Krishna Vrinda Vihari: ఓటీటీలోకి వచ్చేస్తోన్న కృష్ణ వ్రింద విహారి.. దీపావళికి సందడి చేయనున్న నాగశౌర్య.. స్ట్రీమింగ్ ఎక్కడంటే..
రొమాంటిక్ ఎంటర్టైనర్గా రూపొందించిన ఈ సినిమాకు మిశ్రమ స్పందన లభించింది. ఈ చిత్రానికి మహతి స్వర సాగర్ సంగీతం అందించారు. ఇక ఇప్పటివరకు థియేటర్లలో అలరించిన ఈ మూవీలో ఇప్పుడు ఓటీటీలో విడుదలకు సిద్ధమైంది.
Updated on: Oct 12, 2022 | 12:25 PM
యంగ్ అండ్ టాలెంటెడ్ హీరో నాగశౌర్య ప్రధాన పాత్రలో నటించిన లేటేస్ట్ చిత్రం కృష్ణ వ్రింద విహారి. ఇందులో శౌర్య సరసన షిర్లే షెటియా కథానాయికగా నటించింది. డైరెక్టర్ అనీష్ కృష్ణ తెరకెక్కించిన ఈ మూవీ సెప్టెంబర్ 23న ప్రేక్షకుల ముందుకు వచ్చింది. రొమాంటిక్ ఎంటర్టైనర్గా రూపొందించిన ఈ సినిమాకు మిశ్రమ స్పందన లభించింది. ఈ చిత్రానికి మహతి స్వర సాగర్ సంగీతం అందించారు. ఇక ఇప్పటివరకు థియేటర్లలో అలరించిన ఈ మూవీలో ఇప్పుడు ఓటీటీలో విడుదలకు సిద్ధమైంది. ప్రముఖ ఓటీటీ సంస్థ నెట్ ఫ్లిక్స్ డిజిటల్ స్ట్రీమింగ్ హక్కులను సొంతం చేసుకున్నట్లుగా తెలుస్తోంది. దీపావళి కానుకగా అక్టోబర్ 23 నుంచి ఈ మూవీ స్ట్రీమింగ్ కానున్నట్లుగా సమాచారం.
సంప్రదాయ బ్రహ్మణ కుటుంబంలో పుట్టిపెరిగిన కృష్ణాచారి.. ఉద్యోగం కోసం హైదరాబాద్ చేరుకుంటాడు. ఐటీ కంపెనీలో టెక్నికల్ ట్రైనర్గా చేరతాడు. అక్కడే మేనేజర్ గా పనిచేసే వ్రిందా అనే అమ్మాయిని చూడగానే ప్రేమలో పడిపోతాడు. ఎలాగైనా ఆమెతో జీవితం పంచుకోవాలనుకుంటాడు.కానీ ఆ అమ్మాయి ఓ సమస్యతో బాధపడుతుంది. దీంతో పెళ్లికి నిరాకరిస్తుంది.
ఆ సమస్యను దాచి పెళ్లికి పెద్ధల్ని ఒప్పించేందుకు కృష్ణ ఎన్ని అబద్దాలు ఆడాడు ? పెళ్లి తర్వాత ఎలాంటి కష్టాల్ని ఎదుర్కొన్నాడు అనేది కథ. ఇక ఇప్పుడు ఈ సినిమా ఓటీటీ ద్వారా సినీ ప్రియుల ముందుకు మరోసారి రాబోతుంది.
