్

    ఇప్పుడు జరిగిన ఎన్నికలు చెల్లవు: ఎమ్మెల్సీ రామసుబ్బారెడ్డి కామెంట్స్

    ఈ ఎన్నికలను వాయిదా వేసి తిరిగి ఎన్నికలు నిర్వహించాలని ఎలక్షన్ కమిషన్ ను కోరుతున్నాం: ఎమ్మెల్సీ రామసుబ్బారెడ్డి కామెంట్స్

  • 01 Nov 2026 12:51 PM (IST)

    జగన్ హెలికాప్టర్ పర్యటనపై వర్ల రామయ్య కౌంటర్

    జగన్ హెలికాప్టర్‌తో గాలిలో ఎందుకు చక్కర్లు కొట్టారు: వర్ల

    అరాచకాలు ఎలా జరుగుతున్నాయని గాలిలో నుంచి చూసేందుకా?:వర్ల

    ఢిల్లీ నుంచి మీడియా ఛానల్లను రప్పించా: వర్ల

    పులివెందులనైనా దక్కించుకుందాం అని జగన్ తాపత్రయం: వర్ల

  • 01 Nov 2026 12:44 PM (IST)

    AP Municipal Polling: ఉదయం 11 గంటలకు ఏపీలో పోలింగ్‌ 22.08 శాతం నమోదు

    ఉదయ 11 గంటలకు ఏపీలో నమోదైన పోలింగ్‌

    పులివెందులలో 34, జమ్మలమడుగులో 42.5 శాతం

    కాకినాడ జిల్లాలో 32.09 శాతం

  • 01 Nov 2026 12:43 PM (IST)

    చీరాల మున్సిపల్ పరిధిలో 23.01 శాతం పోలింగ్ నమోదు

    88 పోలింగ్ కేంద్రాలలో ఉదయం 11 గంటల వరకు నమోదైన పోలింగ్‌

    రేపల్లె మున్సిపాలిటీ పరిధిలోని 44 పోలింగ్ కేంద్రాల్లో పోలింగ్

    ఉదయం 11 గంటల వరకు 31.28 శాతం పోలింగ్ నమోదు

  • 01 Nov 2026 12:42 PM (IST)

    ఓటు వేసిన ఏపీ గవర్నర్ జస్టిస్‌ అబ్దుల్ నజీర్

    ఓటు హక్కు వినియోగించుకున్న ఏపీ గవర్నర్ జస్టిస్ అబ్దుల్ నజీర్

    తన సతీమణితో కలిసి విజయవాడ గవర్నర్‌పేటలో ఓటు హక్కు వినియోగం

    పోలింగ్‌ స్టేషన్‌ 9లో ఓటు వేసిన జస్టిస్‌ అబ్దుల్ నజీర్

  • 01 Nov 2026 12:30 PM (IST)

    పులివెందులలో ఆర్వోను కలిసిన ఎంపీ అవినాష్‌రెడ్డి

    పులివెందుల ఘటనలపై ఆర్వోకు ఫిర్యాదు
    ఎన్నికలు రద్దు చేసి రీపోలింగ్‌ పెట్టాలని విజ్ఞప్తి
  • 01 Nov 2026 12:11 PM (IST)

    పులివెందుల పోలింగ్ వ్యవహారంపై SECకి టీడీపీఫిర్యాదు

    ఓటమి భయంతోనే పులివెందులపై జగన్ ప్రత్యేక దృష్టి
    మూడు రోజుల్లో రెండుసార్లు పులివెందులకు వెళ్లారు
    పులివెందులలో లేని హడావుడి సృష్టిస్తున్నారు
    ట్రాక్టర్లు, కార్లు దగ్ధం వెనుక ప్రణాళిక ఉంది
    ఘటనల వెనుక ముందస్తు కుట్ర ఉంది-వర్ల రామయ్య
  • 01 Nov 2026 12:06 PM (IST)

    Pulivendula Municipal Election: జగన్ క్యాంపు ఆఫీసు దగ్గర ఉద్రిక్తత

    క్యాంపు కార్యాలయం గేట్లు మూసివేసిన పోలీసులు
    గేట్లు ఎందుకు మూశారని DSPని ప్రశ్నించిన అవినాష్
    ఎంపీ అవినాష్‌రెడ్డి, డీఎస్పీ మురళి మధ్య వాగ్వాదం
    బలవంతంగా గేట్లు తెరిచిన వైసీపీ నేతలు, కార్యకర్తలు
  • 01 Nov 2026 11:33 AM (IST)

