Horror Movie OTT: అతీత శక్తులతో మహిళ పోరాటం.. అనుక్షణం వణుకు పుట్టించే హారర్ మూవీ.. ఎక్కడ చూడొచ్చంటే..
ది డెలివరెన్స్.. అకాడెమీ అవార్డుకు నామినేట్ అయిన డైరెక్టర్ లీ డేనియల్స్ దర్శకత్వం వహించిన ఈ సినిమా ఇప్పుడు హారర్ ప్రియులను అలరించేందుకు వచ్చేసింది. నిజ జీవితంలో జరిగిన సంఘటన ఆధారంగా ఈ చిత్రాన్ని రూపొందించారు. సస్పెన్స్, హారర్ జానర్ చిత్రాలను ఇష్టపడే వారికి ఈ మూవీ ఎంటర్టైన్ చేయనుంది.
![Horror Movie OTT: అతీత శక్తులతో మహిళ పోరాటం.. అనుక్షణం వణుకు పుట్టించే హారర్ మూవీ.. ఎక్కడ చూడొచ్చంటే..](https://images.tv9telugu.com/wp-content/uploads/2024/08/horror-movie-ott.jpg?w=1280)
ప్రస్తుతం సినీ ప్రియులను ఆకట్టుకునేందుకు హారర్, సస్పెన్స్ థ్రిల్లర్ చిత్రాలను తీసుకువస్తు్న్నాయి ఓటీటీ ప్లాట్ ఫామ్స్. ఇప్పటికే భాషతో సంబంధం లేకుండా అనేక చిత్రాలు ప్రేక్షకులను అలరిస్తున్నాయి. తాజాగా ఆద్యంతం వణుకు పుట్టించే హారర్ మూవీ ఓటీటీలోకి వచ్చేసింది. ఆగస్ట్ 6న ప్రపంచవ్యాప్తంగా విడుదలైన ఈ సినిమా అతి తక్కువ రోజుల్లోనే ఓటీటీలోకి వచ్చేసింది. ది డెలివరెన్స్.. అకాడెమీ అవార్డుకు నామినేట్ అయిన డైరెక్టర్ లీ డేనియల్స్ దర్శకత్వం వహించిన ఈ సినిమా ఇప్పుడు హారర్ ప్రియులను అలరించేందుకు వచ్చేసింది. నిజ జీవితంలో జరిగిన సంఘటన ఆధారంగా ఈ చిత్రాన్ని రూపొందించారు. సస్పెన్స్, హారర్ జానర్ చిత్రాలను ఇష్టపడే వారికి ఈ మూవీ ఎంటర్టైన్ చేయనుంది. భూతవైద్యం నేపథ్యంతో సాగే కథతో.. ఊహించని ట్విస్టులతో భయపెట్టిస్తుంది.
ఈ చిత్రంలో హాలీవుడ్ నటీనటులు ఆండ్రా డే, గ్లె్న్ క్లోజ్, మోనిక్, ఆన్ జాన్యూ ఎలిస్ కాలెబ్ మెక్ లాలిన్ వంటి స్టార్స్ నటించారు. థియేటర్లలో విడుదలైన ఓటీటీలోకి వచ్చేసింది ది డెలివరెన్స్ మూవీ. ప్రస్తుతం ప్రముఖ ఓటీటీ ప్లాట్ పామ్ నెట్ ఫ్లిక్స్ లో ఈ మూవీ గత అర్దరాత్రి నుంచి స్ట్రీమింగ్ అవుతుంది. నిజ జీవితంలో జరిగిన ఘటనను ఆధారంగా చేసుకుని రూపొందించారు. అతీత శక్తులతో పోరాడుతూ తన పిల్లలను రక్షించుకునే ఓ మహిళ కథ.
కథ విషయానికి వస్తే.. లటోయా అమోన్స్ అనే మహిళ కుటుంబం భయానక ఘటనల ఆధారంగా ఈ చిత్రాన్ని తెరకెక్కించారు.ఓ కొత్త ఇంట్లోకి వెళ్లిన మహిళ కుటుంబం అక్కడ ఉన్న అతీత శక్తుల ఉనికితో వణికిపోతుంది. వాటి నుంచి తన పిల్లలను కాపాడుకునేందుకు ఆ ఒంటరి తల్లి చేసే ప్రయత్నమే ది డెలివరెన్స్. ఇప్పటికే నెట్ ఫ్లిక్స్ ఓటీటీలో ఎన్నో హారర్ చిత్రాలు ఉండగా.. ఇప్పుడు హారర్ ప్రియులను అలరించేందుకు ది డెలివరెన్స్ మూవీ అందుబాటులోకి వచ్చేసింది.
మరిన్ని సినిమా వార్తల కోసం ఇక్కడ క్లిక్ చేయండి.