RRB ALP Admit Card 2026: RRB అసిస్టెంట్ లోకో పైలట్ హాల్‌టికెట్లు విడుదల.. ఇలా డౌన్లోడ్ చేసుకోండి!
రైల్వే రిక్రూట్‌మెంట్ బోర్డు (RRB) అసిస్టెంట్ లోకో పైలట్ (ALP) CBT-1 పరీక్షల అడ్మిట్ కార్డులను విడుదల చేసింది. నవంబర్ 3 నుంచి 5 వరకు పరీక్షలు జరగనున్నాయి. అభ్యర్థులు తమ ప్రాంతీయ RRB వెబ్‌సైట్ల ద్వారా హాల్‌టికెట్లను డౌన్లోడ్ చేసుకోవచ్చు. పరీక్షలో 75 ప్రశ్నలు ఉండగా, ప్రతి తప్పు సమాధానానికి 1/3 మార్కు నెగెటివ్ మార్కింగ్ ఉంటుంది..
Updated on: Nov 01, 2026 | 7:01 AM
హైదరాబాద్‌, నవంబర్ 1: రైల్వే ఉద్యోగాల కోసం ఎదురుచూస్తున్న అభ్యర్థులకు కీలక అప్డేట్. రైల్వే రిక్రూట్‌మెంట్ బోర్డు (RRB) అసిస్టెంట్ లోకో పైలట్ (ALP) పోస్టుల భర్తీకి నిర్వహించనున్న కంప్యూటర్ బేస్డ్ టెస్ట్ (CBT-1) అడ్మిట్ కార్డులను విడుదల చేసింది. ఈ పరీక్షకు దరఖాస్తు చేసుకున్న అభ్యర్థులు తమ ప్రాంతీయ RRB అధికారిక వెబ్‌సైట్‌ను సందర్శించి హాల్‌టికెట్లను డౌన్లోడ్ చేసుకోవచ్చు. RRB ALP CBT-1 పరీక్షలు నవంబర్ 3 నుంచి 5వ తేదీ వరకు నిర్వహించనున్నారు. అభ్యర్థులు పరీక్ష తేదీ, సమయం, పరీక్ష కేంద్రం వంటి వివరాలను తమ అడ్మిట్ కార్డులో పరిశీలించుకోవాలి. పరీక్షకు వెళ్లేటప్పుడు హాల్‌టికెట్‌తో పాటు చెల్లుబాటు అయ్యే ఫొటో గుర్తింపు కార్డు తీసుకెళ్లాలి.
పరీక్ష విధానం
- అసిస్టెంట్ లోకో పైలట్ CBT-1 పరీక్ష కంప్యూటర్ ఆధారిత విధానంలో నిర్వహిస్తారు.
- పరీక్ష వ్యవధి: 60 నిమిషాలు
- మొత్తం ప్రశ్నలు: 75
- ప్రతి ప్రశ్నకు నిర్ణీత మార్కులు ఉంటాయి.
- ప్రతి తప్పు సమాధానానికి 1/3 మార్కు నెగెటివ్ మార్కింగ్ ఉంటుంది.
- CBT-1లో అర్హత సాధించిన అభ్యర్థులను తదుపరి దశ అయిన CBT-2కు ఎంపిక చేస్తారు.
అడ్మిట్ కార్డు డౌన్లోడ్ చేసుకోవడం ఎలా?
- ముందుగా సంబంధిత ప్రాంతీయ RRB అధికారిక వెబ్‌సైట్‌ను ఓపెన్ చేయాలి.
- ALP CBT-1 Admit Card 2026 లింక్‌పై క్లిక్ చేయాలి.
- రిజిస్ట్రేషన్ నంబర్, పుట్టిన తేదీ వంటి వివరాలను నమోదు చేయాలి.
- స్క్రీన్‌పై అడ్మిట్ కార్డు కనిపిస్తుంది.
- అందులోని వివరాలను పరిశీలించి డౌన్లోడ్ చేసుకోవాలి.
- పరీక్ష కోసం హాల్‌టికెట్ ప్రింట్ తీసుకోవాలి.
- అభ్యర్థులు చివరి నిమిషం వరకు వేచి చూడకుండా ముందుగానే అడ్మిట్ కార్డులను డౌన్లోడ్ చేసుకోవాలని సూచించారు.
ఆర్‌ఆర్‌బీ అసిస్టెంట్ లోకో పైలట్ హాల్‌టికెట్ల డౌన్లోడ్ కోసం ఇక్కడ క్లిక్ చేయండి.