    YS Jagan: ఎన్నికలను రద్దు చేసి రీపోలింగ్ నిర్వహించాలి: మాజీ సీఎం జగన్

    పులివెందులలో 80 పోలింగ్‌ బూత్‌లు ఉన్నాయి: మాజీ సీఎం జగన్

    80లో 70 బూతుల్లో వైసీపీ ఏజెంట్లు లేరు: జగన్

    వైసీపీ ఏజెంట్లను బలవంతంగా లాగేశారు :జగన్

    పోలీసులు దగ్గరుండి సహకరిస్తున్నారు: జగన్

    యదేచ్చగా దొంగోట్లు వేయిస్తున్నారు: జగన్

    ఎస్‌ఈసీకి ఫిర్యాదు చేసినా అడిగేనాదుల్లేరు: జగన్

    70 మంది వైసీపీ ఏజెంట్లతో ఆర్‌ఓ ఆఫీస్‌కు వెళ్తున్నా: జగన్

    ఉదయం 4గంటల నుంచే పోలింగ్‌ బూత్‌లను ఆదీనంలోకి తీసుకున్నారు

    చైర్‌ పర్సన్ అభ్యర్థి ప్రమీళమ్మపై దాడి చేశారు: జగన్

    ఎన్నికలను రద్దు చేసి రీపోలింగ్ నిర్వహించాలి: జగన్

    పోలీసులు టీటీడీపీ అభ్యర్థులకు సపోర్ట్ చేస్తున్నారు: జగన్

    కేవలం 10 బూతుల్లో మాత్రమే వైసీపీ ఏజెంట్లు ఉన్నారు: జగన్

  • 01 Nov 2026 11:16 AM (IST)

    Nandyal Polling: నంద్యాల జిల్లా బేతంచర్లలో ఉద్రిక్తత

    నంద్యాల: బేతంచర్లలో ఉద్రిక్తత
    సరస్వతి విద్యామందిర్‌లో టీడీపీ, వైసీపీ మధ్య ఘర్షణ
    ఇరువర్గాల మధ్య తోపులాట, చెదరగొట్టిన పోలీసులు
  • 01 Nov 2026 11:13 AM (IST)

    Balineni Srinivasa Reddy: నేను ఏ పార్టీలో ఉంటే ఆ పార్టీకే ఓటేస్తా: బాలినేని

    ఒంగోలులో ఓటు హక్కు వినియోగించుకున్న మాజీ మంత్రి బాలనేని

    ఒంగోలులో పోలింగ్ మందకొడిగా సాగుతోంది: టీవీ9తో బాలినేని

    నేను ఏ పార్టీలో ఉంటే ఆ పార్టీకే ఓటు వేస్తాను: టీవీ9తో బాలినేని

    ఒంగోలు కార్పొరేషన్ ఎన్నికలకు కొన్ని అనివార్య కారణాలవల్ల దూరంగా ఉన్నాను

    జనసేనలో నాకు ప్రాధాన్యం ఎందుకు తగ్గింది అనేది అధిష్టానాన్ని అడగండి

    రాజకీయాల్లో మళ్లీ తప్పకుండా యాక్టివ్ అవుతాను: టీవీ9తో బాలినేని

  • 01 Nov 2026 11:10 AM (IST)

    Guntur Polling: గుంటూరులో ఉదయం 11 గంటలకు 17.82% పోలింగ్ నమోదు

    గుంటూరులో కొనసాగుతున్న ఎన్నికల పోలింగ్

    గుంటూరులో ఉదయం 11 గంటలకు 17.82% పోలింగ్ నమోదు

    ఓటు హక్కు వినియోగించుకున్న 1,10,250 మంది ఓటర్లు

  • 01 Nov 2026 11:07 AM (IST)

    Nuzividu Municipal Elections: గుండెపోటుతో 30వ వార్డు అభ్యర్థి భర్త మృతి

    మున్సిపల్ ఎన్నికల వేళ ఏలూరులో విషాదం

    నూజివీడు మున్సిపల్ 30 వ వార్డు అభ్యర్థి భర్త మృతి

    గుండెపోటుతో మరణించిన 30 వ వార్డు అభ్యర్థి కోటగిరి పూర్ణిమ భర్త కోటగిరి సతీష్

  • 01 Nov 2026 10:53 AM (IST)

