Pelli Sandadi: న్యూస్‌ యాంకర్‌గా మారిన శ్రీకాంత్‌ తనయుడు.. ఈ మార్పు వెనక కారణమేంటంటే..

Pelli Sandadi: శ్రీకాంత్‌ కెరీర్‌లో బెస్ట్‌ సినిమాల్లో 'పెళ్లి సందడి' చిత్రం ఒకటి. 1996లో వచ్చిన ఈ సినిమా అప్పట్లో బ్లాక్‌ బస్టర్‌గా నిలిచింది. రాఘవేంద్రరావు డైరెకక్షన్‌, కీరవాణి..

Pelli Sandadi: న్యూస్‌ యాంకర్‌గా మారిన శ్రీకాంత్‌ తనయుడు.. ఈ మార్పు వెనక కారణమేంటంటే..
Narender Vaitla

|

Oct 04, 2021 | 5:02 PM

Pelli Sandadi: శ్రీకాంత్‌ కెరీర్‌లో బెస్ట్‌ సినిమాల్లో ‘పెళ్లి సందడి’ చిత్రం ఒకటి. 1996లో వచ్చిన ఈ సినిమా అప్పట్లో బ్లాక్‌ బస్టర్‌గా నిలిచింది. రాఘవేంద్రరావు డైరెకక్షన్‌, కీరవాణి మ్యూజిక్‌ డైరెక్షన్‌లో వచ్చిన పాటలు సినిమాను బ్లాక్‌ బస్టర్‌ చేయడంలో కీలకపాత్ర పోషించాయి. ఇదిలా ఉంటే ఈ సినిమా విడుదలైన 25 ఏళ్ల తర్వాత ఇప్పుడు సీక్వెల్‌ తెరకెక్కుతోన్న విషయం తెలిసిందే. ఈ సినిమాలో శ్రీకాంత్‌ తనయుడు రోషన్‌ హీరోగా నటిస్తుండడం మరో విశేషం.

నిజానికి రోషన్‌ ఇది వరకు ‘నిర్మలా కాన్వెంట్‌’ చిత్రంలో నటించినప్పటికీగా పూర్తి స్థాయిలో హీరో పాత్రలో నటిస్తోన్న తొలి చిత్రం మాదే ఇదేనని చెప్పాలి. ఇక ఈ సినిమాకు రాఘవేంద్రరావు దర్శకత్వ పర్యవేక్షణ వహిస్తుండడంతో ఈ సినిమాపై మంచి అంచనాలు ఏర్పడ్డాయి. కరోనా కారణంగా కొన్ని రోజులు షూటింగ్‌ వాయిదా పడినప్పటికీ తర్వాత శర వేగంగా షూటింగ్‌ జరుపుకుంది.

ఇక ఈ సినిమాను దసరా కానుకగా అక్టోబర్‌ 15న విడుదల చేయడానికి చిత్ర యూనిట్‌ సన్నాహాలు చేస్తోంది. సినిమా విడుదల దగ్గర పడుతోన్న నేపథ్యంలో చిత్ర యూనిట్‌ సినిమా ప్రమోషన్‌ను పెంచే పనిలో పడింది. ఇందులో భాగంగానే తాజాగా హీరో, హీరోయిన్లతో ఓ స్పెషల్‌ వీడియోను రూపొందించారు చిత్ర యూనిట్‌. ఈ వీడియోలో రోషన్‌ ఓ న్యూస్‌ ఛానల్‌లో యాంకర్‌గా చూపించారు. ఇక హీరోయిన్‌ రిపోర్టర్‌గా కనిపిస్తుంది. పెళ్లి సందడి పాటలు ప్రేక్షకులను విపరీతంగా అలరిస్తున్నాయన్న కాన్సెప్ట్‌తో ఈ ప్రకటనను వినూత్నంగా రూపొందించారు.

ప్రస్తుతం ఈ ప్రకటన వైరల్‌ అవుతోంది. సినిమా ప్రమోషన్‌ను ఇలా వినూత్నంగా చేపడుతున్నందుకు చిత్ర యూనిట్‌కు నెటిజన్లు కామెంట్లు పెడుతున్నారు. మరి ఈ సినిమా రోషన్‌ కెరీర్‌ను ఎలాంటి మలుపు తిప్పుతుందో చూడాలి. ఇక శ్రీలీల హీరోయిన్‌గా నటిస్తోన్న ఈ చిత్రంలో రాఘవేంద్ర రావు అతిధి పాత్రలో కనిపిస్తుండడం విశేషం.

Also Read: Bigg Boss 5 Telugu: బిగ్‏బాస్ ముందుకు ఒక్కొక్కరి నిజస్వరూపాలు.. షణ్ముఖ్, సిరి, జెస్సీలకు షాక్..

MAA Elections 2021: “మా” ఎన్నికలపై ఏపీ సర్కార్‌ కీలక ప్రకటన.. తేల్చేశారు

Prabhas: మరో ప్రాజెక్ట్ అనౌన్స్ చేసేందుకు రెడీ అయిన ప్రభాస్.. ఆ తేదీన డార్లింగ్ 25వ సినిమా ప్రకటన..

లేటెస్ట్ న్యూస్ హైలెట్స్ చూడండి

Follow us on

Most Read Stories

Click on your DTH Provider to Add TV9 Telugu