Valatty OTT: ఓటీటీలోకి వచ్చేసిన మలయాళ సూపర్‌ హిట్‌ మూవీ.. తెలుగులోనూ స్ట్రీమింగ్.. ఎక్కడ చూడొచ్చంటే?
ఓటీటీలో మలయాళ సినిమాలకు ఉన్న క్రేజ్‌ గురించి ప్రత్యేకంగా చెప్పక్కర్లేదు. విభిన్నమైన కాన్సెప్టులు, ఎంతో సహజ సిద్ధంగా తెరకెక్కే ఈ సినిమాలకు తెలుగులో సపరేట్‌ ఫ్యాన్స్‌ ఉన్నారు. తెలుగు ఆడియెన్స్‌ను దృష్టిలో ఉంచుకునే పలు ఓటీటీ సంస్థలు మలయాళ సినిమాలను తెలుగులోకి డబ్బింగ్‌ చేసి మరీ తమ ప్లాట్‌ఫామ్స్‌లో స్ట్రీమింగ్‌కు తీసుకొస్తున్నాయి
Updated on: Nov 07, 2023 | 9:47 PM
ఓటీటీలో మలయాళ సినిమాలకు ఉన్న క్రేజ్‌ గురించి ప్రత్యేకంగా చెప్పక్కర్లేదు. విభిన్నమైన కాన్సెప్టులు, ఎంతో సహజ సిద్ధంగా తెరకెక్కే ఈ సినిమాలకు తెలుగులో సపరేట్‌ ఫ్యాన్స్‌ ఉన్నారు. తెలుగు ఆడియెన్స్‌ను దృష్టిలో ఉంచుకునే పలు ఓటీటీ సంస్థలు మలయాళ సినిమాలను తెలుగులోకి డబ్బింగ్‌ చేసి మరీ తమ ప్లాట్‌ఫామ్స్‌లో స్ట్రీమింగ్‌కు తీసుకొస్తున్నాయి. 2018, పద్మినీ, జర్నీ ఆఫ్‌ 18 ప్లస్, కాసర్‌ గోల్డ్‌.. ఇలా ఎన్నో మలయాళ సినిమాలు తెలుగు ఓటీటీలో రిలీజై తెలుగు ఆడియెన్స్‌ను అలరించాయి. ఇప్పుడు మరో మలయాళ బ్లాక్‌ బస్టర్‌ సినిమా ఓటీటీలోకి వచ్చేసింది. అదే వాలట్టి. డాగ్స్‌ లవ్ కాన్సెప్ట్‌కు కాస్త ఫన్‌ను జోడించి ఈ మూవీని రూపొందించారు. ఎలాంటి వీఎఫ్‌క్స్‌ ఉపయోగించకుండా నిజమైన శునకాలనే యాక్టర్లుగా తెరకెక్కించిన తొలి భారతీయ చిత్రం వాలట్టీ కావడం విశేషం. జులై 21న థియేటర్లలో విడుదలైన ఈ సినిమా మలయాళ ప్రేక్షకులను విపరీతంగా ఆకట్టుకుంది. బాక్సాఫీస్‌ వద్ద భారీ కలెక్షన్లు రాబట్టింది. ఇప్పుడీ సినిమా ఓటీటీలోకి వచ్చేసింది. ప్రముఖ ఓటీటీ ప్లాట్‌ఫామ్‌ డిస్నీ ప్లస్ హాట్ స్టార్ వాలట్టి సినిమా డిజిటల్‌ స్ట్రీమింగ్ రైట్స్‌ను సొంతం చేసుకుంది. ఈ క్రమంలో మలయాళంతో పాటు తెలుగు, హిందీ, తమిళ, కన్నడ భాషల్లో వాలట్టీ సినిమా ఓటీటీలో స్ట్రీమింగ్‌కు వచ్చేసింది.
వాలట్టీ సినిమాకు దేవన్ జయకుమార్ దర్శకత్వం వహించారు. ఫ్రైడే ఫిల్మ్ హౌస్ పతాకంపై విజయ్ బాబు ఈ సినిమాను నిర్మించారు. వరుణ్ సునీల్ ఈ చిత్రానికి సంగీతం అందించారు. విష్ణు పనికర్ సినిమాటోగ్రాఫర్‌గా వ్యవహరించారు. ఈ మూవీలో శునకాలే నటించినా షన్ మాథ్యూ, రవీనా రవి, సౌబిన్ షాహిర్, సన్నీ వైన్, సైజు కురుప్, అజు వర్గీస్, ఇంద్రన్స్, రజినీ హరిదాస్ లాంటి స్టార్లు వాయిస్ ఓవర్ ఇవ్వడంతో సినిమా మరో లెవెల్‌కు వెళ్లిపోయింది. టామీ అనే గోల్డెన్‌ రిట్రైవర్‌ డాగ్, బ్రాహ్మణ కుటుంబం పెంచుకునే ఓ డాగ్ మధ్య జరిగే ప్రేమకథతో వాలట్టి సినిమా రూపొందింది.
డిస్నీ ప్లస్ హాట్ స్టార్ లో స్ట్రీమింగ్..
Valatty is streaming now on #DisneyPlusHotstar in 5 Indian languages – Telugu, Hindi, Tamil, Kannada & Malayalam.#ValattyonDisneyPlusHotstar #Valatty #Movie #Pet #Dogs #DogMovie pic.twitter.com/mvC0f2f07o
— Disney+ Hotstar Telugu (@DisneyPlusHSTel) November 7, 2023
పెట్ డాగ్ లవ్ స్టోరీతో..
കരി…ഈ ഹറാം എന്നുവച്ചാൽ എന്താ….?
Valatty is #streamingnow on #DisneyPlusHotstar in 5 Indian languages – Telugu, Hindi, Tamil, Kannada & Malayalam.
Watch Now: https://t.co/3J4x7nX6Vi#ValattyonDisneyPlusHotstar #Valatty #Movie #Pet #Dogs #DogMovie #DisneyPlusHotstarMalayalam pic.twitter.com/PzTmc4rt5O
— DisneyPlus Hotstar Malayalam (@DisneyplusHSMal) November 7, 2023
మరిన్ని సినిమా వార్తల కోసం ఇక్కడ క్లిక్ చేయండి..