    Anantapur Fake votes: అనంతపురంలో దొంగ ఓట్ల కలకలం

    38వ డివిజన్ రావూస్ స్కూల్ దగ్గర గందరగోళం
    అనుమానాస్పద వ్యక్తుల గుర్తింపు
    పోలీసుల రాకతో అక్కడి నుంచి వెళ్లిపోయిన వ్యక్తులు
    ఎస్‌కేడీ స్కూల్ పోలింగ్ కేంద్రం దగ్గర ఆందోళన
    ఓటర్ స్లిప్పులతో వచ్చిన వ్యక్తులు
    ఓటరు జాబితాలో ఫొటోలు సరిపోక ఏజెంట్ల అభ్యంతరం
    టీడీపీ, వైసీపీ కార్యకర్తల మధ్య వాగ్వాదం
    ఇరువర్గాలను చెదరగొట్టిన పోలీసులు
  • 01 Nov 2026 10:32 AM (IST)

    కడప: బాకరాపురంలో ఓటు మేయనున్న మాజీ సీఎం జగన్

    కాసేపట్లో ఓటు హక్కు వినియోగించుకున్న జగన్
    ఆ తర్వాత పులివెందులకు వైఎస్ జగన్
  • 01 Nov 2026 10:31 AM (IST)

    కృష్ణా జిల్లాలో కొనసాగుతున్న మున్సిపల్ పోలింగ్

    పెడనలో 14.33 శాతం పోలింగ్ నమోదు
    ఉయ్యూరులో 9.59 శాతం పోలింగ్ నమోదు
    మచిలీపట్నంలో 11.96 శాతం పోలింగ్ నమోదు
  • 01 Nov 2026 10:26 AM (IST)

    AP Municipal Elections:ఉదయం 9 గంటల వరకు 8.39 శాతం పోలింగ్ నమోదు

    ఏపీలో కొనసాగుతున్న మున్సిపల్ ఎన్నికల పోలింగ్‌

    ఉదయం 9 గంటల వరకు 8.39 శాతం పోలింగ్ నమోదు

    మార్కాపురం జిల్లా కనిగిరిలో కేవలం 2 వార్డులకే ఎన్నికలు

    మార్కాపురంలో 19.47 శాతం పోలింగ్ నమోదు

    రాష్ట్రంలో ప్రస్తుతానిక అత్యల్పంగా గుంతకల్‌లో 2.95 శాతం పోలింగ్ నమోదు

    నిడదవోలులో 3.17 శాతం, జీవీఎంసీలో 3.34 శాతం పోలింగ్ నమోదు

    బుచ్చిరెడ్డిపాలెంలో 4.02 శాతం పోలింగ్ నమోదు

    నాయుడుపేటలో 4.15 శాతం, జంగారెడ్డిగూడెంలో 4.31 శాతం పోలింగ్ నమోదు

    రాష్ట్రంలోనే అత్యధిక ఓటర్లు ఉన్న జీవీఎంసీలో 18.37 లక్షల మందికి గాను 61,309 మంది ఓటు హక్కు వినియోగం

    విజయవాడలో 8.05 లక్షల మంది ఓటర్లకు గాను 62,740 మంది ఓటింగ్

    గుంటూరులో 6.18 లక్షల మంది ఓటర్లకు గాను 32,237 ఓట్లు నమోదు

    కర్నూలులో 53,504 మంది ఓటర్లు ఓటు హక్కు వినియోగం..

  • 01 Nov 2026 09:58 AM (IST)

    తిరుపతి జిల్లాలో 9 గంటల వరకు 11.06 శాతం పోలింగ్

    తిరుపతి నగరపాలక సంస్థలో 11.7 శాతం పోలింగ్ నమోదు

    పుత్తూరులో అత్యధికంగా 16.21 శాతం పోలింగ్ నమోదు

    సూళ్లూరుపేటలో 11.81 శాతం పోలింగ్ నమోదు

    వెంకటగిరిలో 7.18 శాతం పోలింగ్ నమోదు

    నాయుడుపేటలో అత్యల్పంగా 4.15 శాతం పోలింగ్

  • 01 Nov 2026 09:57 AM (IST)

    వైసీపీ పోలింగ్ ఏజెంట్లను అడ్డుకుంటున్నారు- మాజీ మంత్రి బుగ్గన

    ఇతర గ్రామాల నుంచి దొంగ ఓటర్లను రప్పిస్తున్నారు

    బయటి వ్యక్తులతో భయానక వాతావరణం సృష్టిస్తున్నారు

    పోలీసుల తీరు అధికార పార్టీకి అనుకూలంగా ఉంది-బుగ్గన

    DSP, CIలు యూనిఫాం వదిలి TDP కండువా కప్పుకోవాలి

    TDP వాళ్లు సీసీ కెమెరాల వైర్లు కట్ చేశారు-బుగ్గన

  • 01 Nov 2026 09:56 AM (IST)

