Simbu: అప్పుడే ఓటీటీలోకి శింబు కొత్త సినిమా.. స్ట్రీమింగ్ ఎప్పుడు, ఎక్కడంటే?
తెలుగులో లైఫ్ ఆఫ్ ముత్తు పేరుతో ప్రముఖ నిర్మాత స్రవంతి రవికిశోర్ విడుదల చేశారు. విడుదలైన యాక్షన్ డ్రామా బాక్సాఫీస్ వద్ద మంచి విజయం సాధించింది. మానాడు సినిమా తర్వాత ఈ సినిమా రూపంలో శింబుకు మరో భారీ హిట్ దక్కింది.
Updated on: Oct 11, 2022 | 9:38 PM
కోలీవుడ్ స్టార్ హీరో శిలంబరసన్ అలియాస్ శింబు నటించిన చిత్రం వెందు తానింధదు కాడు. క్రియేటివ్ దర్శకుడు గౌతమ్ వాసుదేవ మేనన్ ఈ యాక్షన్ ఎంటర్టైనర్ను తెరకెక్కించారు. సిద్ధి ఇద్నాని, రాధికా శరత్ కుమార్, సిద్ధిక్, అప్పుకుట్టి తదితరులు ప్రధాన పాత్రలు పోషించారు. ఈ సినిమాలో గ్యాంగ్స్టర్గా శింబు అద్భుతంగా నటించాడు. తెలుగులో లైఫ్ ఆఫ్ ముత్తు పేరుతో ప్రముఖ నిర్మాత స్రవంతి రవికిశోర్ విడుదల చేశారు. విడుదలైన యాక్షన్ డ్రామా బాక్సాఫీస్ వద్ద మంచి విజయం సాధించింది. మానాడు సినిమా తర్వాత ఈ సినిమా రూపంలో శింబుకు మరో భారీ హిట్ దక్కింది. థియేటర్లలో ఆకట్టుకున్న ఈ సినిమా ఇప్పుడు డిజిటల్ ప్రీమియర్కు సిద్ధమైంది. ప్రముఖ ఓటీటీ ప్లాట్ఫామ్ అమెజాన్ ప్రైమ్ వీడియోలో అక్టోబర్ 13 నుంచి ఈ సినిమా స్ట్రీమింగ్ కానుంది. దీనికి సంబంధించి సోషల్ మీడియా వేదికగా ఒక ప్రకటన విడుదల చేసింది.
కాగా అమెజాన్ ప్రైమ్ వీడియో ఈ సినిమా డిజిటల్ హక్కుల కోసం భారీ మొత్తంలో చెల్లించినట్లు సమాచారం. అయితే సోషల్ మీడియా వేదికగా విడుదల తేదీని ప్రకటించిన సదరు సంస్థ తెలుగు వెర్షన్పై మాత్రం ఎలాంటి క్లారిటీ ఇవ్వలేదు. పని కోసం ముంబయికి వచ్చిన శింబు గ్యాంగ్స్టర్గా ఎలా మారిపోయాడు? అన్ని సమస్యలను అధిగమించి ఉన్నత స్థాయికి ఎలా ఎదిగాడు? అనే కథాంశంతో ఈ చిత్రం తెరకెక్కింది. త్వరలోనే ఈ సినిమాకు సీక్వెల్ కూడా రానున్నట్లు సమాచారం.
మరిన్ని సినిమా వార్తల కోసం క్లిక్ చేయండి..