    విజయవాడలో పోలింగ్ సరళిని పరిశీలించిన SEC అనిల్ చంద్ర

    విజయవాడ: VTPS కాలనీలో ఎన్నికల కమిషనర్

    పోలింగ్ సరళిని పరిశీలించిన SEC అనిల్ చంద్ర

    ఓట్ల నమోదు, పోలింగ్ శాతంపై ఆరా

    పోలింగ్ కేంద్రాల్లో ఏర్పాట్లపై కమిషనర్ సమీక్ష

  • 01 Nov 2026 09:56 AM (IST)

    Vijayawada Municipal Polling: విజయవాడ 55వ డివిజన్‌లో తిరిగి ప్రారంభమైన పోలింగ్

    పోలింగ్ కేంద్రాల్లో ఏర్పాట్లపై కమిషనర్ సమీక్ష

    విజయవాడ 55వ డివిజన్‌లో తిరిగి ప్రారంభమైన పోలింగ్

    తారుమారైన బ్యాలెట్ గుర్తులతో నిలిచిన పోలింగ్

    యుద్ధప్రాతిపదికన కొత్త బ్యాలెట్ పేపర్ల ముద్రణ

    గంటల వ్యవధిలోనే సమస్యకు పరిష్కారం

    కొత్త బ్యాలెట్ పేపర్లతో తిరిగి పోలింగ్ ప్రారంభం

  • 01 Nov 2026 09:33 AM (IST)

    Kollu Ravindra: పులివెందులలో కావాలనే అల్లర్లు చేస్తున్నారు:కొల్లు రవీంద్ర

    ఉద్దేశపూర్వకంగా గొడవలకుదిగుతున్నారు:కొల్లు రవీంద్ర

    శాంతియుతంగా పోలింగ్ నిర్వహిస్తాం:కొల్లు రవీంద్ర

    అల్లర్లకు పాల్పడితే కఠిన చర్యలు తప్పవు:కొల్లు రవీంద్ర

    శాంతియుత ఎన్నికలు YCPకి ఇష్టం లేదు:కొల్లు రవీంద్ర

  • 01 Nov 2026 09:32 AM (IST)

    Kurnool Municipal Election: కర్నూలు జిల్లా ఎమ్మిగనూరులో ఉద్రిక్తత

    YCP ఇంచార్జి రాజీవ్ రెడ్డిని అడ్డుకున్న పోలీసులు
    ఎర్రకోట నుంచి ఎమ్మిగనూరుకు వెళ్తున్న రాజీవ్ రెడ్డి
    పట్టణంలోకి వెళ్లేందుకు అనుమతి లేదన్న పోలీసులు
    ఎమ్మిగనూరులో ఓటు హక్కు లేదన్న పోలీసులు
    పోలీసులకు, రాజీవ్‌రెడ్డికి మధ్య వాగ్వాదం
  • 01 Nov 2026 09:13 AM (IST)

    పోలింగ్ ప్రశాంతంగా సాగుతోంది- TV9తో ఐజీపీ రాజకుమారి

    చిన్నచిన్న ఘటనలు మినహా ప్రశాంతంగా పోలింగ్

    ఫిర్యాదులు వచ్చిన చోట పరిష్కరిస్తున్నాం: ఐజీపీ రాజకుమారి

    హైపర్ సెన్సిటివ్ ప్రాంతాల్లో ప్రత్యేక నిఘా : ఐజీపీ రాజకుమారి

    పోలింగ్ కేంద్రాల వద్ద పటిష్ఠ పోలీసు భద్రత : ఐజీపీ రాజకుమారి

    రంగంలోకి మొబైల్ పోలీస్ బృందాలు-రాజకుమారి

    ఫిర్యాదులపై తక్షణమే స్పందిస్తున్నాం: ఐజీపీ రాజకుమారి

    ఇప్పటివరకు పెద్దగా ఫిర్యాదులు నమోదు కాలేదు: ఐజీపీ రాజకుమారి

    పోలింగ్ పూర్తయ్యే వరకు అప్రమత్తంగా పోలీసులు: ఐజీపీ రాజకుమారి

    నిర్భయంగా ఓటు హక్కు వినియోగించుకోవాలి: ఐజీపీ రాజకుమారి

  • 01 Nov 2026 09:12 AM (IST)

    Prakasham Municipal Election: చీమకుర్తిలో ఉద్రిక్తత

    పాటిమీదపల్లె 28వ వార్డులో ఘర్షణ
    వైసీపీ ఏజెంట్లపై గుర్తుతెలియని వ్యక్తుల దాడి
    వైసీపీ ఏజెంట్లను పోలీస్ స్టేషన్‌కు తరలించిన సీఐ
  • 01 Nov 2026 08:30 AM (IST)

    ఓటు హక్కు వినియోగించుకున్న నందమూరి బాలకృష్ణ దంపతులు

    శ్రీ సత్యసాయి జిల్లా హిందూపురంలో కొనసాగుతున్న పోలింగ్

    ఓటు హక్కు వినియోగించుకున్న నందమూరి బాలకృష్ణ దంపతులు

    భార్యతో కలిసి పోలింగ్ కేంద్రానికి వచ్చిన నందమూరి బాలకృష్ణ

    3వ వార్డులో ఓటు హక్కు వినియోగించుకున్న బాలకృష్ణ
    ఓటు హక్కు మన ప్రాథమిక హక్కు-బాలకృష్ణ
    పనిచేసే వారికే ఓటు వేయండి-బాలకృష్ణ
  • 01 Nov 2026 08:22 AM (IST)

    మాజీ మంత్రి విడదల రజిని హౌస్‌ అరెస్ట్

    చిలకలూరిపేటలో కొనసాగుతున్న మున్సిపల్ పోలింగ్
    మాజీ మంత్రి విడదల రజిని హౌస్‌ అరెస్ట్
  • 01 Nov 2026 08:20 AM (IST)

    తిరుపతి: వెంగటగిరి మున్సిపాలిటీలో గందరగోళం

    35వ వార్డులో గుర్తులు తారుమారు

    టీడీపీ అభ్యర్థి పేరు ముందు వైసీపీ గుర్తు

    వైసీపీ అభ్యర్థి పేరు ముందు టీడీపీ గుర్తు

    35వ వార్డులో ఇంకా ప్రారంభంకాని పోలింగ్

  • 01 Nov 2026 08:07 AM (IST)

    కడప: పులివెందులలో ఉద్రిక్తత

    పులివెందులలో ప్రారంభమైన పోలింగ్.

    చాలా ప్రాంతాల్లో పోలింగ్ కేంద్రాలకు చేరుకొని వైసీపీ ఏజెంట్లు

    పోలింగ్ కేంద్రాల వద్ద కొనసాగుతున్న ఉద్రిక్త వాతావరణం.

    బూత్ ఏజెంట్లను వెళ్లకుండా టీడీపీ నేతలే అడ్డుకున్నారనీ వైసీపీ ఆరోపణ.

    పోలింగ్ కేంద్రాల వద్ద భారీగా మోహరించిన పోలీసు బలగాలు

  • 01 Nov 2026 08:00 AM (IST)

    విజయవాడ 55వ వార్డులో గుర్తులు తారుమారు

    బ్యాలెట్ పేపర్‌లో పొరపాటుపై అధికారులకు ఫిర్యాదు
    55వ డివిజన్‌లో పోలింగ్ నిలిపివేసిన అధికారులు
    ప్రింట్ అవుతున్న కొత్త బ్యాలెట్ పత్రాలు
    కాసేపట్లో తిరిగి ప్రారంభంకానున్న పోలింగ్
  • 01 Nov 2026 07:54 AM (IST)

    నెల్లూరు ఓటర్లకు అభ్యర్థుల ప్రలోభాలు

    నగదు, చీరలు పంపిణీ చేస్తున్న ఓ పార్టీ అభ్యర్థులు

    నిత్యావసర సరుకులు పంపిణీ చేస్తున్న మరో పార్టీ

    ఓటర్ చీటీ ఉన్న అభ్యర్థులకు ఏకంగా కేజీ చికెన్ ఇస్తున్న మరో అభ్యర్థి

  • 01 Nov 2026 07:49 AM (IST)

    కాకినాడ జిల్లా కొనసాగుతున్న పోలింగ్

    పిఠాపురంలోని పోలింగ్ కేంద్రం వద్ద బారులుతీరిన ఓటర్లు

    పిఠాపురం నియోజకవర్గంలో ఓటు హక్కు వినియోగించుకుంటున్న ఓటర్లు

    ప్రకాశం జిల్లా అద్దంకి ఎన్టీఆర్‌ నగర్‌లో ఉదయం 7 గంటలకే పోలింగ్‌ కేంద్రానికి చేరిక

  • 01 Nov 2026 07:46 AM (IST)

    ప.గో: నరసాపురంలో తుఫాన్‌ ఎఫెక్ట్

    నరసాపురంలో విద్యుత్ సరఫరాలో అంతరాయం
    కొవ్వొత్తుల వెలుగులో కొనసాగుతున్న పోలింగ్
    36 వార్డుల్లో 71 పోలింగ్‌ బూత్‌లలో పోలింగ్
  • 01 Nov 2026 07:45 AM (IST)

    అద్దంకి మున్సిపల్ ఎన్నికల్లో నగదు పంపిణీ కలకలం

    ఓటర్లకు డబ్బులు పంచుతూ పట్టుబడ్డ ఐదుగురు
    అద్దంకి 10వ వార్డులో నగదు పంపిణీ
    నిందితుల నుంచి రూ.50 వేల నగదు స్వాధీనం
  • 01 Nov 2026 07:08 AM (IST)

    ఏపీలో మున్సిపల్‌ ఎన్నికల పోలింగ్‌ ప్రారంభం

    సా.5 గంటల వరకు కొనసాగనున్న పోలింగ్
    13 కార్పొరేషన్లు, 79 మున్సిపాలిటీల్లో ఎన్నికలు
    118 కార్పొరేటర్లు, 756 కౌన్సిలర్లు ఏకగ్రీవ ఎన్నిక
    92 చోట్ల పోలింగ్‌, 11,705 పోలింగ్‌ కేంద్రాలు
    మొత్తం 99,36,014 మంది ఓటర్లు
    మున్సిపల్ ఎన్నికలకు 36,351 మంది పోలీసులతో భద్రత
    4,372 పోలింగ్ స్టేషన్ల పరిధిలో బందోబస్తు
    671 అత్యంత సమస్యాత్మక కేంద్రాలపై ప్రత్యేక నిఘా
    1,233 సమస్యాత్మక కేంద్రాల్లో పోలీసుల మోహరింపు
    డ్రోన్లు, సీసీ కెమెరాలతో నిరంతర పోలీస్ నిఘా
    ఎన్నికల పర్యవేక్షణకు 1,543 రూట్ మొబైల్ బృందాలు
    111 స్ట్రాంగ్ రూమ్‌ల దగ్గర 4,655 మంది పోలీసులు
    ఈ నెల 2న అవసరమైన చోట్ల రీపోలింగ్
    ఈ నెల 3న మున్సిపల్ ఎన్నికల ఓట్ల లెక్కింపు
  • 01 Nov 2026 06:41 AM (IST)

    కాసేపట్లో మున్సిపల్‌ ఎన్నికల పోలింగ్‌

    • ఉదయం .7 నుంచి సా.5 గంటల వరకు పోలింగ్
    • 13 కార్పొరేషన్లు, 87 మున్సిపాలిటీల్లో ఎన్నికలు
    • 118 కార్పొరేటర్లు, 756 కౌన్సిలర్లు ఏకగ్రీవ ఎన్నిక
    • 92 చోట్ల పోలింగ్‌, 11,705 పోలింగ్‌ కేంద్రాలు
    • మొత్తం 99,36,014 మంది ఓటర్లు
    • మున్సిపల్ ఎన్నికలకు 36,351 మంది పోలీసులతో భద్రత
    • 4,372 పోలింగ్ స్టేషన్ల పరిధిలో బందోబస్తు
    • 671 అత్యంత సమస్యాత్మక కేంద్రాలపై ప్రత్యేక నిఘా
    • 1,233 సమస్యాత్మక కేంద్రాల్లో పోలీసుల మోహరింపు
    • డ్రోన్లు, సీసీ కెమెరాలతో నిరంతర పోలీస్ నిఘా
    • ఎన్నికల పర్యవేక్షణకు 1,543 రూట్ మొబైల్ బృందాలు
    • 111 స్ట్రాంగ్ రూమ్‌ల దగ్గర 4,655 మంది పోలీసులు
    • ఈ నెల 2న అవసరమైన చోట రీపోలింగ్
    • ఈ నెల 3న మున్సిపల్ ఎన్నికల ఓట్ల లెక్కింపు

Published On - Nov 01,2026 6:38 AM

Follow Us